-1 C
Нур-Султан
16.10.2021

Дүние­жүзілік үздік ұстаздардың топ елулігінде қазақстандық мұғалім бар

Жуықта Varkey қоры «Әлем мұғалімі» жаһандық сый­лығына үміткер үздік ұстаздардың есімін атады. Дүние­жүзілік байқауда үздік елуліктің қатары­на кіргендердің қатарында Се­мей­дегі Назарбаев зияткерлік мекте­бінің мұғалімі де бар.

Қуанарлығы, жаһандық сыйлық финалына шыққан­дардың қатарына Семей қаласындағы физика-математика бағы­тындағы Назарбаев зияткерлік мектебінің физика пәні мұғалімі Асхат Жұмабеков те енген. Бұл – Қазақстан тарихындағы алғашқы оқиға. Алдағы уақытта ол халық­аралық байқауда ел намысын қорғайтын болады.

Әлемнің 121 мемлекетінен сынға түскен мұғалімдер 8 мыңнан астам номинация бойынша іріктеліп, Global Teacher Prize-2021 сыйлығына біртабан жақындады. Отызда орда бұзар А.Жұмабеков бұл мәртебеге жету үшін 2018 жылдан бері тынымсыз еңбек етті. Сол жылы 20 мектептің ұстаздары арасында бірінші орынды жеңіп алып, республикалық кезеңге өткен. Сөйтіп, еліміздің «Үздік педагогі» атағына ие болған.

– Мен «Әлем мұғалімі» жаһандық сыйлығына қатысуды 2020 жылдың күзінде бастағанмын. Байқау бірнеше кезеңнен тұрды. Әлемнің әр қиырынан мыңдаған өтініш қабылданды. Осыдан-ақ шараны ұйымдастырушылардың атқарған жұмыс­тарының аз болмағанын көруімізге болады. Varkey қорына мені үздік 50 мұғалімнің қатарына қосқандары мен ұстаздарға дәл осындай мүмкіндік бергендері үшін алғысымды білдіремін. Қоғамдық маңызды бастамаларды дамыту қорының негізін қалаушы Әлия Нұрсұлтанқызы Назарбаеваға, қордың барлық қызметкерлеріне «Қазақстан мұғалімі» ұлттық сыйлығының бастамашысы болғандары үшін үлкен ризашылығымды білдіремін, – деді Асхат Жұмабеков.

Сондай-ақ жас ұстаз өзі қызмет ететін Назарбаев зият­керлік мектебінің ұжымына да алғыс білдірді. Айта кетерлігі, мектепте шәкірттер ғана білім алып қоймайды, сонымен бірге ұстаздардың да білімі бірге шыңдалары анық.

А.Жұмабеков – «Болашақ» бағдарламасының 2016 жылғы түлегі. 3 кітаптың, 50-ден астам ғылыми жұмыс пен мақаланың авторы. Еңбектері Қазақстан, Ресей, Финляндия, Ұлыбритания, Украина мемлекеттеріндегі журналдарда, жинақтарда, газеттерде жарық көрген. Шәкірттері –  «Туймаада», Оңтүстік Кореяда өткен республикалық, халық­аралық олимпиадалардың, ғылыми жобалардың жүл­дегерлері. Ол дәріс берген түлектердің арасында Назарбаев Университет, Гонконг политехникалық университеті, Әбу-Дабидегі Нью-Йорк университеті, АҚШ пен Ресей және Еуропаның танымал оқу орындарының грант иегерлері бар.

Айта кетсек, «Әлем мұғалімі» жаһандық сыйлығы ұстаз­дар­дың қоғамдағы маңызын арттыра отырып, олардың күш-жігерін бүкіл әлем мойындауға лайықты екенін көрсетуге арналған.

Мерей ҚАЙНАРҰЛЫ

 

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Дене шынықтыру мұғалімдеріне секция жұмыстары үшін қосымша ақы төленетін болды

Бүгін елордадағы Binom education мектебінде Қазақстан Республикасының Мәдениет және спорт министрі Ақтоты Райымқұлова мен Білім және ғылым министрі Асхат Аймағамбетов ұлттық мектеп спорт лигасының...

Қазақстандық ғалымдары терең жаралар мен күйіктерді емдеуге арналған инновациялық құралдар әзірледі

ҚР БҒМ Ұлттық биотехнология орталығының ғалымдары терең жаралар мен күйіктерді емдеуге арналған бірнеше инновациялық құрал әзірледі. Олардың бірі – X-Graft биологиялық жабыны. Ол клиникалық...

Бір көш жердің өлшемі қанша?

Тілімізде бұрынғы мағынасынан айырылған сөздер жетерлік. Оларды қазіргі ұрпаққа түсіндіру, сөз сырынан толық мағлұмат алатындай және оның бүгінгі пайдалану мүмкіндігін түсінетіндей етіп саралау өте...

Асхат Аймағамбетов: Бір мектепте бірнеше спорт зал болуын қарастырып жатырмыз

Ендігі уақытта орта білім беру мектептерінде бір емес бірнеше спорт залдан болады. Бұл туралы ҚР Білім және ғылым министрі Асхат Аймағамбетов мәлім етті. «Еліміз бойынша...

Асқар Жұмаділдаев: Қазіргі оқушы оқып отырған сабағын ұқпайды

Академик, математика ғылымдарының докторы Асқар Жұмаділдаев қосымша сабақсыз, яғни мұғалімді жалдап оқытпай, қазір оқушыға мектептегі білімді үйрену қиын болатын жағдайға жетіп қалғанымыз туралы ащы...