13 C
Нур-Султан
28.05.2022

Балалар жылы: Алматы оқушылары құтқарушылардан бағалы сыйлықтар алды

Алматы қаласының Төтенше жағдайлар департаментінде Дүниежүзілік азаматтық қорғаныс күні мен Қазақстандағы Балалар жылын мерекелеуге арналған байқау қорытындысы шығарылды. Бұл туралы Қазақпарат агентігі хабарлады.

Алматы Төтенше жағдайлар департаменті «Азаматтық қорғаныс саласындағы үздік мектеп» байқауын ұйымдастырды. Азаматтық қорғау саласында балаларды, жасөспірімдер мен жастарды оқытуға, төтенше жағдай кезінде іс-қимыл дағдыларын, өзін-өзі құтқару және өзара көмек көрсету мен тәсілдерін білуге ерекше назар аударылды.

Байқауға мегаполистің 224 мектебі қатысты. Оның қорытындысы бойынша бірінші орынды №61 жалпы білім беретін мектеп (Түрксіб ауданы), екінші орынды №41 жалпы білім беретін мектеп (Алатау ауданы) және үшінші орынды №157 жалпы білім беретін мектеп (Наурызбай ауданы) иеленді.

Сонымен қатар, департамент жеке компаниямен бірлесіп «Азаматтық қорғаныс саласындағы үздік пікір» конкурсын ұйымдастырды, онда 1, 2 және 3-орын үшін жеңімпаздарға Smart-сағат пен арнайы дипломдар берілді. Оған қаланың 84 оқушысы қатысты.

 

Барлық жеңімпаздар мен жүлдегерлерді Алматы қаласы Төтенше жағдайлар департаменті бастығының орынбасары Самат Асаинов құттықтады.

15 ақпан мен 25 наурыз аралығында Дүниежүзілік азаматтық қорғаныс күнін мерекелеуге арналған, азаматтық қорғаныс саласындағы білімді насихаттауға, сондай-ақ халықты төтенше жағдай кезінде іс-қимыл жасауға үйретуге бағытталған іс-шаралар ұйымдастырылып, өткізілді.

 

«249 мыңнан астам оқушы мен студент қатысты. 3420 сурет байқауы, балалардың қатысуымен 1544 спектакль, тәрбиешілердің 799 қуыршақ спектаклі, қауіпсіздік әліппесі бойынша 5360 әңгіме, өрт қауіпсіздігі бойынша 2347 дидактикалық ойын, азаматтық қорғаныс және ТЖ тақырыбы бойынша 976 өлең және 4281 бейнеролик көрсетілімі ұйымдастырылды»,- деп атап өтті Алматы қалалық ТЖД-нің баспасөз қызметінен.

 

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Мектеп медицинасына биыл 26,1 млрд теңге қарастырылған

Қазақстанда мектеп оқушыларын профилактикалық тексеруден өткізуге және сауықтыруға 2022 жылға 26,1 млрд теңге қарастырылған. «2020 жылы мектеп медицинасы қаржыландырудың жеке бағытына шығарылды. Сол кезде оған...

Қандастарға қамқорлық білім беруден басталады

Қиырдағы қандастарды елге әкелу – мемлекеттік мүдде тұрғысынан, соның ішінде демографиялық жағынан аса маңызды іс. Дегенмен қанша қаласа да атамекеніне орала алмай отырған қандастар...

«Болашақ» стипендиясына бір күнде 55 өтініш түскен

«Болашақ» халықаралық стипендиясына құжат қабылдаудың алғашқы күнінде Egov.kz порталы арқылы 55 өтінім түскен. «Кеше «Болашақ» халықаралық стипендиясымен жетекші шетелдік жоғары оқу орындарына магистратура, докторантура және...

Елордада мұғалімдерге арналған саябақ ашылды

Нұр-Cұлтан әкімі Алтай Көлгінов мұғалімдер мен түлектерді оқу жылының аяқталуымен құттықтады. «Мұғалімдер оқушылардың қалыптасу жолында үлкен рөл атқарады. Мұғалімдердің кәсіби шеберлігі мен мамандыққа деген құрметінің...

ҰБТ-ның алғашқы аптасында 21 түлектің нәтижесі жойылды

Ұлттық бірыңғай тестілеудің бірінші аптасында 21 ереже бұзушылық анықталып, нәтижелер жоққа шығарылды. Бұл туралы Ұлттық тестілеу орталығының директоры Руслан Емелбаев әлеуметтік желідегі парақшасында жазды. Оның...