21.02.2024

Елордада сингапурлық білім беру жүйесі бойынша мектеп, колледж ашылады

Астанада сингапурлық білім беру жүйесі бойынша балабақша, мектеп және колледж ашу көзделіп отыр, деп хабарлайды Қазбілім әкімдіктің сайтына сілтеме жасап.

Астана қаласының әкімдігі, «Kazakh Invest» ҰК» АҚ және сингапурлық «Pegasus Education Group» компаниясы Астанадағы білім беру жүйесін дамытуға арналған инвестициялық жобаны іске асыру туралы келісімге қол қойды.

«Жобаның басты мақсаты: «Астана қаласында үздіксіз білім алу үшін — балабақша — жалпы білім беретін орта мектеп — кәсіби техникалық колледж — білім беру орталықтарын құру». Бұл жоба сингапурлық білім беру жүйесінде қолданылатын тәжірибенің негізінде жүзеге асырылмақ», — делінген хабарламада.

Болжам бойынша бірінші кезеңдегі жалпы инвестиция шамамен 20 миллион АҚШ долларын құрап,  жаңа 300 жұмыс орны ашылады деп жоспарлануда. Қала әкімдігі инвестициялық жобаларды іске асыру үшін жер телімі түрінде мемлекеттік несие беру, қажетті инфрақұрылымды құру, пайыздық мөлшерлемелерді субсидиялау, жан басына қаржыландыру сияқты қолданыстағы мемлекеттік қолдау шараларын қамтамасыз ету бойынша кешенді көмек көрсететін болады.

Инвестор өз кезегінде жобаны тиісті сипаттамаларына сәйкес жүзеге асыруды жоспарлап отыр. Дәлірек айтқанда, шетелдік инвестор Астанада кемінде 200 (екі жүз) орынды балабақша, кемінде 2 000 (екі мың) орынды мектеп және кемінде 2 000 (екі мың) орынды колледж ашпақ. Жобаның операциялық қызметінің шеңберінде жалпы педагогикалық қызметкердің 30 пайызына қазақстандық педагогтар тартылып, түлектердің халықаралық дипломдар мен/және сертификаттарды алу мүмкіндігі бар халықаралық бағдарламаларды енгізіледі.

Айта кетерлігі, «Pegasus Education Group» компаниясы өз қызметін 1986 жылы бастаған болатын. Ол Сингапурда үздіксіз білім берудің жеке білім беру желісін құрды. Қазіргі уақытта компания Оңтүстік-Шығыс Азиядағы 20-дан астам білім орталығын басқарады. Мектептер халықаралық ұйымдармен аккредиттелсе, компания АСЕАН шеңберінде білім беру саласындағы ең үздік жеке компаниялардың бірі болып танылды.

 

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Жайлы мектептер білім ошағына аса мұқтаж өңірлерде салынуы тиіс – Олжас Бектенов

Жайлы мектептер оқушыларға ыңғайлы әрі білім беру деңгейі жоғары болуы тиіс. Бұл туралы Үкімет отырысында Премьер-Министр Олжас Бектенов айтты. «Жайлы мектеп» ұлттық жобасының елімізге керекті,...

Соңғы жылдары білім саласына салынған инвестиция 6 есе өсті

Соңғы жылдары білім саласына салынған инвестиция 6 есе өсті. Бұл туралы бүгін Үкімет отырысында «Жайлы мектеп» ұлттық жобасының іске асырылу барысын талқылау кезінде Премьер-Министрдің...

«Жайлы мектеп»: Павлодарда жаңадан 5 білім ұясы салынады

Екі мектеп биыл пайдалануға берілсе, өзгесі келер жылдың еншісінде қалдырылды. Жаңа ғимараттар тапшылық қалыптасқан аудандарда салынады. «Samruk-Kazyna Construction» АҚ Павлодар облысы әкімдігімен «Жайлы мектеп» ұлттық...

«Болашақ» бағдарламасына өзгерістер енгізіледі

Қазақстанда «Болашақ» халықаралық бағдарламасын дамытудың жаңа стратегиясы әзірленіп жатыр. Бұл туралы Ғылым және жоғары білім министрі Саясат Нұрбек мәлім етті. «Қазір алдағы үш жылға арналған...

Былтыр бір ғана Түркістан облысының білім саласында миллиардтаған ақша жымқырылған

Өткен жылдың басынан бері білім саласында 192 сыбайлас жемқорлық қылмысы тіркелді. Олар бойынша залал 13 млрд теңгеден асты. Ең ірі жымқыру Түркістан, Жетісу, Алматы, Қызылорда, Ақтөбе...