|  | 

Жаңалық

«Көктемгі» ҰБТ: 20 мыңға жуық түлек шекті деңгейден өте алмады

Білім және ғылым министрлігі төрт рет өткізілетін ҰБТ-ның «көктемгі» қорытындысын жариялады.

Министрліктің хабарлауынша, талапкерлер үшін жазғы тестілеуден бөлек Ұлттық бірыңғай тестілеуді қаңтар, наурыз, тамыз айларында тапсыру мүмкіндігі берілгені мәлім. ЖОО-ның ақылы бөліміне оқуға түсу үшін талапкерге жылына 4 рет өткізілетін ҰБТ-ның кез-келгеніне қатысып, шекті бал жинау жеткілікті. Ал, мемлекеттік білім беру гранттарын тағайындау бойынша өтетін конкурсқа қатысу үшін міндетті түрде маусым айында өтетін Ұлттық бірыңғай тестілеуге қатысу қажет.

«Еліміз бойынша 27-29 наурыз аралығында тестілеу өткізудің 133 пунктінде «көктемгі» ҰБТ болып өтті. Тестілеуге 78 133 адам қатысты, бұл көрсеткіш тестілеуге қатысуға өтініш берушілердің 97,6 пайызын құрады (оның ішінде 61 367 (78,5 пайызы) қазақ тілінде, 16 515 (21,1 пайызы) орыс тілінде және 251 ағылшын тілінде тапсырды). Шекті деңгейден өткендер саны – 58 317 (74,6 пайыз), шекті деңгейден өте алмағандар саны – 19 816 адам (25,4 пайыз). «Көктемгі» ҰБТ-ның ең жоғары балы – 138. ҰБТ нәтижелеріне сәйкес, бес пән бойынша орташа бал 70,5 балды құрады», – деп хабарлайды министрліктен.

ҰБТ-ның өткізу ережесін бұзғаны және тыйым салынған заттарды қолданғаны үшін тестілеуден 235 адам шығарылған. Ал, тестілеуге қатысқан 14 мүмкіндігі шектеулі жан үшін мемлекеттік комиссия шешімімен жеке аудиториялар және арнайы көмекшілер бөлінген.

«ҰБТ қатысушыларының көп бөлігі, атап айтсақ 23 691 адам (30,3 пайызы) «Математика-Физика» бейіндік пәндер комбинациясын таңдап алса, ал 15 596 (20,0 пайызы) тестіленуші «Химия-Биология» комбинациясын таңдаған. Ал, ең аз таңдалған пәндер комбинациясы «Химия-Физика» – 225 адам. ҰБТ қорытындысы бойынша республикалық апелляциялық комиссияға тестілеудің мазмұны бойынша келіп түскен өтініштердің бірде біреуі қанағаттандырылған жоқ», – делінген хабарламада.

Айта кеткен жөн, мемлекеттік білім беру грантын иеленуге үміттенген талапкерлер 2019 жылғы маусым айында өтетін ҰБТ-ны міндетті түрде тапсыруы қажет. Өйткені, наурыз айындағы тестілеуде шекті бал жинаған тестіленуші бұл сертификатымен ЖОО-да тек ақылы негізде оқи алады. Осылайша, наурыз айындағы Ұлттық бірыңғай тестілеу түлектерге негізгі тестілеудің алдында өз білімдерін тексеру үшін қосымша мүмкіндік беріп отыр.

«Сондай-ақ, 2019 жылғы ҰБТ форматы еш өзгеріссіз қалады. Оқуға түсуші дәстүрлі түрде 3 міндетті пән (Қазақстан тарихы, математикалық сауаттылық, оқу сауаттылығы) және 2 бейіндік пән бойынша тестілеуден өтеді», – деп хабарлайды ҚР БҒМ баспасөз қызметінен.

ОҚИ ОТЫРЫҢЫЗДАР

  • Қазақстан Президенті Қасым-Жомарт Тоқаев Білім және ғылым министрін қабылдады

    Қазақстан Президенті Қасым-Жомарт Тоқаев Білім және ғылым министрін қабылдады

    Қазақстан Президенті Қасым-Жомарт Тоқаев Білім және ғылым министрі Күләш Шәмшидинованы қабылдады, – деп хабарлайды Ақорданың баспасөз қызметіне сілтеме жасай отырып, , Қазбілім порталы.  Мемлекет басшысына білім беруді және ғылымды дамыту Мемлекеттік бағдарламасының жүзеге асырылу барысы баяндалды. Қасым-Жомарт Тоқаев үш ауысымда оқытуды жою, жаңа мектептер салу және үш тілде білім беруге біртіндеп өту жұмыстарын жалғастыру маңызды

  • Қазақстан ЖОО-ларында білім гранттарының құны артуы мүмкін

    Қазақстан ЖОО-ларында білім гранттарының құны артуы мүмкін

    М.В. Ломоносов атындағы Мәскеу мемлекеттік университетінің қазақстандық филиалына жеке ғимарат беру керек. Бұл туралы Парламент Сенатының жалпы отырысында депутат Бақытжан Жұмағұлов айтты. Қазақстандық филиалдың қызметін одан ары заңнамалық тұрғыда бекіту мақсатында 2017 жылғы 9 қарашада Челябинск қаласында ҚР Үкіметі мен РФ Үкіметі арасында М.В. Ломоносов атындағы Мәскеу мемлекеттік университетінің қазақстандық филиалының қызметі туралы келісімге қол

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog