Үстіміздегі жылдың 18 наурызында Қыздар университетінде Қазақ хандығының 550 жылдық мерейтойына орай «Халқым, сен, шын тіленіп табынарым» деген атпен екінші рет Таңжарық оқулары өтеді.
Алаш ұранды әдебиеттің белді өкілі, ұлт қайраткері, ақын-ағартушы Таңжарық Жолдыұлының өлеңдерін, өнегелі өмірін дәріптеп, жас ұрпақты қазақ әдебиеті мен тарихының ақтаңдақтарын ашуға, зерделеуге шабыттандыру мақсатында өтетін шараға Алматы қаласы ЖОО студенттері қатысады.
Шараға қатысушылар екі кезең бойынша сынға түседі. Бірінші «Өткір ой, жүйрік қиял, қырағы көз, адамға бітеді алуан түрлі мінез», — деп аталатын кезеңде жеке немесе командалық (3-5 адам) өнер байқауы өтеді. Мұнда қатысушылар ақын шығармашылығы негізінде шағын театрландырылған қойылым көрсетіп, ақынның өлеңдерін (кемі 2-3) мәнерлеп, жатқа оқудан сайысқа түссе, екінші кезеңде «Ақылға келсе сай боп айла серік, болжайды бәрін ақыл бұрын көріп», деген тақырып аясында ақын өмірі мен шығармашылығы, айтыскерлік таланты мен қайраткерлік тұлғасы жайында қойылған сұрақтарға жауап береді.
Таңжарық оқуларына қатысушыларға қомақты жүлде тігілген. Қаржылай демеуші: «Халықаралық Таңжарық зерттеу» қоғамдық қоры.
Кештің құрметті қонақтары: Қазақстан Жазушылар Одағының мүшелері, белгілі әдебиеттанушы, таңжарықтанушы ғалымдар, бұқаралық ақпарат құралдарының өкілдері.
2015 жылдың 17 наурызы сағат 10.00 — де іріктеу басталады. Байқауға қатысуға ниетті үміткерлер 13-наурызға дейін төменде көрсетілген мекен-жайға өзі туралы қысқаша мәліметтер көрсетіп тіркелуі қажет.
Ұйымдастыру комитеті:
ҚазМемҚызПУ, Қазақ әдебиеті кафедрасы. 218 каб.
Байланыс тел: 233-19-31. 8-701-148-20-10.
Электронды мекен-жай: d.tursyn@bk.ru
Шараның өтетін күні: 18 наурыз, 2015 жыл.
Басталуы: сағат 14.00-де.
Өтетін орны: ҚазМемҚызПУ, Гоголь көшесі, 114, Акт залы, 3-қабат.
