7 C
Нур-Султан
22.09.2021

Дарынды оқушылар 245 медаль жеңіп алды

Өңірімізде жыл сайын оқу жылының соңында республикалық және халықаралық пән олимпиадаларында жүлдегер атан­ған жас дарындармен кездесу өтеді. Биылғы кездесуге олимпиадалардың 52 жеңімпазы және «Ең үздік олим­пиадалық мектеп – 2021» дипломының иегерлері – маман­дандырылған мектеп директорлары мен мұғалімдер қатысты.

Облыстық білім басқар­масы­ның мәліметінше, жалпы, облыстың дарынды оқу­шы­лар құрама командасы рес­пуб­ли­калық және халық­ара­лық олим­пиадаларда биыл 245 медаль жеңіп ал­ған. Бұл медаль­дар­дың 37-сі халық­ара­лық, 208-і республи­калық дең­гейде өткен жарыстарда берілген.

Республикалық олимпиа­да­ның қорытындылары бойынша облыс құрамасы командалық екін­ші орынды иеленіп, «Үздік олим­пиадалық команда-2021» сер­ти­фикатымен марапатталды. Облыс құрамасы 14 алтын, 14 күміс және 23 қола медаль жеңіп алды.

Ал кездесуге келген дарын­ды балаларға арналған ма­ман­­дандырылған мектептер мен жал­пы орта білім беретін мектеп­тердің 50 оқушысын облыс әкімі Әбілқайыр Сқақов алғыс хаттармен марапаттап, әрқайсысына 100 мың теңгелік сертификат та­быс етті.

Сонымен бірге еліміздегі «100 үздік мектеп» қатарында көрінген дарынды балаларға арналған №8 мектеп-лицейі­нің директоры Гауһар Бабы­қова,­ «Жас дарын» мамандан­дырыл­ған мектебінің директоры Гүлнәр Жанғазы және №3 гим­назия мектебінің директоры Қорлан Құсбекова да марапатталды.

Отбасында екі-үш баладан олим­пиада жүлдегерлерін өсі­ріп тәрбиелеген, ерекше білім алуы үшін қамқорлық пен қолдау көрсеткен Жанат пен Әсем Дүйсембековтер, Вадим, Танзиля Бочкаревтар, Тал­­ғат Құсайынов пен Динара Құр­мановалар сияқты ата-аналарға да ерекше құрмет көр­сетілді.

– Біздің мектеп мұғалім­де­рі ­О.Колдашева, Т.Рубцова, Л.Стадникова, Ю.Якутович, С.Васина математика, химия, ағыл­шын тілі, информатика пән­дерінен жыл сайын олимпиада жүлдегерлерін дайындайды. Еліміздің болашағына үлес қосатын дарынды оқушы­ларымыз Д.Рахимжанов, А.Дра­­ган­чук, Л.Владимир, А.Горь­ков, А.Шишкин, Д.Нұр­таев, Ә.Мақашев сияқты оқу­шылар­мен мақтанамыз. Осын­дай дарынды бала тәрбиелеп өсірген ата-аналарға алғыс біл­діреміз, – дейді лицей директоры Гауһар Бабақова.

Ал республикалық пән олим­­пиадасында қазақ тілі мен әдебиеті пәні бойынша қа­­ты­­­сып, бірінші орынды же­ңіп алған көпсалалы да­рын­­­ды балаларға арналған ли­цей-интер­натының оқушысы Ка­­рина Рабэ сынақтарды онлайн режімде тапсырып, олим­пиадалық сайыстардың жаңа форматын меңгергенін айтты.

Облыс орталығындағы қала мектептерінің оқушылары Әсем Досмұхамбет, Алина Кузят, Ғұмар Ернұр, Нұрболат Ару­жан, Мартенс Мила, Виктория Бочкарева, Диана Вакулина, Богдан Борецкий, Ару­жан Жанат, Омар Закиров «Алтын медаль» иегерлері атанды.

– Мен де қалалық, облыстық және республикалық пән олим­пиадаларының жеңімпазы атандым. Үлкен ізденіс, білімге талпыну Беркли Калифорния универ­ситетіне оқуға түсу­ге жол ашты. Сіздерге де үл­­кен жолда сәт-са­пар бол­сын!­ – дейді кездесуге қатысу­шы­ларды құттықтаған облыс орталығындағы №39 мек­теп­тің 2009 жылғы түлегі Бауыржан Шайхин.

Бауыржанмен бірге Кенже­көл ауылы мектебінің түлегі, Л.Н.Гумилев атындағы Еуразия ұлт­тық университетінің докторан­ты Ақжан Егінбаева да оқу­шы­ларға өз тілегін арнады.

– Олимпиада – жеке тұлға мен зияткерлік мүмкіндіктерді дамытуға арналған қуатты ресурс. Бұл сіздерге рухани күш пен қабілеттеріңізге сенімділік береді, – деді.

Халықаралық және респуб­ликалық олимпиа­далардың жеңім­пазы Антон Драганчуктың айтуын­ша, павлодарлық жас физиктер құрамасы өкілдерінің дарынды балаларға арналған №8 лицей­дің мұғалімі Анатолий Били­дасыз жетістікке жетуі мүм­­кін емес.

– Еліміздің ұлттық құра­масына әр өңірден ең үздік 20 физик жиналды. Бақылау тес­тінің нәтижесі бойынша
8 оқу­шы таңдалды. Биыл осы қатар­да біздің лицейдің үш оқу­шысы болды. Біздер Назар­баев зият­керлік мектептері мен республикалық физика-мате­матика мектептері сияқты бел­гілі оқу орындарының оқу­шы­ларынан да үздік атандық. Әрине, бұл жеңісіміз үшін Ана­толий Били­даға рахмет! – дейді А.Драганчук.

Сондай-ақ дарынды бала­ларға арналған Абай атындағы гимназия мектебінің оқушылары пән олимпиадаларында 40-тан аса республикалық, 50-ден аса облыстық деңгейдегі жүл­де­лерге ие болды.

Мектеп директоры Салтанат Шабажанованың айтуынша, 10-сынып оқушысы Айжан Кен­жебаева биыл халықаралық олим­пиа­даларда екі күміс, үш қола медаль иегері атанған. Мектепте оқу­шы­лар үшін Gymnasium LIVE, Daryn, My first Lab жобалары жүргізілуде.

 

Фарида БЫҚАЙ
Павлодар облысы

 

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Білім министрлігі барлық өңірлеріндегі жауапты басшылардың ұялы телефонын жариялады

Білім министрлігі еліміздің барлық өңірлерінде орналасқан білім беру саласында сапаны қамтамасыз ету департаменттерінің бірінші басшыларының, сондай-ақ олардың орынбасарларының ұялы телефон нөмірлерін жариялады. «Қазақстандықтар аумақтық департаменттердің...

Гуманитарлық білім саласында қазақ тіліндегі 100 оқулық таныстырылды

ҚР Президенті жанындағы Қоғамдық сананы жаңғырту бағдарламасын іске асыру жөніндегі ұлттық комиссияның кеңейтілген мәжілісі аясында гуманитарлық білім саласында қазақ тіліндегі 100 оқулық таныстырылды. Бұл...

ШҚО-да 10 білім беру мекемесі мемлекеттік аттестаттаудан өтеді

Шығыс Қазақстан облысында 10 білім беру мекемесі мемлекеттік аттестаттаудан өтеді. Биылдан бастап мектептер мен балабақшалар білім беру стандарттары талаптарына сәйкестігін айқындау үшін аттестаттаудан өтеді....

Дүние­жүзілік үздік ұстаздардың топ елулігінде қазақстандық мұғалім бар

Жуықта Varkey қоры «Әлем мұғалімі» жаһандық сый­лығына үміткер үздік ұстаздардың есімін атады. Дүние­жүзілік байқауда үздік елуліктің қатары­на кіргендердің қатарында Се­мей­дегі Назарбаев зияткерлік мекте­бінің мұғалімі...

Тағылымдамаға жіберілетін ғалымдар іріктелуде

«Болашақ» бағдарламасы шеңберінде шетелге тағылымдамаға жіберілетін ғалым­дарды іріктеу жалғасып жатыр. Жетек­ші мамандар мемлекет есебінен әлемнің үздік жоғары оқу орындары мен ғылыми орта­лықтарында тағылымдамадан өтіп,...