26.05.2024

Даниал Ахметов 8-сынып оқушысының ІТ-жобасына қаржы бөлуге уәде етті

Шығыс Қазақстан облысы Глубокое ауданында 4 метрлік «Голографиялық пирамида» бой көтереді.

Облыс әкімі Даниал Ахметов Глубокое ауданына жасаған жұмыс сапары барысында Оқушылар шығармашылық сарайындағы IT-көрмеге қатысты. Өңір басшысы жас өнертапқыштардың еңбектерін жоғары бағалап, оның ішінде үздік деп танылғандарды іске асыруды ұсынды. Атап айтқанда, 8-сынып оқушысы Камилла Сафинаның «Голографиялық пирамида» жобасы енді аудан орталығында төрт метрлік биіктікте пайда болмақ. Бұл арқылы барлық сипаты бар үш өлшемді нысанның нақты көшірмесін алуға болады. Жобаның негізгі артықшылығы – 360 градусқа дейін шолу жасауында болып отыр.

«Мұндай жобаны кең ауқымда жасап, жаңадан салынып жатқан Мәдениет үйінің алдына қою керек. Балалар Start-up жобасын әзірлесін, ал біз бұл үшін тиісті қаражат бөлеміз», – деді Даниал Ахметов.

Камилла бұл жобаны іске асыру тек IT-сыныптардың ашылуы нәтижесінде ғана мүмкін болғанын атап өтті. Айта кетсек, бүгінде Шығыс Қазақстан облысы барлық мектептерде төрт бағыт бойынша сандық кабинеттер ашылған жалғыз өңір.

«Тегін IT-сыныптар» партиялық жобасын іске асыру мақсатында тек Глубокое ауданында 147 IT-сынып ашылды. Онда 2230 оқушы робототехника, бағдарламалау және 3Д-модельдеу бағыттары бойынша оқуда. IT бағытында білім алып жатқан балалармен кездесу барысында олардың жоғары қызығушылықтарын көрдім. Сондықтан биылғы жылы 1 қыркүйекке дейін облыстың ІТ – бағдарламалауды оқыту бағдарламасы әлемдік стандартқа сәйкестендірілетін болады. Бұл басты міндет», – деді Даниал Ахметов.

-ЖАРНАМА-spot_img

LEAVE A REPLY

Please enter your comment!
Please enter your name here

- ЖАРНАМА -spot_img

СОҢҒЫ ЖАЗБА