Home >> Керекті кеңес >> Мамандар мектеп асханасы бойынша кеңестер берді
Мамандар мектеп асханасы бойынша кеңестер берді

Қоғамдық денсаулықты қорғау департаментінің мамандары мектептерде қандай тағам түрлерін сатуға болмайтыны туралы айтты, деп хабарлайды Астана қаласы әкімдігінің сайты. 

Мектепте балалардың ыстық тағаммен тамақтануы олардың денсаулықтарын нығайтуға және оқу қабілетін жақсартуға әсерін тигізеді. Оқушылардың мәзірінде пайдалы және құнарлы тағамдар болуы қажет. Күнделікті тамақтану рационына ет, сүт, сарымай, өсімдік майы, қара нан, бидай наны, көкөністер және қант кіреді. Балық, жұмыртқа, ірімшік, сүзбе, құс еті екі аптада бір рет беріледі.

Санитарлық ережелерге сәйкес дайын тағамның сапасын мектептік бракеражды комиссия тексереді. Комиссия құрамына әкімшілік өкілдері, мектеп дәрігері және ата-аналар комитетінің төрағасы кіреді. Бракеражды комиссияның міндеті білім алушылардың тамақтануын ұйымдастыруды және сапасын қадағалауды қадағалау. Сонымен қатар, күнделікті медицина қызметкері немесе жауапты тұлға тағамдарға және кулинарлық өнімдерге органолептикалық бағалау жүргізуі қажет.

Мектеп асханаларында және буфеттерінде сатуға тыйым салынады:

— кремі бар кондитерлік өнімдер; — тұтынушылар қорабындағы кондитерлік өнімдер және тәттілер;

— қаймақ және майонез қосылған күрделі салат өнімдері;

— өнеркәсіпте дайындалмаған (үйде дайындалған) тағам өнімдері;

— тез дайындалатын тағам концентраттарын қолдануға;

— тәтті алкогольсіз сусындар, алкогольсіз энергетикалық (сергітетін) сусындар, концентратты шырындар; — фаст-фудтар, гамбургерлер, чипсы, қытырлақ нандар;

— ащы соустар, кетчуп, ащы қоспалар (бұрыш, хрен, горчица).

the author

Абай атамыздың сөзімен айтсақ: «білімдіден шыққан сөз, талаптығы болсын кез». Біз ортаға дәнекер бола алсақ – мақсатымыздың орындалғаны. Қадірлі оқырман сайт алаңында білім саласына байланысты өзекті деп санаған ойларыңызға орын береміз. Ұлт болашағына айтар ойларыңыз болса мархаббат.

Добавить комментарий

Ваш e-mail не будет опубликован.

  • Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз. E-mail: kazbilim@gmail.com
  • ZERO.KZ HotLog
Top