27 сәуір күні, сағат 11:00-де Л.Н.Гумилев атындағы Еуразия ұлттық университетінде (Астана қ., Қ. Сатбаев көшесі, 2) Қазақстан Республикасының Білім және ғылым министрі Ерлан Сағадиевтің жұртшылық өкілдерімен есепті кездесуі өтеді, — деп хабарлайды Білім және ғылым министрілігінің ресми сайты.
Кездесу барысында министр білім және ғылым жүйесінің негізгі даму бағыттарын баяндап, сұрақтарға жауап береді.
Кездесуде ақпараттық алаң ұйымдастырылып, онда салалық департаменттер мен бейінді комитеттер азаматтардың сұрақтарына жауап беріп, оларды қызықтыратын мәселелер бойынша кеңес береді. Ақпараттық алаң өз жұмысын сағат 10:00-де университет фойесінде бастайды.
Есепті кездесудің тікелей көрсетілімі www.bnews.kz ақпараттық интернет порталында жүргізіледі.
