Абай облысындағы Абай атындағы мамандандырылған мектеп-гимназия-интернатында биология пәнінің мұғалімі қызметін атқаратын Ерқанат Садуханов әлемге әйгілі әнші Ники Минаждың “Pink Friday 2” альбомының делюкс-нұсқасының саунд-продюсері ретінде танылды.
Ники Минаж – әлемдегі ең атақты рэп орындаушылардың бірі әрі бірнеше беделді марапаттардың иегері. Оның қатарында ASCAP сыйлығының “Ең үздік хип-хоп орындаушысы” номинациясында алған жеңісі бар.
Сондай-ақ, жақында Эминемді озып, ең көп қаралған рэпер атанды.
Ерқанат Садуханов бұған дейін әлемдік деңгейдегі орындаушылармен жұмыс істеген, олардың ішінде Dua Lipa, Rosalia және Blackpink тобының мүшесі Lisa да бар.
