Білікті ұстаз Мира БАРКАЗАТҚЫЗЫ әлеуметтік желіде Қазақстандағы білім беру жүйесіндегі бағдарламалардың сапасы мен тиімділігін, мұғалімдер мен оқушылардың тәжірибелерін талдайды. Ұстаз бағдарламалардың тиімділігі мен әдістемелердің жеткіліксіздігін, бағалау өлшемдерінің болмауын, оқушылардың білімінің дұрыс бағаланбауын сынайды. Сонымен қатар, мұғалімдердің оқу мақсаттарын нақты жүзеге асыра алмауы және осы мәселелердің терең зерттелмегені туралы айтылады. Білім сапасының жалған көрсетіліп, жоғарыдан берілген бұйрықтармен түзетілетіндігіне де көңіл бөлінеді. Біз оқырмандарымызға ұстаздың жан айғайын ұсынамыз.
Бағдарлама дұрыс болмаса, оқулық та дұрыс болмайды. Біздің елде бағдарламаның тиімділігі аса зерттелмейді, шала-пұшық бағдарлама мұғалімге салмақ салады. Бағдарлама кемшілігіне келгенде мұғалім түзесін дейтіндер тек біздің мемлекетте, одайда алдыларына жан салмайды. Бағдарлама жасалады, бірақ әдістемесі жасалмайды, бағалау өлшемі мен оқушының алатын білім көлемі өлшенбейді, өлшенбеген соң дұрыс бағаланбайды. Оқушы білімі нақты бағаланбаған соң, нәтижесіз болады. Оқушы білімі қайдан өлшенеді, қалай бағаланады?! Одан бұрын бағдарламадағы нәтижені нақтылайтын құндылықтар бағаланбайды, өлшенбейді, абстрактілі ұғымдар алынған. Педагог дайындайтын жоғарғы оқу орындарының кейбірі қолданыстағы бағдарламаны мүлде оқытпайды (2012-2024 жылдарда)Тек әдіс-тәсілдерге басымдық берді де пән мазмұнын оқушыға жеткізудегі күрделі процесс ескерілмеді. Практиканттардың сабақта “Апелсин” тәсілін қолданғаны “чудо” жаңалық болып есептелгенін өз көзім көрді.Мұғалімдердің оқу мақсаттарымен тиянақты, нәтижеге дейін жете жұмыс жасай алмау себептері де зерттелмеген. Себептері мен салдары талданбаған. Сондықтан білім алушылардың білі сапасы жалған “көтермеленіп” жоғарыдан берілген ауызша бұйрықен түзетіліп отыратыны жасырын емес, әсіресе соңғы бір -екі жыл сондай болып тұр. “Айтқанның аузы жаман”, ал айтпасақ бұның ұрпаққа қиянаты көп. Оны ойлаған билік жоқ.
Мира БАРКАЗАТҚЫЗЫ
Facebook жазбасы.
