Бухарестте XXI Халықаралық жасөспірімдер арасындағы жаратылыстану-ғылыми олимпиадасы (IJSO) аяқталды. Оған 60 елден 360 оқушы қатысып, физика, химия және биология пәндерінде өз білімдерін сынады. Қазақстан құрамасы алты оқушымен қатысып, 100% нәтиже көрсетіп, алты медаль жеңіп алды:
- Айзере Жеңісханова (Өскемен, 10-сынып) – 2-орын
- Әділ Жиенбаев (Алматы, 10-сынып) – 2-орын
- Анастасия Пономарева (Астана, 9-сынып) – 3-орын
- Әбдіжан Ибраимов (Астана, 9-сынып) – 3-орын
- Мұнар Сағымбай (Алматы, 10-сынып) – 3-орын
- Әлихан Іскендір (Ақтөбе, 9-сынып) – 3-орын
Команда жетекшілері: Самат Мақсұтов (PhD докторы, SDU доценті), Айдос Сәрсенбай (Ш. Есенов атындағы КТиИ университетінің студенті), Мұхаммедәлі Ғаниұлы (SDU студенті).
IJSO – 15 жасқа дейінгі оқушыларға арналған халықаралық сайыс, 2004 жылдан бері өткізіліп келеді. 2023 жылы Қазақстан құрамасы Бангкоктағы жарыста да барлық қатысушыларымен медаль алған.
