2024–2025 оқу жылында қазақстандық оқушылар халықаралық білім бәйгелерінде айтарлықтай жетістікке жетті. ҚР Оқу-ағарту министрлігі Орта білім комитетінің төрағасы Қаныбек Жұмашевтың мәліметінше, барлығы 1720 оқушы әлемнің түрлі елдерінде өткен 35 халықаралық олимпиада мен ғылыми байқауға қатысып, 1006 медаль жеңіп алды.
🏅 Медальдар статистикасы:
-
🥇 193 алтын
-
🥈 349 күміс
-
🥉 464 қола
Осылайша, әрбір екінші қатысушы кемінде бір жүлдемен елге оралды.
📈 Үш еседен астам өсім
Салыстырмалы түрде, 2024 жылы халықаралық деңгейдегі олимпиадаларға 571 оқушы қатысып, 172 медаль жеңіп алған болатын. Ал 2025 оқу жылында бұл көрсеткіш үш еседен астам өсіп, қазақстандық оқушылардың білім деңгейі мен дайындық сапасының айтарлықтай артқанын көрсетіп отыр.
🌍 Ең беделді 7 олимпиададағы нәтижелер:
Қазақстандық оқушылар әлемдік деңгейде мойындалған жеті беделді халықаралық олимпиадада:
-
🥇 4 алтын
-
🥈 13 күміс
-
🥉 10 қола
медаль еншіледі.
«Бұл – еліміздің білім беру жүйесінің дамып келе жатқанын көрсететін айқын дәлел», – деді Қаныбек Жұмашев.
Мұндай жоғары нәтиже – оқушылардың білімге деген құштарлығы мен ұстаздардың кәсіби еңбегінің жемісі. Сонымен қатар, мемлекет тарапынан қолдау көрсетіліп отырған олимпиадалық дайындық жүйесінің тиімділігін де айғақтайды.
