Елордада заманауи үш қабатты мектеп ашылды. Жаңа оқу орны заманауи жабдықтармен жабдықталған. Балалар
биология, химия, математика, робот техникасы пәндерінен алған теориялық білімін бірден тәжірибеде қолдана алады. Мектепте домбыра, шахмат, тоғызқұмалақ кабинеттері, спорт секциялары және т.б. бар. Дарынды балаларға арналған «Білім-инновация« мектеп-лицейінің оқушылары 50 жыл бұрын салынған ғимаратта білім алып келсе, енді жаңа мектепте оқиды», – деді қала әкімі Алтай Көлгінов.
Оның айтуынша, биыл үш ауысымда оқытатын мектептер мен шамадан тыс жүктеме артылған мектептер саны 2 есеге қысқарды.
«Бірақ әлі де жұмыс істеу керек. Егер өткен жылы біз 6 мектеп салып, пайдалануға берсек, биыл бұл көрсеткіш екі есе көп. Олардың бір бөлігі пайдалануға берілді. Келесі жылдарға дайындық жұмысы басталды.
Мектеп құрылысы кезінде олардың көлемі ескеріледі. Мысалы, желтоқсан айының басында бұрын бірде-бір мектебі болмаған Мичурин елдімекенінде мектеп ашылды», – деді Алтай Көлгінов.
Кенттегі оқушылар мектепке бейімделген ғимаратта оқып, сабақ 3 ауысымда өтіп келген. Енді оқушылар үш қабатты кең ғимаратта білім алып жатыр.
«Кешенді жоспар аясында 5 жылдық кезеңге 50-ге жуық мемлекеттік мектеп салу жоспарланған. Оқу орындарының құрылысына да инвесторларды тартамыз», – дейді әкім.
