Мен – Алашпын, айбатты Алашаның ұрпағы,
Таусылмаған тарихы, көрер күні, нұр таңы.
Тоқсан екі баулының шежірелі шебінде-
Тұлғасы ерек, ержүрек, айдарлысы, сұлтаны.
Мен – Алашпын, Бұқар мен Үмбетейдің елімін,
Сегіз қырлы Біржан сал, Ақандайын серімін.
Би Төленің батасын, ризалығын ақ алған,
Ақылымен әйгілі Данагүлдей келінім.
Мен – Алашпын, Абайдың жыр жолдарын жаттағам,
Абай үні-рухым, рухсыздық жат маған.
Таңнан таңға жырлаймын Марғасқаның «Есімін»
Сарқытындай асылдың санамда ылғи сақтағам.
Көшпенді елмін, алайда, аманатқа тұрақты ем,
Мұхтар ем мен «Абайды» кейінгіге мұра еткен.
Кем түспейтін ақылы кемелденген кербезім:
Әл-Фараби әлемге алашымды ұлы еткен.
Мен – Алашпын, асқардай биік тұрар тұғырым,
Мен – Алашпын,қыздары тарқатпаған бұрымын.
Татулықты Тәңірдің тұрмысындай ту еткен-
Арқада әділ хан болған Абылайдай бір ұлым.
Мен – Алашпын, тәуелсіз таңым үшін күрескем.
Мен-алашпын,даламнан тарих шалдың жыры ескен.
Махамбеттің «Толғауы» тамырыма таңулы,
Жәнібек пен Керейдің ақылына ілескем.
Мен – Алашпын, Мәншүк пен Әлияның ізімін,
Алаш дейтін ардақты алтын елдің қызымын.
Алаш атын паш еткен тарихымда тұлғам мың,
Алты ғасыр жетпейді, тарқар болсам тізімін.
Мен – Алашпын, айбатты Алашаның ұрпағы,
Таусылмаған тарихы, көрер күні, нұр таңы.
Алашты азат болғалы алғысындай Алланың
Ширек ғасыр бас болған айдарлы ұлы-Сұлтаны!
Жанібекова Айкүміс Дәуренқызы. 1998 жылы наурызда туылған.
Алматы облысы, Іле ауданы, 10 орта мектептің 11-сынып оқушысы
Шығармашылық бәйге туралы мұнда басыңыз
![](http://kazbilim.kz/wp-content/uploads/2024/04/1.jpg)
Жарайсың
Жарайсын!жазар кобейсiн!тек алга АЛАШТЫН КЫЗЫ!
Керемет… Патриоттық сезімге толы өлең екен!Сәттілік серік болсын демекпін! )))
Abai aitkandai”tilge jenil,jurekke jyly tier olen”.Uly akynnyn jolyn bersin!
Талабыңа нұр жаусын,жас ақын!