Жетісу облысында балаларға қатысты заңға қайшы әрекеттер анықталды. Көксу ауданындағы 7 мектепте 4 мыңнан астам оқушы информатика кабинеттерінде тыйым салынған сайттарға кірген, оның ішінде «Игра Сатаны» діни ресурсы мен ересектерге арналған мазмұнды сайттар бар.
Прокуратураның тексерісі нәтижесінде бұл сайттар бұғатталды. Сонымен қатар, 7 мұғалім тәртіптік жауапкершілікке тартылды.
Жетісу облысы прокуратурасы ата-аналарды балалардың интернеттегі белсенділігін қадағалап, олардың мінез-құлқындағы өзгерістерге назар аударуға шақыруда.
