|  |  | 

Үздік Ұстаз

Елорданың ең үздік мұғалімі

Ең білікті, ең шығармашыл, ең білімді ұстаз. Бұл – биылғы «Үздік мұғалім» байқауына қойылған талап. Осы сыннан сүрінбей өткен №73 мектеп-лицейінің бастауыш сынып мұғалімі Гүлжан Бапанова болды. Оқушылар сарайында өткен қалалық кезеңде барлық сыннан сүрінбей өтіп, қанжығасына бас жүлдені байлаған ол Астананың ең үздік мұғалімі атағын иеленіп, 1 745 000 теңгелік сертификаттың иегері атанды. Шараға елорда әкімінің орынбасары Ермек Аманшаев қатысты.

Айта кетейік, бұл байқауға қаламыздың 84 мектебінен мұғалімдер алдын ала өткізілген екі кезеңге қатысты. Нәтижесінде 8 сайыскер финалға іріктелініп шықты. Өздерінің біліктіліктерін тәжірибе нәтижелері мен педагогикалық ситуациялардан шығу шеберліктері арқылы көрсеткен сайыс­керлерді қазылар алқасы ашық дауыс беру арқылы анықтады. Жүлделі І орын №50 мектеп-лицейінің қазақ тілі пәні мұғалімі Ұлболсын Есілбаеваға (1 654 000 теңгеге сертификат) бұйырса, ІІ орынды Білім және инновация лицейі­нің физика пәні мұғалімі Есбол Дүйсеев (1 561 000 теңгеге сертификат) иеленді. Ал ІІІ орын № 58 мектеп-гимназиясының тарих пәні мұғалімі Болат Бимендинге (1 012 000 теңгеге сертификат) бұ­йырды. Оқушыларды оқу үдерісіне тарта білу дағдылары мен сабақ өткізудегі кәсіби шеберлігімен ерекшеленген ұстаздарды «Әдіскер мұғалім», «Зерттеуші мұғалім», «Эрудит мұғалім», «Жаңашыл мұғалім», «Көрермендер көзайымы» аталымдары бойынша марапаттап 200 мың теңге көлемінде сыйақы мен арнайы дип­ломдар табысталды.

Гүлжан Бапанова,
№ 73 мектеп-лицейі­нің бастауыш сынып мұғалімі:

– ХХІ ғасыр – бәсеке ғасыры. Елбасымыз халыққа арналған жолдауында «ХХІ ғасырда білімін дамыта алмаған елдің тығырыққа тірелері анық. Осы заманғы білім беру жүйе­сінсіз әрі алысты барлап, кең ауқымда жаңаша ойлай білетін осы заманғы басқарушыларсыз біз инновациялық экономика құра алмаймыз» деген болатын. Біздер, ұстаздар қауымы, білімді ұрпақ – болашағымыздың кепілі екенін жақсы түсінеміз. Жеңісіме қатты қуандым. Сынақ – алда. Республикалық байқауда да топ жарып, астаналықтардың мерейін асырғым келеді.

Гүлжан РАХМАН

“Астана ақшамы” газеті

ОҚИ ОТЫРЫҢЫЗДАР

  • Әлемнің 12 беделді университетінен шақырту алған қазақ қызының арманы не?

    Әлемнің 12 беделді университетінен шақырту алған қазақ қызының арманы не?

    Елордадағы физика-математика бағытындағы Назарбаев зияткерлік мектебін биыл бітірген Әсел Рабатова әлемнің ең беделді 12 университетінің білім грантын ұтып алды. Оның ішінде «Назарбаев» Университетінің білім гранты да бар, деп хабарлайды ҚазАқпарат. Әсел 8-сыныптан-ақ мектеп өміріндегі барлық шараларға белсене араласты.  Достарымен бірге мектебінің логотипін өзі әзірлеген түрлі дизайндағы  киім үлгілеріне  пайдаланып сату арқылы бизнестің қыр-сырына да үйренді.

  • Атыраулық оқушы Кипрде математикадан халықаралық олимпиаданың алтын жүлдесін жеңіп алды

    Атыраулық оқушы Кипрде математикадан халықаралық олимпиаданың алтын жүлдесін жеңіп алды

    Білім-инновация лицей-интернатының оқушысы Айбек Мырзатаев математика пәні бойынша халықаралық олимпиаданың алтын медаль иегері атанды. Оны жеңісімен Атырау облысының әкімі Нұрлан Ноғаев жеке құттықтады. Кипр елінің Ларнака қаласында 23-ші жасөспірімдер арасындағы Балкан математикалық олимпиадасы өтті, оған 17 ресми командадан құралған 112 адам қатысты, олардың ішінде 10 команда Балкан аймағынан болса, қалған 7 қонақтық командалар, оның ішінде

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog