-23 C
Нур-Султан
09.12.2021

Елорда депутаттары 7 мектепке қазақ зиялыларының есімін беру ұсынысын қолдады

Елорда мәлихатының депутаттары 7 мектепке қазақ зиялыларының есімін беру туралы шешім қабылдап, республикалық ономастикалық комиссияға ұсыныс жолдады.
Қалалық мәслихаттың кезектен тыс сессиясында «Нұр-Сұлтан қаласының кейбір білім беру ұйымдарына атау беру туралы мәселесі дауысқа салынды.

Аталған мәселе бойынша шешім жобасын мәслихат депутаттарына қалалық тілдерді дамыту және архив ісі басқармасының басшысы Сәкен Есіркепов таныстырды.

Жобада елордадағы 7 білім беру ұйымына қазақтың танымал тұлғаларының есімін беру ұсынылған. Олар:

№11 мектеп-лицейге көрнекті мемлекет қайраткері, ғалым, этнограф Өзбекәлі Жәнібековтің есімін беру;

№60 мектеп-гимназияға археолог, тарих ғылымдарының докторы, белгілі академик Кемел Ақышевтің есімін беру;

№2 балалар музыка мектебіне күміс көмей әнші, Қазақстанның халық әртісі, Халық қаһарманы, келер жылы туғанына 100 жыл толатын Роза Бағланованың есімін беру;

№3 балалар музыка мектебіне әйгілі опера әншісі, педагог, профессор Ермек Серкебаевтың есімін беру;

№66 мектеп-лицейге көрнекті мемлекет қайраткері, Қазақстанды ширек ғасырға жуық уақыт басқарған Дінмұхамед Қонаевтың есімін беру;

№83 мектеп-гимназияға қазақтың аса көрнекті ағартушы педагогы, жазушы, этнограф, фольклоршы Ыбырай Алтынсариннің есімін беру;

№77 мектеп-гимназияға ақын, халық жазушысы, журналист, Қазақстанның еңбек сіңірген қайраткері Фариза Оңғарсынованың есімін беру.

«10 қарашада өткен Нұр-Сұлтан қаласы ономастика комиссясының кезекті отырысында елордамыздағы бірқатар білім беру ұйымдарына атау беру жөніндегі ұсыныстар талқыланып, қолдау тапқан болатын. Осыған орай сіздердің қарауларыңызға «Нұр-Сұлтан қаласының кейбір білім беру ұйымдарына атау беру туралы» қала әкімдігінің қаулысы және қалалық мәслихаттың шешім жобасы енгізіліп отыр. Көрсетілген жоба ҚР қолданыстағы заңнамасына қайшы келмейді және нормативтік-құқықтық актілерге қойылатын талаптарды бұзбайды. Ұсыныс қолдау тапқан жағдайда әкімдік пен мәслихаттың бірлескен қаулысы мен шешімі ҚР заңнамасында белгіленген тәртіп бойынша ҚР Үкіметі жанындағы республикалық ономастика комиссиясының қарауына енгізіледі», — деді Сәкен Есіркепов.

Мәслихат депутаттары шешім жобасын бірауыздан мақұлдап дауыс берді. Бұл ұсынысты республикалық ономастика комиссиясы мақұлдаса, тиісті Үкімет қаулысы шығып, елордадағы 7 мектеп жаңа атауға ие болады.

 

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Тәуелсіздік жылдары Алматыда 450 жекеменшік балабақша мен 84 мектеп ашылды

Тәуелсіздктің 30 жылында Алматы қаласында мемлекет есебінен 61 балабақша, 45 мектеп салынған. Бұл туралы қала әкімі Бақытжан Сағынтаев орталық коммуникациялар қызметінде өткен брифингіде айтты. «Тәуелсіздік...

Батыс Қазақстанда бес жылда 77 мектеп салу көзделуде

Батыс Қазақстан облысында Президент тапсырмасына сәйкес бес жылда 77 мектеп салу көзделіп отыр. БҚО білім басқармасының басшысы Айгүл Мыңбаеваның өңірлік коммуникациялар қызметі алаңында өткен брифингіде...

Білім министрлігі мектепке дейінгі білім берудегі кемшіліктерді атап айтты

Мемлекеттік аттестаттаудан мектепке дейінгі білім беру ұйымдарының 78 пайызы өте алмады. «Мектепке дейінгі ұйымдарда 2011 жылдан бастап лицензиялау жүргізілмейді. Бірақ, 2012 жылдан бастап мемлекеттік аттестаттау...

Білім беру ұйымдарын аттестаттау қағаздың көбеюіне әкеп соқпауы керек

Білім беру ұйымдарын аттестаттау қағаздың көбеюіне әкеп соқпауы керек. Бұл туралы ҚР Білім және ғылым министрі Асхат Аймағамбетов айтты. «Мемлекеттік аттестаудан өтпек болған балабақшалардың 80...

Мектеп директорларын ауыстыру қашан басталады

2022 жылдан бастап мектеп директорларының орнын ауыстыру басталады. Бұл туралы ҚР Білім және ғылым министрі Асхат Аймағамбетов айтты. «Мұғалімдерді бейінді емес жұмыстардан, тексерулерден босату іс-шаралары...