6.7 C
Нур-Султан
22.09.2021

Сүйіспеншілік пен шығармашылық

«Тәрбиелі – тәртіптің құлы,

Тәртіпті – елдің үлы»-деп Бауыржан Момышұлы айтқандай баланы ізгілікке, сүйіспеншілікке жетелеу ата-ана мен ұстаздардың қасиетті парызы десем қателеспейтін сияқтымын. Ал Тәуелсіз еліміздің Президенті Н.А.Назарбаевтың: «Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздың қолында» – деуі Егеменді жас мемлекетіміздің ертеңі, өз елінің тірегі болар саналы, білімді азамат етіп тәрбиелеу, қоршаған ортаны, табиғатты, қоғамды, Отанды сүюге тәрбиелеу, балаға рухани азық беру болып табылатыны сөзсіз.

«Бөбек» қорының қайырымды ісі еліміздің бірінші ханымы Сара Алпысқызының бастамасымен 1992 жылы 7 жасқа дейінгі сәбилерді қамқорлыққа алып, олардың әлеуметтік жағынан қорғалуына, парасаттылық рухында тәрбиелеуіне көмектесу мақсатымен құрылған. «Бәрі де махаббаттан басталады» — деген Сара Алпысқызының сөзінде тіршіліктің түйіні жатқандай болып көрінеді. Өйткені, махаббат – адам жүрегін нұрлы қуанышқа бөлек, рухына қанат бітіретін ең күшті, ең тұрақты, ең асқақ сүйіспеншілік сезім.
«Өзін-өзі тану» пәні арқылы оқушы бойына мейірім мен махаббат, адамгершіліктің, әділдіктің дәнін себуге болады. Ең бастысы, бұл пән – қазіргі кезде де мәнін жоғалта бастаған дербестікке, адамгершілік – рухани этикаға үйретеді.

Алғаш рет мемлекеттік деңгейде, өскелең ұрпақты әмбебап және жалпыадамзаттық құндылықтарға оқыту міндетін – «өзін-өзі тану» жобасының авторы – С.А.Назарбаева. Осы ретте біздің мектебімізде «Өзін-өзі тану: Сүйіспеншілік пен Шығармашылық педагогикасы» атты онкүндік өткізілді.

Бұл онкүндіктің мақсаты – балалар мен жастардың адамгершілік –рухани тәрбиелеу жүйесін дамыту, олардың азаматтық мәдениет дағдыларын жетілдіру. Онкүндіктің ашылу салтанаты дүйсенбіде ертеңгілік жиын кезінде «Өзін-өзі тану» пәндерінің мұғалімдері Туякова М.К. мен Саак О.А. баяндамалары мен оқушылардың ән-тақпақ айтуларымен өтті.

Келесі күні сыныптар арасында «Мейірімділік – асыл қасиет» қабырға газеттерін қорғау, сондай-ақ  9-қазақ  сыныбы мен 8-9 орыс сыныптарында  «Мейірімге толы жүрек», «Волшебная сила добра» атты сабақтар өткізілді.

Мектеп кітапханашысы Маурер С.А.  «Мейірім төгетін ана» тақырыбында кітап көрмесін ұйымдастырды.

Мектептің тәрбие ісінің меңгерушісі Шолакова Г.Е. мультимедиялық кабинетте «Өзін-өзі тану» рухани-адамгершілік білім беру бағдарламасының авторы С.А.Назарбаеваның өмір тарихына арналған презентация сабағын, информатика пәнінің мұғалімі Карибаев К.Б. «Дружбой дорожить умей» атты ашық сынып сағатын өткізді. Сонымен бірге сызу, сурет салу мұғалімі Рахимжанова Д.М. жетекшілігімен «Өнеге отбасынан» атты сурет көрмесі мен «Ана, мейірімділік, достық» тақырыптарында оқушылардың шығармашылық жұмыс көрмелері ұйымдастырылды.

Онкүндік күндері мектепте мектеп ұжымы көмегімен «Жүректен жүрекке» атты қайырымдылық акциясы ұйымдастырып, мүгедек, отбасы жағдайы төмен оқушыларға көмек көрсетілді.

Адам жүрегі махаббатқа, сүйіспеншілікке толы болса ғана мейірімділік, адалдық сияқты асыл қасиеттер үнемі байқалып тұрады. Өмірді сүю, Отанды, туған жерді сүю, білімге құштарлық та сүйіспеншілікке байланысты болады.

Әрбір оқушы, қоғамдағы адамдар жеке тұлға ретінде кез-келген істі, кез-келген жұмысты сүйіп, махаббатпен қараса, сонда ғана олар өз армандарына, өз мақсаттарына жетеді деген қорытындыға келдік.

Шолақова Гүлнұр Еркінқызы, Осакаров ауданы, Уызбай ауылының №8ОМ

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Білім министрлігі барлық өңірлеріндегі жауапты басшылардың ұялы телефонын жариялады

Білім министрлігі еліміздің барлық өңірлерінде орналасқан білім беру саласында сапаны қамтамасыз ету департаменттерінің бірінші басшыларының, сондай-ақ олардың орынбасарларының ұялы телефон нөмірлерін жариялады. «Қазақстандықтар аумақтық департаменттердің...

Гуманитарлық білім саласында қазақ тіліндегі 100 оқулық таныстырылды

ҚР Президенті жанындағы Қоғамдық сананы жаңғырту бағдарламасын іске асыру жөніндегі ұлттық комиссияның кеңейтілген мәжілісі аясында гуманитарлық білім саласында қазақ тіліндегі 100 оқулық таныстырылды. Бұл...

ШҚО-да 10 білім беру мекемесі мемлекеттік аттестаттаудан өтеді

Шығыс Қазақстан облысында 10 білім беру мекемесі мемлекеттік аттестаттаудан өтеді. Биылдан бастап мектептер мен балабақшалар білім беру стандарттары талаптарына сәйкестігін айқындау үшін аттестаттаудан өтеді....

Дүние­жүзілік үздік ұстаздардың топ елулігінде қазақстандық мұғалім бар

Жуықта Varkey қоры «Әлем мұғалімі» жаһандық сый­лығына үміткер үздік ұстаздардың есімін атады. Дүние­жүзілік байқауда үздік елуліктің қатары­на кіргендердің қатарында Се­мей­дегі Назарбаев зияткерлік мекте­бінің мұғалімі...

Тағылымдамаға жіберілетін ғалымдар іріктелуде

«Болашақ» бағдарламасы шеңберінде шетелге тағылымдамаға жіберілетін ғалым­дарды іріктеу жалғасып жатыр. Жетек­ші мамандар мемлекет есебінен әлемнің үздік жоғары оқу орындары мен ғылыми орта­лықтарында тағылымдамадан өтіп,...