Ұлттық бірыңғай тестілеу орталығының ресми әлеуметтік желідегі парақшасында осы күнге қатысты ақпарат жарияланды.
- Қаңтар айындағы ҰБТ басталып кетті. Барлық қатысушыларға сәттілік тілейміз! – делінген хабарламада.
Осыған орай, ҰБТ-ның құрылымында ешқандай өзгеріс жоқ. Әлі де үш міндетті пән және екі таңдау пәні бойынша тест тапсырмалары беріледі. Барлығы 120 сұрақтан тұратын тестілеуде «Қазақстан тарихы» пәнінен 20 сұрақ, «Оқу сауаттылығы» пәнінен 10 сұрақ, «Математикалық сауаттылық» пәнінен 10 сұрақ және бейіндік пәндер бойынша 40 сұрақ қарастырылған. Жалпы максималды балл саны – 140.
Тест тапсыру уақыты 4 сағатты құрайды (240 минут). Бірақ ерекше білім беру қажеттіліктері бар талапкерлерге қосымша 40 минут уақыт беріледі. Бұл өзгеріс тестілеу барысын жеңілдетуге және мүмкіндігі шектеулі балаларға қолайлы жағдай жасауға бағытталған.
Сондай-ақ, ҰБТ-ның өткізілу тәртібі мен ережелеріне қатысты толық ақпарат және жаңалықтар орталықтың ресми сайтында және әлеуметтік желідегі парақшаларында жарияланып отырады. Тестілеу нәтижелері әр талапкер үшін жедел түрде хабарланады, сондай-ақ арнайы порталдар арқылы тексеруге мүмкіндік беріледі.
