-18 C
Нур-Султан
09.02.2023

Түркістанда ҰБТ кезінде қулық жасаған 100-ден астам оқушының нәтижесі қайта тексеріледі

Ұлттық тестілеу орталығының директоры Руслан Емелбаев ҰБТ кезіндегі ереже бұзу фактілері жайлы мәлім етті.

«Өткен аптада 15 күндік іссапардан оралдым. Осы уақыт ішінде Павлодар, Қызылорда, Түркістан, Алматы, Жетісу облыстары мен Шымкент, Алматы қалаларында орналасқан 17 тестілеу орталығын араладым. Талапкерлермен және 40+ градустық ыстықта бірнеше сағат бойы балаларын жақсы нәтижемен күтіп тұрған ата-аналармен кездестім. Тестілеу орталықтарында ҰБТ өткізу барысын қадағаладым. Осы сапарда оқуға түсушілер шағым түсіретін орталықтардың жұмысына ерекше көңіл бөлінді. Өкінішке қарай, еліміздің қасиетті жерінде орналасқан орталықта ереже бұзудың жаппай жағдайлары расталды. Технология дамыған заманда академиялық адалдық қағидасын бұзу тәсілдерін анықтау оңай емес. Қазір тестіленушілер қолдан жазылған көмекші құралдарды пайдаланбайды. Тіпті смартфондардың өзі шпаргалка ретінде қолданыстан шығып жатыр» деп жазды орталық директоры әлеуметтік желіде.

Оның айтуынша, кейбір тестілеу орталықтарында талапкерлер ҰБТ-ны бөгде тұлғаларды көмегімен компьютерге қашықтан қосылу арқылы тапсыруға тырысқан.

Тиісті шаралар қабылданып, іс құзыретті органдарға берілді.

«Ақпараттық қауіпсіздік біздің ерекше бақылауымызда. Анықталған жағдайдан соң орталық қызметкерлерінің осы бұзушылықтарға қатысы туралы күмән туындады. Сондықтан қызметтік тексеріс жүргізіледі. Ал 100-ден астам талапкердің нәтижесі қайта тексеріліп жатыр. Ереже бұзу анықталған жағдайда жинаған ұпайлары жойылып, олар грант конкурсына қатысу мүмкіндігінен айырылады. Құрметті тестіленушілер! ҰБТ-ның аяқталуына бір-ақ апта қалды. Қазір сіздер екінші мүмкіндіктеріңізді пайдаланып жатырсыздар. Тәуекелге бармай, ҰБТ-ны сәтті аяқтауларыңызға тілектеспін» дейді Руслан Емелбаев.

 

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

7 мыңға жуық мектеп пен колледжге буллингтің алдын алу бойынша түсіндіру жұмысы жүргізіледі

ҚР Оқу-ағарту министрлігінің Балалардың құқықтарын қорғау комитеті хабарлағандай, еліміздің бірнеше өңірінде балаларды жәбірлеудің (буллинг) алдын алу және білім беру ұйымдарындағы психологиялық қызметтердің жұмыс принциптері...

«Өліммен бетпе-бет келдік»: қазақстандық студент Түркиядағы жағдай туралы айтып берді

Нұрболат Кәрібай – қазір Түркияның Кайсері қаласында білім алып жүрген студенттің бірі. Анадолы жерінде отбасымен тұрып жатыр. Ол қаладағы жағдайды түсіндіріп өтті. «Түркияның Кайсері қаласында...

Атырау университетінде онлайн курс және вебинарлар жазу студиясы ашылды

Х.Досмұхамедов атындағы Атырау университетінде Жаппай ашық онлайн курсы (MOOC) оқыту әдістемесі аясында онлайн курстар мен вебинарларды жазу бейнестудиясы мен IT сыныптары ашылды. «Бұл кабинет, біріншіден,...

«Сауатым жоқ»: 42 жастағы әріп танымайтын келіншек «Әліппені» оқып жүр

Алматы облысында пәтер жалдар тұратын Талғат Кәстекбаев пен Жаңакүл Көшербаеваның үш баласы бар. Олар күн салқында киетін аяқ киім таба алмай, мектепке бара алмай...

Қазақстандық ЖОО-лар Түркиядағы студенттерді қабылдауға дайын – министрлік

Қазақстандық жоғары оқу орындары Түркияда оқып жатқан ел азаматтарын және қандастарды қабылдауға дайын. Бұл туралы Ғылым және жоғары білім министрлігінің баспасөз қызметі хабарлады. «ҚР Түркиядағы елшілігінің...