7 C
Нур-Султан
30.06.2022

Халықаралық Astana English school мектеп гимназиясы жанынан қазақ тілі бастауыш ұйымы құрылды

Халықаралық «Қазақ тілі» қоғамы астаналық филиалының бұған дейін ана тілі төңірегіндегі келелі мәселелеріне белсенді үн қатып жүрген мүшелерінің бастамасымен қазақ тілі бастауыш ұйымдары құрыла бастады.

Солардың алғашқысы – №81 Astana English school мамандандырылған гимназия жанынан құрылған қазақ тілі бастауыш ұйымы.

Бүгін Қоғам мүшелері аталған білім ордасының қазақ тілі мен әдебиеті пәні мұғалімдерімен бас қосып, ана тіліміздің қолдану аясын кеңейту, мәртебесін биіктету, қоғамда тілді үйренуге деген қызығушылықты арттыру ісіндегі нақты мәселелерді талқылады. Әлемде таралу бойынша бірінші орында тұрған ағылшын тілінің мұғалімдері де қазақ тілін дамытуға, келешекте қолданыс аясын кеңейтуге және танымалдығын арттыру бойынша ұсыныстарын жеткізді.

Жиынға қатысқан Қоғамның астаналық филиалы төрағасының орынбасары Лариса Алдаберген бастауыш ұйымды құруда таңдау неліктен аталған гимназияға түскенін айтты.

«№81 Astana English school мамандандырылған гимназия тіл үйрету ісінде бай тәжірибеге ие белсенді ұжым. Бүгін мектептің қазақ тілін өскелең ұрпақ бойына сіңіруге, ана тілінің танымалдығын ағылшын тілі деңгейіне көтеруге іс жүзінде әрекет етіп жатқанына көзіміз жетіп отыр. Ұсынысымызға қолдау білдірген гимназия директоры Гүлнәр Дінқуатқызы мен ұжымды мектептің халықаралық статус алуымен құттықтаймын», деді Лариса Алдаберген.

Сондай-ақ, ол осы форматтағы басқосулар қазақ тілі мұғалімдерінің тілді меңгертуге деген құлшынысын арттыратынын және ана тілін дәріптеуге, жарнамалауға, мәртебесін арттыру мен қордаланған мәселелерді шешу үшін клуб құрып, айына бір рет басқосу өткізудің маңыздылығын атап өтті.

Жиын қорытындысында бастауыш ұйымның 10 мүшесі бекітіліп, алдағы 9 айда атқарылатын жұмыстар нәтижесінде (мектепте эксперимент жасап көріп) арнайы жобалар жасауға шешім қабылданды.

«Халықаралық «Қазақ тілі» қоғамы» қоғамдық бірлестігі — Қазақстан Республикасының мемлекеттік тілі – қазақ тілінің қоғамның барлық саласында қолданылуына, дамуына ынталы, елімізде және шетелдерде тұратын азаматтардың басын біріктіретін ерікті ұйымға мүше болғаныма өте қуаныштымын! Алға қойған мақсатымызға жетуге атсалысып, тіліміздің мерейін асқақтата берейік!», дейді №81 Astana English school мамандандырылған гимназиясының мұғалімі Индира Дарабайқызы.

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

ҚАЗАҚСТАН МЕН ӘЗІРБАЙЖАН БІЛІМ БЕРУ САЛАСЫНДА ТӘЖІРИБЕ АЛМАСУҒА НИЕТТІ

Нұр-Сұлтанда ҚР Оқу-ағарту министрі Асхат Аймағамбетов пен Әзірбайжанның Білім министрі Эмин Амруллаевтің кездесуі өтті. Келіссөздер барысында Эмин Амруллаев қазақстандық мектептердің жұмысы таң қалдырғанын айтып, тәжірибе...

Аймағамбетов министрлікті сынаған депутатқа жауап берді

Оқу-ағарту министрі Асхат Аймағамбетов депутат Юлия Кучинскаяның мұғалімдерге демалыс және сауықтыру төлемдері кешіктіріліп жатыр деген сынға жауап берді. Министрдің айтуынша, заң мемлекеттік органдар арасындағы функцияларды...

Оқу министрлігі Назарбаев мектебіндегі білім гранты дауына қатысты түсініктеме берді

ҚР Оқу-ағарту министрлігінің Назарбаев зияткерлік мектебіне қатысты шыққан дауға түсініктеме берді. Біз көпшіліктің жағдайды түсінбейтінін және Назарбаев зияткерлік мектептері министрлікке бағынысты деп санайтынын көріп отырмыз....

Бір күн облыстың білім саласын басқарған жігіт…

Республикалық "QAZBILIM" орталығы Түркістан бөлімшесінің жетекшісі Бауыржан Ниязбеков Түркістан облысы адами әлеуетті дамыту басқармасы басшысының уақытша міндетін атқарып көрді. Бұл іс-шара «23 маусым Мемлекеттік қызметкерлер...

ҚР Оқу-ағарту вице-министрі Ғани Бейсембаевтың еңбек демалысы төлемдерін төлеуге қатысты түсініктемесі

Маусым айының басынан бастап әкімдіктер педагогтерге 246 млрд теңге көлемінде еңбек демалысы ақысын уақытылы аударды. Өңірлердің басым бөлігінде мұғалімдерге еңбек демалысы ақысы толық төленген. Еңбек...