1 C
Нур-Султан
07.10.2022

Жас ғалымдарымыз тегін жоғары білім алуы тиіс – Мәжіліс депутаты

Жас ғалымдарымыз тегін жоғары білім алуы тиіс. Мұндай пікірді ҚР Парламенті Мәжілісінің депутаты Ирина Смирнова білдірді.

Өте көп жастарымыз жоғары білім алу үшін шетелге кетіп жатыр. Жоғары білім алғаннан кейін олардың көпшілігі сол жақта қалып қоятындығын да білеміз. Ал бұл мемлекетіміз үшін үлкен шығын екені түсінікті. Ал ғылыми қызметкерлерді дайындайтын жоғары оқу орындарымыз қандай? Ғылыми қызметкер болғысы келгендер жақсы білім ала алмай жатады. Біздегі көптеген жоғары оқу орындарында білім алу, әсіресе гуманитарлық салада ақылы. Сондықтан да ғалым болғысы келетін жастарымыз өзге елдерге тегін білім алу үшін кетіп қалады», — деді Мәжіліс депутаты «Ақылды жастардың шетелге кетуі. Себептері және оған қалай қарсы тұруға болады?» тақырыбындағы дөңгелек үстел барысында.

Осы ретте ол бүгінде жауапкершілігі шектеулі серіктестікке айналған еліміздің Ғылым академиясын мемлекеттік мекемеге айналдыру керек деп санайды.

«Бұл – бірінші. Екінші – біздің жас ғалымдарымыз Германия, Франциядағыдай тегін жоғары білім алуы тиіс. Бүгінде Ресейде де көптеген жоғары оқу орны тегін жоғары білім береді. Барлығы бірдей жоғары оқу орнын бітіре алмайтындығы белгілі. Бірақ, ол жерге баруға барлығының да мүмкіндігі болу қажет», — деді Ирина Смирнова.

Айта кетерлігі, осы дөңгелек үстел барысында Қазақстанның коммунистік халық партиясы Нұр-Сұлтан қалалық филиалының екінші хатшысы Ділдә Майданбекова жастар трендін зерттеу аясындағы сауалнама нәтижесін жариялап, 15 пен 29 жас аралығындағы қазақстандықтардың шамамен 42 пайызы шетелге оқуға немесе тұрақты тұруға кетуді жоспарлап жүргенін айтқан еді.

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Ресейден келгендер мектепте мұғалім болып жұмыс істей алма ма?

Ресейде ішінара мобилизация жарияланған соң Қазақстанға бас сауғалап келгендердің саны көбейді. Оқу-ағарту министрі Асхат Аймағамбетов ресейлік мұғалімдердің Қазақстанда мектепке жұмысқа орналаса алмайтынын айтты. Zakon.kz-тің жазуынша,...

Алматының Алатау ауданында екі мемлекеттік колледж салынады

Алматы қаласының Алатау ауданында екі мемлекеттік колледж салынады. Бұл туралы қала әкімі Ерболат Досаев аудан тұрғындарымен кездесуде айтты. «Келесі жылдан бастап Алатау ауданында екі мемлекеттік...

Қазақстанда білім беру 13,8% қымбаттады

Қазақстанда білім беру ақысы 13,8% қымбаттады. Бұл туралы ҚР Стратегиялық жоспарлау және реформалар агенттігі Ұлттық статистика бюросынан мәлім етті. «Қыркүйек айында білім беру қызметтерінің бағасы...

Павлодар облысында алдағы 3 жылда 10 мектеп салынады

Жолдауда ұсынылған «Жайлы мектеп» ұлттық жобасы аясында Павлодар облысында алдағы 3 жылда 10 мектеп салынады. Бұл туралы Мемлекет басшысы Қасым-Жомарт Тоқаев Павлодар облысы жұртшылығымен...

Жаңа Әділетті Қазақстанға елімізде білім культі біржола орныққан кезде ғана жетеміз – Тоқаев

Мемлекет басшысы Қасым-Жомарт Тоқаев Павлодар облысының жұртшылығымен кездесуі барысында Мәшһүр Жүсіптің осы өңірдің перзенттерінің арасында алар орнына ерекше тоқталып өтті, деп хабарлайды KAZBILIM БОРТ№1 Telegram...