17 C
Нур-Султан
26.09.2022

Атырау облысының мектептері бейнебақылау жүйесімен 100% қамтылды

Атырау облысының мектептері бейнебақылау жүйесімен 100 пайыз қамтылды. Бұл туралы облыс әкімі Махамбет Досмұхамбетовтің төрағалығымен өткен кеңесте белгілі болды.
Облыстық Полиция департаментінің бастығы Қамза Үмбетқалиевтің айтуынша, қылмыстардың алдын алу мақсатында жыл басынан бері «Тұрмыс», «Құқықтық тәртіп», «Есеп» жедел-профилактикалық іс-шаралары ұйымдастырылған. Биылғы 9 айда отбасы-тұрмыстық саласындағы қылмыстардың саны 25% өскен.

«Облыста осы кезеңде ақпараттарды есепке алу кітабына 30 мыңнан астам хабар мен арыз-шағымдар тіркелді. Оның ішінде отбасы-тұрмыстық қарым-қатынасқа байланысты орын алған 4 934 құқық бұзушылық туралы хабар түсті. Өз үйінде отбасы тыныштығын бұзғаны үшін 1 479 адам әкімшілікке жауапкершілікке тартылды», — дейді Қамза Үмбетқалиев.

Облыстық Білім басқармасының басшысы Сатқан Есенғалиевтің мәліметіне сүйенсек, 196 мектепке 8 126 бейнебақылау жүйесі орнатылып, 100 пайыз қамтылып отыр.

«Мәселен, «Сергек» құрылғысы арқылы жедел басқару орталығына қосылған мектептер бар. Сондай-ақ, 39 мектепке мамандандырылған күзет қызметі көрсетіліеді, 138 мектепке турникет орнатылды. Ал, 196 мектепке «дабыл түймесі» қондырылды», — дейді Сатқан Есенғалиев.

Оның дерегіне қарағанда, мемлекеттік 150 балабақшаға 5 397, ал, 17 колледжге 695 бейнебақылау камерасы қойылған. Енді мемлекеттік емес білім беру орындарында да осындай қауіпсіздік шаралары қолға алынып жатыр.

Аймақ басшысы Махамбет Досмұхамбетов құқықбұзушылықты болдырмау бағытындағы жұмыстарды жандандыру қажеттігін айтып, жауапты басшыларға бірқатар тапсырма берді.

«Атырау облыстық Полиция департаменті есепте тұрған жанжалқорлармен және қолайсыз отбасылармен профилактикалық жұмыстарды жандандыруы керек. Көшелерде, көпқабатты тұрғын үйлер алаптарында, ескі көлік тұрақтары, иесіз ғимараттар мен өзге де автопатрульдер бара алмайтын орындарда жаяу патрульдеуді күшейткен жөн», — деді облыс әкімі.

Еске сала кетелік, бұдан бұрын Атырауда бейнекамера көмегімен 14 мыңға жуық құқық бұзушылық анықталғанын жазған едік.

 

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Мектепте оқушылардың ұялы телефон қолдануына тыйым салуға бола ма – министр жауабы

Мектепте оқушылардың ұялы телефонды қолдану немесе оған тыйым салу шешімін білім ордасының қамқоршылық кеңесі шешеді. Орталық коммуникациялар қызметінде өткен брифингіде оқушылардың сабақ кезінде гаджеттерді ұстауына...

10-11 сынып оқушылары үшін ағылшын тілі пәнінің сағаты көбейеді

10-11 сынып оқушылары үшін ағылшын тілі пәнінің сағатын көбейту жоспарланып отыр. Орталық коммуникациялар қызметінде өткен брифингіде Оқу-ағарту министрі Асхат Аймағамбетов осылай мәлімдеді. «Математика, физика, химия,...

Министрлік «Өзін-өзі тану» пәнін ресми түрде алып тастауды ұсынды

Оқу-ағарту министрлігі «Өзін-өзі тану адамгершілік-рухани білім беру бағдарламасының күшін жою туралы» бұйрықты ашық талқыға шығарды. «Өзін-өзі тану адамгершілік-рухани білім беру бағдарламасын бекіту туралы туралы» ҚР...

Шымкентте АИТВ жұқтырған балалардың жоғары білім алуына көмектесеміз – Ғылым министрі

ҚР Ғылым және жоғары білім министрі Саясат Нұрбек 2006 жылы Шымкентте абайсызда Адамның иммун тапшылығы вирусын (АИТВ) жұқтырған балаларды кездесуге шақырды. «2006 жылы Шымкентте 80-ге...

«Үздік педагог» байқауына өтінім қабылдау 25 қыркүйекке дейін ұзарды

«Үздік педагог-2022» байқауының бірінші кезеңіне қатысу үшін құжаттарды қабылдау тағы 3 күнге ұзартылды. Яғни қазақстандық мұғалімдер 2022 жылғы 25 қыркүйекке дейін құжат тапсыра алады....