9 C
Нур-Султан
24.06.2021

СҚО-да үш балабақшада қазақтілді топтар жабыла ма?

Петропавлда үш мектепке дейінгі білім беру мекемесі сенімгерлік басқаруға беріліп, бұл жаңалық әлеуметтік желіде қоғам белсенділерінің талқысына түсті. Солтүстік Қазақстан облысы Білім басқармасының жетекшісі Гүлмира Кәрімова бірнеше күннен бері өзектілігін жоймай отырған мәселеге қатысты түсінік берді.

Сенімгерлік басқаруға берілген 3 мектепке дейінгі білім беру мекемесінде қазақ топтары жабылады, төлемақы өсті және балабақшалар жекеменшікке өтіп, өз туыстарына берілді» деген ақпарат бірнеше күннен бері жұрттың назарында жүр.

Облыстық білім басқармасының басшысы Гүлмира Кәрімова бұл жайында өзінің жеке әлеуметтік парақшасында жазба қалдырып, ресми жауап берді.

«Мемлекеттік-жекешелік әріптестік туралы Заңға сәйкес сенімгерлік басқаруға берілетін нысандар тізімі анықталды. Үш мектепке дейінгі білім беру мекемесі сатып алу құқығынсыз сенімгерлік басқаруға өтті. Соның бірі – Петропавлдағы «Ивушка» бөбекжай-бақшасы. «Есіл Аймақтық Дамыту Орталығы» ЖШС конкурстық құжатты әзірлеп, ол тәуелсіз сараптамадан өтті. БАҚ-та, «СҚО әкімдігі білім басқармасының» және «Центр Развития ГЧП» АҚ ресми сайтында ашық конкурс жарияланды. Конкурсқа қатысуға үш өтініш түсті. 2019 жылғы 14 тамыздағы конкурстық комиссияның шешіміне орай «Grand-Broker» ЖШС жеңімпаз деп танылды», — деп түсіндірді Гүлмира Кәрімова.

Білім басқармасы жетекшісінің айтуынша, СҚО бойынша Мемлекеттік ішкі аудит департаменті конкурстың нәтижесін және жеңіске жеткен кәсіпкердің конкурстық құжаттарын тексеріп, заң бұзушылық таппады.

«Петропавл қалалық білім бөлімінің басшысы С.М.Рамазанова бос орынға 2019 жылдың 11 қарашасында тағайындалды. Сол себепті ол конкурстың нәтижесіне еш әсер ете алмайды, әрі қалалық білім бөлімінің бұл конкурсқа еш қатысы жоқ. Сондай-ақ, қазақтілді топтар жабылмайды. Балабақша төлемақысы да өзгеріссіз қалады» деп жазды облыстық білім басқармасының жетекшісі.

Петропавлда бұған дейін 85 мемлекеттік мектепке дейінгі білім беру мекемесі болса, соның үшеуі — «Ивушка», «Балдәурен», «Ақбота» сенімгерлік басқаруға берілді.

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Үздік студенттер ұлықталды

Елордада «Рухани жаңғыру» бағдарламасының «Туған жер» жобасы аясында «ТӘУЕЛСІЗДІК – АЛТЫН ТҰҒЫРЫМЫЗ» атты республикалық конференция өтті. Ел Тәуелсіздігінің 30 жылдығына арналған іс-шараны «Bilim-orkenieti» ұлттық инновациялық...

Мектептердегі қауіпсіздік жүйесіне қатысты кемшіліктер жыл соңына дейін жойылады

Еліміздің білім беру ұйымдарындағы қауіпсіздік жүйесіне қатысты кемшіліктер жыл соңына дейін жойылады. Бұл туралы бүгін ҚР Парламенті палаталарының бірлескен отырысында Ішкі істер министрі Ерлан...

Мектеп құлап, алты адам қаза тапты

Бельгияның Антверпен қаласында салынып жатқан мектеп құлап, алты адам мерт болды, олардың бесеуі шетелдіктер. Бұл туралы The Brussels Times газеті хабарлады деп жазды Қазақпарат...

Магистратура мен докторантураға түсу ережелері жарияланды

Білім және ғылым министрлігі магистратура мен докторантураға түсу ережелерін жариялады. Магистратураның білім беру бағдарламалары бойынша оқуға түсу үшін халықаралық сертификаттарды ұсынуға немесе кешенді тестілеу (КТ)...

Той кемімей, ой көбеймейді

Мұхтар Әуезов «Байлығыңмен емес, біліміңмен жарыс» дейді. Біздің бүгінгі кейіпкеріміз Нұр-Сұлтан қаласындағы №90 мектеп-гимназия­сының директоры, химия ғылымдарының PhD докторанты Аятжан АХМЕТЖАНҰЛЫ – қазақ қашан...