-26 C
Нур-Султан
26.02.2021

Кезінде мұғалімнің айтқаны заң еді!

Таңғы 6-да ұйқыдан оянып, беті-қолды жуамыз да, анамыздың дайындап берген нан шылаған сүтіне қойдың майын салып тұрып, сіміріп аламыз. 7:30-да сабақ басталады. Жаяу мектепке жеткенше бір топ оқушы әңгіме айтып барамыз кәдімгідей. Ол кезде 2 сынып оқимын. Еміс-еміс есте қалғанын жазып отырмын.
Мен үшін әкемнің бірауыз сөзі заң еді: «Үйдегі әңгімені — далаға, даладағыны үйге тасыма» дейтін. Бітті. Сол сөзбен өстім. Басымды жарып алсам да, бір жерімді мертіктіріп алсам да, «өзім ғой» деп үйрендім. Содан бері 27 жасқа келгенше ата-анам көшедегі Марғұланды білмейді. Тек үйдегі Марғұланды таниды.
Әлеуметтік желілерде: «оқушыны ұруға, оған ұрсуға болмайды», «Сабақтан кейін неге ол кабинетті тазалау керек екен?» деп жаға жыртысып-ақ жатырмыз. Әлі есімде, мектепте бір ұл, бір қыз болып сабақтан кейін кезекшілікке қаламыз. Сіздерді білмеймін, біз үшін кезекшілікке қалу мереке болатын. Тақтаны сүртіп, еденді жуып, үстелді де тазалап, орындықтарды партаның үстіне шығарып қайтамыз.
Ертесі бізді ешкім мақтамайды. Керемет тазалапты деп те айтпайды. Себебі ол мектептегі оқушы істеуі керек тәртібі. Оны қойшы, әр жұма сайын бүкіл сынып болып қаламыз. Бұл күні мектеп ауласынан бастап, ішіне дейін тазалаймыз. Ырбиып, әкесіне не шешесіне айтып жатқан бір оқушы жоқ. Себебі әке-шешесі баланы мектепке оқысын, тәрбие алсын деп береді. Мұғалім баланы мектепке алған кезде жауапкершіліктің қандай болатынын сезінеді.
Енді қызықты айтайын, бірде-бір оқушы қаладағы тойға бармайды. Әкесі «жүр» десе де, үйінде қалады. Себебі мұғалім «тойда біреуіңді көрейін, аямаймын» дейді. Бітті. Егер тойға барып, ұсталып қалсаңыз, ертесінде сөз естисің, оқушылардың көзінше абыройдан айырыласың. Ал абыройды сақтауды біз жақсы білеміз.
Сабақ біткен соң кемі 2-3 сағат үй жұмысын орындаймыз. Одан ерте далаға шығып ойнап жүрсек, алыстан ұстаздың қарасы көрінсе, жапатармағай қашып, тығылып әлек боламыз. Сонда бұл жерде демократия өліп қалған дейсіз бе? Шүкір сол ұяңдық адам қылды.
Еске түсіп, осында жазып отырмын. Қазір біреуге бірдеңе десең «ақыл» айттың дейді. Ақыл емес, есті бір дүние шығар деп қабылдаңыз.
Марғұлан Ақан, журналист

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Вице-министр сапасыз ЖОО-лардың қандай қитұрқы әрекеттер жасайтынын нақты атады

Білім және ғылым вице-министрі Мирас Дәуленов өзінің facebook.com парақшасында кейбір жоғары оқу орындарының тексерістен өту үшін қандай амалдарға баратынын егжей-тегжейлі жазды. *** Алдыңғы жазбада біз неге...

Ұлттық біліктілік тестілеуі кезінде педагогтердің өзі «шпаргалка» қолдануды әдетке айналдырған – Д. Смағұлов

2020 жылы  Ұлттық біліктілік тестілеуі кезінде Ережені бұзған 1202 мұғалім анықталса, 2021 жылдың 19 күнінде ғана бұл көрсеткіш 349-ға дейін өскен. Бұл туралы Ұлттық тестілеу...

Қайырымды істер марафонына елорда студенттері қосылды

Қайырымды істер марафонына Нұр-Сұлтан студенттері қосылды, деп хабарлайды ҚазАқпарат. Л.Н.Гумилев атындағы Еуразия ұлттық университетінің жастары астанадағы қарттар үйінің ауласын тазартып, қайырымды істер бастамасына қосылды. Ел Тәуелсіздігінің...

Вице-министр сапасыз ЖОО-лардың барлық былығын әшкере етті  

Білім сапасын қамтамасыз ете алмаса да, дипломдарды оңды-солды беріп жатқан жоғары оқу орындарының жабылуы – елдің және Қазақстанда өмір сүретін әрбір азаматтың қауіпсіздігіне тікелей...

Ахмет Байтұрсынұлының 150 жылдығын ЮНЕСКО шеңберінде атап өту керек — сенатор

Ахмет Байтұрсынұлының 150 жылдығын ЮНЕСКО шеңберінде атап өту керек. Бұл туралы бүгін ҚР Парламенті Сенатында өткен отырыста сенатор Алтынбек Нұқұлы бір топ депутаттардың атынан...