1 C
Нур-Султан
07.10.2022

12 жылдық білім беру жүйесі тоқтайды.

Елімізде мақтауы асырылған кезекті ауқымды жобаның соңына дейін жетпей, жарты жолда қалатын түрі бар. Атышулы 12 жылдық білім беру жүйесін енгізу ісі уақытша тоқтатылатынын Білім министрінің өзі мойындады, — деп хаббарлайды КТК теларнасы.

Осылайша, ондаған жылдар бойы іске асуынан айғайы көп болған бағдарлама бірнеше жылға кейінге шегеріліп отыр. Тіпті дағдарыс кезінде қаржы жетпей қалған 12 жылдықтың жалғасуы да екіталай сияқты.
Елімізде талай дау туғызған 12 жылдық білім берудің ақыры берекесі қашты. Бұған биыл күзде ұл-қызы 6 жастан 1 сыныпқа мәжбүрлі түрде баратын ата-аналар ғана қуанып отырғандай. Себебі жаңа жүйеге ауысу 1 қыркүйектен бастап іске асырылуы тиіс еді.
Енді ата-аналар мен депутаттардың сынынан кейін ешқандай 12 жылдық деген әңгіме болмауы керек. Орта білім беру 11 жылдықпен қала береді. Бірақ, әзірше ғана.
«Парламенттен жобаны тоқтата тұрсақ деген ұсыныс түсті. Біз әрине, мүлдем тоқтатамыз деп айтпаймыз. 12 жылдық білім моделін қазіргі 11 жылға қосамыз», — деді Білім және ғылым министрі Аслан Сәрінжіпов.
Осылай деп ашығын айтқан еліміздің бас мұғалімі бұл амалсыздан қабылданған шешім деп отыр. Өйткені 12 жылдыққа көшуге бюджеттен қыруар қаржы керек екен. Ал бұндай ақша қазынадан табылмай қалыпты.
Оның үстіне елдегі білім ошақтары да сын көтермейді. Құлағалы тұрған білім ордаларының орнына әлі 149 мектеп салу қажет. Бұдан бөлек, ұстаздар мен оқулықтардың тапшылығы тағы бар.
Математика пәнінің мұғалімі Сәулеш Мұқанова, 15 жылдан бері 12 жылдыққа көшуді армандап жүргендердің бірі. Реформа кейінге қалғанымен оның қалай да жүзеге асарына сенімді.
«Енді қанша еңбекті жоқ қылып, тоқтатып тастауға болмайды. Қаншама мұғалімді әзірледік, кітаптарды жаңалап едік. Сонда бәрі босқа кете ме? Бұл Батыс елдерінде бар тәжірбие. Әрине тым қымбат жоба. Бірақ бас тартпауымыз керек», -дейді 12 жылдық білім беруді дамыту орталығының алғашқы жетекшісі Сәулеш Мұқанова.
Бұл бастаманы жақтаушылар табылғанымен олардың айтқаны ештеңені шешпейді. Себебі уақытша тоқтатылған 12 жылдық білім беру енді біразға дейін тұралайтын түрі бар. Осымен, баланы мектепке 6 жастан қабылдау керек деген даулы ұсынысқа да соңғы нүкте қойылған секілді.

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Ресейден келгендер мектепте мұғалім болып жұмыс істей алма ма?

Ресейде ішінара мобилизация жарияланған соң Қазақстанға бас сауғалап келгендердің саны көбейді. Оқу-ағарту министрі Асхат Аймағамбетов ресейлік мұғалімдердің Қазақстанда мектепке жұмысқа орналаса алмайтынын айтты. Zakon.kz-тің жазуынша,...

Алматының Алатау ауданында екі мемлекеттік колледж салынады

Алматы қаласының Алатау ауданында екі мемлекеттік колледж салынады. Бұл туралы қала әкімі Ерболат Досаев аудан тұрғындарымен кездесуде айтты. «Келесі жылдан бастап Алатау ауданында екі мемлекеттік...

Қазақстанда білім беру 13,8% қымбаттады

Қазақстанда білім беру ақысы 13,8% қымбаттады. Бұл туралы ҚР Стратегиялық жоспарлау және реформалар агенттігі Ұлттық статистика бюросынан мәлім етті. «Қыркүйек айында білім беру қызметтерінің бағасы...

Павлодар облысында алдағы 3 жылда 10 мектеп салынады

Жолдауда ұсынылған «Жайлы мектеп» ұлттық жобасы аясында Павлодар облысында алдағы 3 жылда 10 мектеп салынады. Бұл туралы Мемлекет басшысы Қасым-Жомарт Тоқаев Павлодар облысы жұртшылығымен...

Жаңа Әділетті Қазақстанға елімізде білім культі біржола орныққан кезде ғана жетеміз – Тоқаев

Мемлекет басшысы Қасым-Жомарт Тоқаев Павлодар облысының жұртшылығымен кездесуі барысында Мәшһүр Жүсіптің осы өңірдің перзенттерінің арасында алар орнына ерекше тоқталып өтті, деп хабарлайды KAZBILIM БОРТ№1 Telegram...