-18 C
Нур-Султан
09.02.2023

Әлемге ортақ 100 сөз жинақтаған павлодарлық оқушы Мәскеуге шақырту алды

 Оңтүстік Қазақстан мемлекеттік педагогикалық университетінде «Заманауи білім беру тенденциялары, болашаққа көзқарас — Байтанаев оқулары-7» атты xалықаралық конференцияда павлодарлық оқушының жобасы көпшіліктің назарын аударды, деп хабарлайды pavlodarnews.kz.

— Мұндай xалықаралық шара осымен жетінші рет өтуде, — дейді ұйымдастырушылардың бірі, ғылыми зерттеу жұмыстары бөлімінің басшысы Жанат Ибрагимова. — Осы жылы конференция жинақтары үш том болып басылды. Жыл сайын қатысушылар саны артуда. Қазақстан, Ресей, Түркия, Өзбекстан және тағы басқа елдерден 400-ден аса жұмыс келіп түсті. Шет елді айтпағанның өзінде Ақтөбе, Алматы, Шымкент, Түркістан, Павлодар өңірлері  бақ сынады.

Аталмыш жиында Павлодар облысының намысын қорғаған Ы.Алтынсарин атындағы дарынды балаларға арналған қазақ гимназия-интернатының 8 сынып оқушысы Рамазан Дәуренбекұлы бүкіл әлемге ортақ сөздер арқылы бір тілде сөйлейтінін дәлелдеуге тырысты.

— Бұл жұмысты өткен жылдан бері жазып келемін, — дейді 8 сынып оқушысы. — Қазіргі таңда әлемге ортақ 100 сөз таптық. Мақсатым —  қазақ тілі білімінің ғылымына жаңа көзқарас алып келу. Шын мәнінде әлем xалықтарының сөздерін қазақ тіліндегі сөздермен салыстыра қарағанда қызық жәйтке тап боласыз. Ағылшындарда hot деген сөз бар. Ол «ыстық» деген мағына береді. Ал бізде осымен дыбыстас «от» деген сөз бар. Міне, біз осыдан кейін бір лексика-семантикалық топтағы түрлі тілдерде фонетикалық үндес сөздерді жинақтай бастадық.

Жас ғалымға жетекшілік жасап жүрген ұстазы Бақдәулет Нұрматтың айтуынша, бұл тақырып көпшіліктің қызығушылығын тудырып, конференция барысында қызу талқыға түскен.

— Биылғы жылдың көктемінде осы тақырыппен Мәскеуде өтетін конференцияға қатысуға шақырту алдық, — дейді ұстазы. —  Студент кезден осы жобаға деген қызығушылық болатын. Ресей мен Сауд Арабиясы елдерінде осы жұмыс туралы баяндамалар жарияланды. Бүгінде шәкіртім әлемге ортақ сөздерді іздестіру арқылы дүние жүзіндегі әртүрлі елдерді өзара жақындастыра түседі деген ойдамын.

 

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

7 мыңға жуық мектеп пен колледжге буллингтің алдын алу бойынша түсіндіру жұмысы жүргізіледі

ҚР Оқу-ағарту министрлігінің Балалардың құқықтарын қорғау комитеті хабарлағандай, еліміздің бірнеше өңірінде балаларды жәбірлеудің (буллинг) алдын алу және білім беру ұйымдарындағы психологиялық қызметтердің жұмыс принциптері...

«Өліммен бетпе-бет келдік»: қазақстандық студент Түркиядағы жағдай туралы айтып берді

Нұрболат Кәрібай – қазір Түркияның Кайсері қаласында білім алып жүрген студенттің бірі. Анадолы жерінде отбасымен тұрып жатыр. Ол қаладағы жағдайды түсіндіріп өтті. «Түркияның Кайсері қаласында...

Атырау университетінде онлайн курс және вебинарлар жазу студиясы ашылды

Х.Досмұхамедов атындағы Атырау университетінде Жаппай ашық онлайн курсы (MOOC) оқыту әдістемесі аясында онлайн курстар мен вебинарларды жазу бейнестудиясы мен IT сыныптары ашылды. «Бұл кабинет, біріншіден,...

«Сауатым жоқ»: 42 жастағы әріп танымайтын келіншек «Әліппені» оқып жүр

Алматы облысында пәтер жалдар тұратын Талғат Кәстекбаев пен Жаңакүл Көшербаеваның үш баласы бар. Олар күн салқында киетін аяқ киім таба алмай, мектепке бара алмай...

Қазақстандық ЖОО-лар Түркиядағы студенттерді қабылдауға дайын – министрлік

Қазақстандық жоғары оқу орындары Түркияда оқып жатқан ел азаматтарын және қандастарды қабылдауға дайын. Бұл туралы Ғылым және жоғары білім министрлігінің баспасөз қызметі хабарлады. «ҚР Түркиядағы елшілігінің...