-4 C
Нур-Султан
06.03.2021

Атырауда ауыл мектебінің оқушылары робот, дрон ​ құрастырып жатыр

Облыстық білім басқармасы баспасөз қызметінің мәліметінше, Қызылқоға ауданындағы Сағыз орта мектебінде STEM зертханасы бар. Қазір онда 5-11 сыныпта оқитын 30 оқушы қосымша дәріс алады.

«Біздің зертханада оқушылар​ құрастырған дрон әдеттегідей әуеде ұшады. Тіпті су бетінде жүзіп, видео түсіреді. Дронның әуеде ұшу жылдамдығы секундына – 1,5 метр. Ал су бетінде секундына 2,5 метрге дейін жүзеді. Әзірге сынама​ түрінде құрастырылған дронның ​ қуаты 6 минутқа жетеді. Кейін қайта қуаттауға болады. Сонымен бірге, оқушылар ағаш станогымен, 3D ноутбукпен жұмыс істеуді үйренуде» -дейді STEM зертхананың лаборанты Ләйла Шыңдыбаева.

Оның айтуынша, зертханада жоғары сыныптың оқушылары арнайы бағдарлама жүктелген 3D​ принтердің көмегімен телефон тіреуішін, құмыралар мен ерекше форматтағы Абай кітабын, брелоктар, медальдар жасап шығарған.

Сондай-ақ, оқушылар STEM зертханада үш түрлі функция атқаратын роботтар жасаған. Мәселен, Мбот роботы кедергілерден өздігінен бұрылу арқылы өте алады. Екінші робот әуенмен қозғалады. Үшінші робот бағдарламамен арнайы сызылған сызбалар көмегімен жүреді.

«Бұл зартхана математика, инженерия бағытындағы осы заманғы технологиялық ізденістерге бағытталған. Жоғары сынып оқушылары роботтарды құрастырады. Ал, төменгі сынып оқушылары дрон, робот құрастырудың тәсілдерін үйреніп жатыр» — дейді Сағыз орта мектебі директорының міндетін атқарушы​ Мейрамгүл Аяғанова.

Бір ерекшелігі, аудандағы өзге мектептерде мұндай STEM зертхана жоқ. Бұл мектептегі зертхана биылғы қаңтарда іске қосылған. Аталған мектептің химия пәнінің мұғалімі Ақынта Бисембиева былтыр республикалық ғылыми жобалар байқауына қатысып, жеңімпаз атанған. Жүлдеге ұтып алған зертхананы өзі еңбек ететін мектепке орналастырған.

Екі жыл бұрын ашылған Сағыз орта мектебінде 424 оқушы оқиды. Мұнда кадет сыныбы, өндірістік шеберханалар, тігін цехы, гимнастика орталығы мен ТИР алаңы бар. Оқушылар шығармашылығын дамыту мақсатында білім ордасында 16 үйірме мен 4 клуб ашылған.. Соның бірі – би үйірмесі.

«Дәріс классика, эстрада және ұлттық би бағытында өтеді. Үйірмеге қатысып жүрген оқушылардың онлайн түрде өтіп жатқан «Жарық жұлдыз» конкурсында шоқтығы биік тұр» — дейді би үйірмесінің жетекшісі Бақыт Қойшығали.

Еске сала кетелік, атыраулық оқушылардың ғылыми жұмысы халықаралық жинаққа енгенін жазған едік.

 

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Қазақстанда ғалымдарды әлеуметтік қолдауға арналған құжат қабылданды

Парламент Сенатының жалпы отырысында «Қазақстан Республикасының кейбір заңнамалық актілеріне ғылым мәселелері бойынша өзгерістер мен толықтырулар енгізу туралы» Заңы екінші оқылымда қабылданды. Бұл туралы ҚР...

Қазақстан Елшісі Мәскеудегі Бауыржан Момышұлы атындағы мектепте болды

Елші Ермек Көшербаев бастаған Қазақстанның Ресейдегі Елшілігінің делегациясы Мәскеудің Зеленоград әкімшілік ауданындағы Бауыржан Момышұлы атындағы №1912 орта мектепте болды. Бұл туралы ҚР СІМ баспасөз...

А. Аймағамбетов: Енді мемлекеттік білім беру ұйымдарына педагогтерді конкурс арқылы қабылдау енгізіледі

Сенат депутаттары бірнеше маңызды жаңа нормаларды қамтитын заң жобасын қарастырып, мақұлдады. Ол құжатта, менің ойымша, сала мамандары үшін аса маңызды болып табылатын екі ерекше...

Білім беру процесі алдымен аралас, сосын дәстүрлі оқу режиміне көшеді — вице-министр

Жоғары оқу орны студенттері дәстүрлі оқу режиміне қашан көшетіні ҚР Денсаулық сақтау министрлігімен бірлесе отырып шешіледі. Бұл туралы Орталық коммуникациялар қызметінде өткен брифингте ҚР...

Дәстүрлі форматпен оқытуға көшкен мектепте ортақ үзіліске қоңырау соғылмайды

Бүгін 1 және 5-сынып оқушылары мектепте оқуды бастады. Ұзақ үзілістен кейін мектеп партасына отыру оқушылар мен ұстаздар үшін қуанышты жағдай екені рас. Бұл жолы...