26 C
Нур-Султан
14.06.2021

Түркістан облысында сөйлемді ежіктеп оқитын мұғалім директордың қызы болып шықты

Түркістан облысының Сарыағаш ауданындағы мектептердің бірінде орысша сөздерді ежіктеп оқитын мұғалім балаларға орыс тілі пәнінен сабақ беріп келген. Ынтымақ ауылындағы Садриддин Айни атындағы №1 мектепте жұмыс істейтін мұғалім тестілеуде шекті балды әрең жинаған. Бұл туралы жергілікті телеарна хабар таратты.

Журналистер мән-жайды анықтау үшін мектепке барады. Бірақ жұмыс уақытында директор орнында болмай шықты. Директордың оқу ісі жөніндегі орынбасарының айтуынша, ол отбасындағы жағдайға байланысты шығып кеткен. Ал сөйлемнің өзін ежелеп оқитын орыс тілі пәнінің мұғалімі 1 наурызға дейін бала оқытып, декреттік демалысқа шыққан.

«Мұғалім директордың қызы ма?», деген сауалға директордың оқу ісі жөніндегі орынбасары «Иә», деп жауап берді.

Аудандық білім бөліміндегілер мектептегі педагогтарға қатысты барлық жауапкершілік директорға жүктелгенін айтты. Мұғалімді жұмысқа алу не алмау жөнінде шешімді директордың өзі ғана қабылдайды екен.

«Егер де мектепте бос жұмыс орны болса, ол жөнінде хабарлама порталда жариялануға тиіс. Осыдан кейін ниет білдіргендер өтініш жазып, тестілеуден өтуіне болады. Ал сынақтан өтпесе, келесі жолы келіп тапсыруға мүмкіндік бар. Сынақтан өткен талап берушімен сұхбат жүргізіліп, оның қорытындысы бойынша арнайы комиссия мүшелері мұғалімді жұмысқа алу, не алмау жөнінде шешім қабылдайды», деп түсіндірді Сарыағаш аудандық адам әлеуетін дамыту бөлімінің бас маманы Закир Тұрсынбаев.

Бұл комиссияның төрағасы – мектеп директоры, ал комиссия мүшелерінің қатарында қоғам белсенділері, ата-аналар комитетінің өкілдері бар.

Белгілі болғандай, сынақты мұғалім әрең дегенде тапсырып, шекті 50 балды жинаған екен. Бірақ біліктілігі төмен мұғалімнің балды қалай жинағанына қатысты да сауал туындайды. Жауаптылар «мұғалімнің орыс тілі және әдебиет пәні мамандығы бойынша жоғары білімі бар» деп сендірді. Ал тиісті құжатты жұмыс күнінің соңына дейін көрсететінін айтты.

Ең қызығы, мұғалімнің сабағына аудандық білім бөлімінің мамандары қатысып, деңгейін тексерген. Мұғалімнің біліктілігін тексергендер мен бұл оқиғаға қатысты жауаптылар туралы мәлімет Түркістан облыстық адам әлеуетін дамыту басқармасына жолданды.

 

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Орыс әдебиетінің орнын әлем әдебиеті алмастыруы керек!

Әлқисса Әдебиет – адам санасының биік көкжиегінің бірі. Ол әлемдегі ең қуатты идеологиялық қарудың бірі болған, бола бермек те. Әдебиетті өзінің дегенімен жүргізу арқылы бір...

Магистратура мен бакалаврдың арасын кемінде екі жылға ашу керек!

Бүгінде магистратураны ғылым іздеп емес, өзге мақсатта оқитындар көбейді. Жаппай айыптаудан аулақпын, бірақ айтпасақ болмайды. Бүгінгі жұрт магистратураға не үшін түседі? Бірінші, бакалавр бітіре салып, жұмыс...

«Осы ұпай маған жетеді» деген ойдан аулақ болыңыз

Сонымен, жас түлек 2021, ҰБТ-ның бірінші мүмкіндігін сәтті тапсырып шыққан болсаңыз, "осы ұпай маған жетеді" деген ойдан аулақ болыңыз. Өйткені екінші мүмкіндікті пайдаланып неге...

Сенат депутаты Байқоңырдағы мектеп мәселесін көтерді

Биыл Байқоңыр қаласы мен Төретам елді мекенін дамытуға 2,1 млрд теңге жұмсалады. Бұл туралы Қаржы министрі Ербол Қарашөкеев айтты. 1994 жылғы 10 желтоқсандағы Қазақстан Республикасының...

Грант конкурсына қатысқанда нені ескеру керек?

Грант конкурсына қатысатын ҰБТ аяқталуына 20 күн қалды. Көпшілік бөлігі екі мүмкіндігін тапсырып та үлгерді. Енді барлығының ойландыратын сұрақ грантқа қалай түсемін? Конкурс жазатын кезде...