Елордадағы оқушылар Сәкен Сейфуллиннің бейнесін 2700 төртбұрышты құрақтан құрастырды.
Астана қаласының Білім басқармасының мәліметіне сүйенсек, Сәкен Сейфуллин атындағы №80 мектеп-гимназиясының мұғалімдері мен оқушылары биіктігі 6 метр, ені 4,5 метр болатын ерекше құрақты жасаған.
Бұл қолөнер туындысында үш бәйтеректің бірі ретінде Сәкен Сейфуллиннің бейнесі орын алған. Бір жарым ай бойы 2700 төртбұрышты құрақтан жасалған туынды көпшілікке ұнады және мектептің құнды жәдігерлерінің бірі болып саналады.
Айта кету керек, бұл туынды Сәкен Сейфуллиннің 130 жылдық мерейтойына арналып жасалды.
