1 C
Нур-Султан
07.10.2022

Мезгілсіз ҰБТ-лар туралы

Жекеме көптен бері ата-аналар мен түлектер тарапынан көп келетін тағы бір сұраққа жауап бере кетуді жөн көрдім.

Өткен жылдан бастап ҰБТ-ны бес мәрте тапсыруға болады, оның төртеуі (қаңтар, наурыз, шілде, тамыз айларында тапсыратындары) тек ақылы оқуға түсушілерге арналған. Ал, мемлекеттік грантқа түсу үшін тек маусым айындағы ҰБТ сертификаты жарамды.
Енді, ата-аналар мен түлектер осы «Қаңтар, наурыз айында тапсыратын ақылы ҰБТ-ға тапсырудың пайдасы бар ма? Әлде…» деген сұрақты көп қояды.
Бұл ақылы ҰБТ-ларды тапсырудың меніңше еш пайдасы жоқ. Себептері төменде.

Біріншіден, баланың басын қайта-қайта ауыртып керек емес. Қобалжытпай тек маусымға тыңғылықты дайындалу керек.

Екіншіден, ақылы бөлімге егер шектік балдан асқан жағдайда маусым айындағы тегін ҰБТ сертификатымен де түсе аласыз. негізі 140 балдан шектік 55 балды алудың түк те қиындығы жоқ.

Үшіншіден, егер дәл сол кезде шекті балды ала алмай жатсаңыз, онда одан кейін тамыз айында да ақылы тапсыратын мүмкіндігіңіз бар, онда не асығыстық? Бірінші дайындықты дұрыстап, мемлекеттік грантқа неге үміттеніп көрмеске? Оның үстіне қазір грант көп, мүмкіндік көп.

Төртіншіден, «өзімді бір сынап көрсем» дегендер үшін онсыз да мектепте, дайындық курстарында аптасына сынақ тесттер жазуға болады, ол үшін ақылы түрде, бір жерге уақыт шығындап барып тапсырудың қажеті жоқ. Өз деңгейіңді сынайтын онлайн, офлайн мүмкіндіктер жеткілікті.
Әрі, «осы ақылы ҰБТ-да жоғары балл алып, ертең тегін ҰБТ-да төмен балл алып қалсам, ақылы ҰБТ сертификатымен грантқа үміткер болып қалам ба?» деген жалған идеядан аулақ болыңыздар. Мемлекеттік гранттың конкурсына тек маусымдағы ҰБТ-ның сертификаты ғана жарамды.

Сізді мазалаған тағы қандай сұрақ бар? Заң шеңберінде жауап беруге тырысайық.
Барша түлектерге сәттілік тілеймін, дайындықтарыңыз жүйелі һәм тыңғылықты болсын!

Республикалық QAZBILIM ортаылғы директоры Аятжан Ахметжанұлы

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Ресейден келгендер мектепте мұғалім болып жұмыс істей алма ма?

Ресейде ішінара мобилизация жарияланған соң Қазақстанға бас сауғалап келгендердің саны көбейді. Оқу-ағарту министрі Асхат Аймағамбетов ресейлік мұғалімдердің Қазақстанда мектепке жұмысқа орналаса алмайтынын айтты. Zakon.kz-тің жазуынша,...

Алматының Алатау ауданында екі мемлекеттік колледж салынады

Алматы қаласының Алатау ауданында екі мемлекеттік колледж салынады. Бұл туралы қала әкімі Ерболат Досаев аудан тұрғындарымен кездесуде айтты. «Келесі жылдан бастап Алатау ауданында екі мемлекеттік...

Қазақстанда білім беру 13,8% қымбаттады

Қазақстанда білім беру ақысы 13,8% қымбаттады. Бұл туралы ҚР Стратегиялық жоспарлау және реформалар агенттігі Ұлттық статистика бюросынан мәлім етті. «Қыркүйек айында білім беру қызметтерінің бағасы...

Павлодар облысында алдағы 3 жылда 10 мектеп салынады

Жолдауда ұсынылған «Жайлы мектеп» ұлттық жобасы аясында Павлодар облысында алдағы 3 жылда 10 мектеп салынады. Бұл туралы Мемлекет басшысы Қасым-Жомарт Тоқаев Павлодар облысы жұртшылығымен...

Жаңа Әділетті Қазақстанға елімізде білім культі біржола орныққан кезде ғана жетеміз – Тоқаев

Мемлекет басшысы Қасым-Жомарт Тоқаев Павлодар облысының жұртшылығымен кездесуі барысында Мәшһүр Жүсіптің осы өңірдің перзенттерінің арасында алар орнына ерекше тоқталып өтті, деп хабарлайды KAZBILIM БОРТ№1 Telegram...