2025 жылы бірінші сыныпқа өтініш қабылдау 1 сәуірде басталып, 31 тамызға дейін жалғасады.
Қазақстан Республикасының «Білім туралы» Заңына сәйкес, 1-сыныпқа ата-анасының өтініші бойынша 6 жастан бастап балалар қабылданады. Құжаттарды egov.kz электрондық үкіметі, жергілікті атқарушы органдардың ақпараттық жүйелері арқылы немесе қағаз түрінде 1 сәуір мен 31 тамыз аралығында тапсыруға болады.
Құжаттар тізімі (Қазақстан азаматтары үшін):
- Ата-ананың немесе заңды өкілінің өтініші.
- №065-у нысанындағы денсаулық жағдайы туралы анықтама және №052-2/у нысанындағы баланың денсаулық паспорты.
- Өлшемі 3х4 см екі фотосурет.
Шетел азаматтары үшін:
Шетел азаматтарының ата-аналары немесе заңды өкілдері Қазақстанда уақытша немесе тұрақты тұратын болу керек. Олар Қазақстан Республикасында тұрақты тұру құқығы мен тұрғылықты жері бойынша тіркеу туралы құжаттарды ұсынуы қажет.
Өтініштер дүйсенбіден жұмаға дейін, демалыс және мереке күндерін қоспағанда қабылданады.
Құрметті ата-аналар! Құжаттарды соңғы күндерге қалдырмай, балаңызды мектепке қабылдау мәселесін алдын ала шешуді ұсынуға шақырамыз! – деп хабарлады министрлік.
Айта кету керек, 2024-2025 оқу жылында 351 176 бала 1-сыныпқа қабылданды, оның 70%-ы мемлекеттік тілде білім алуға ниет білдірді.
