|  | 

Жаңалық

Алматы облысында 354 мектеп жөндеуден өтті

Алматы облысында 1200 орынды құрайтын 3 мектеп 1 қыркүйекте пайдалануға берілген. Бұл туралы Қазбілім порталы әкімдікке сілтеме жасап хабарлайды.

Жоғары да атап өткен үшауысымды мектептердің қатарын азайту мақсатында 17 білім ордасының құрылысы жүріп жатыр.

Қазіргі таңда 1200 орынды құрайтын 3 мектеп 1 қыркүйекте пайдалануға берілген. Ал, 300 орынға лайықталған 1 мектептің құрылысы жыл соңына дейін аяқталады деп күтілуде. Қалған 13 нысан 2021 жылы қолданысқа беріледі деп жоспарланған.

Өңірде 48 білім мекемесі үшауысымды оқыту жүйесімен жұмыс жасайды. Жасалынып жатқан игі істер бұл тығырықтан шығаратын басты құралға айналмақ. Қарашаны қуантатын тағы бір хабар, облыста мұнымен қатар 32 мектептің құрылысы жүріп жатыр. Бұл аймақ басшылығының білім саласына көп көңіл бөлуіінің жемісі деп таныған абзал.

«Жұмыспен қамтудың жол картасы» бағдарламасы аясында 6 мектептің құрылысын салу үшін 27,0 млрд. теңге бөлінді. 1500 орындық 6 мектеп 9000 орынды құрайтын үшауысымды 10 мектептің мәселесін шешеді. 2021 жылы аяқталмақ»,- дейді Облыстық білім басқармасы басшысының орынбасары Гүлсара Исағұлова.

 

Жетісу жерінде тозығы жеткен 3 мектеп бар еді. Олардың да реңі қалпына келтірілді. Соның бірі Қарасай ауданы Әйтей ауылында мемлекеттік жекеменшік серіктестігі аясында 1200 орындық мектеп құрылысы аяқталды Нысан 2020 жылдың наурызында пайдалануға берілді. Бұл мақсатқа 3,4 млн.теңге қаржы бөлінді.

Екінші, Кербұлақ ауданы Қосағаш ауылында 80 орындық мектеп құрылысы 2020 жылдың қараша айында аяқталады деп күтілуде. Бұл мақсатқа жергілікті бюджеттен 657,5 млн.теңге қарастырылған.

Үшіншісі, Панфилов ауданы Аққұдық ауылындағы Байбатшаев атындағы 120 орындық мектеп құрылысы. Бұл мақсатта жергілікті қазынадан 831,1 млн.теңге бөлініп, құрылыс жұмыстары басталды. Құрылыс жұмыстары 2021 жылға өтіп отыр.

«Жұмыспен қамтудың жол картасы» бағдарламасы аясында Ынтымақ елді мекенінде 1200 орындық 1 мектеп оқушы орны тапшылығын жою мақсатында салынбақ. Оған 2,9 млрд. теңге бөлінеді. 2021 жылы аяқталады деп күтілуде.

Айта кетерлігі, облыста 55 білім беру нысанының күрделі жөндеу жұмыстары жүргізілуде, бұл мақсатқа барлығы 23 918,1 млн. теңге қарастырылды.

Бүгінгі күнде 12 мектептің күрделі жөндеу жұмыстары, 3 мектеп ауласын, стадионын жөндеу жұмыстары аяқталды, қалған мектептер 1 қазанға аяқталады деп жоспарланып отыр.

Бұдан өзге «Жұмыспен қамтудың жол картасы» бағдарламасы шеңберінде 354 нысанға ағымдағы жөндеу жұмыстары жүргізіледі, бұл мақсатқа 1,4 млрд теңге берілген.

Қазіргі кезде барлық білім беру мекемелерінің жөндеу жұмыстары жүргізілуде, 331 мектептің әжетханасы аяқталды, 16 әжетхана 20 қыркүйекке аяқталады деп күтілуде.

ОҚИ ОТЫРЫҢЫЗДАР

  • 145 колледж 330 мамандық бойынша білім беру құқығынан айырылды – ҚР БҒМ

    145 колледж 330 мамандық бойынша білім беру құқығынан айырылды – ҚР БҒМ

    ҚР Білім және ғылым министрлігінің Білім және ғылым саласындағы сапаны қамтамасыз ету комитеті барлық қазақстандық колледждің білім беру қызметіне мониторинг жүргізіп жатыр. Талдау нәтижелері бойынша 145 білім беру ұйымы 330 мамандық бойынша лицензияға қосымшаларын өз еркімен қайтарып берді (белгілі бір мамандықтар бойынша оқытуға рұқсат беретін құжат). ҚР БҒМ Білім және ғылым саласындағы сапаны қамтамасыз ету

  • Екі облыста коронавирус табылған мектептер мен балабақшалар карантинге жабылды

    Екі облыста коронавирус табылған мектептер мен балабақшалар карантинге жабылды

    Екі өңірдегі мектептер мен балабақшалардан анықталған коронавирусқа байланысты аталмыш әлеуметтік нысандар карантинге жабылды. Қазақстанның екі облысының білім ордаларында кезекші сыныптар мен балабақшалардағы кезекші топта коронавирус инфекциясы анықталды. Барлығы — 16 бала. Оқу ордаларының бәрі де карантинге жабылды», — деді ОКҚ-да өткен баспасөз мәслихатында Денсаулық сақтау министрлігінің ресми өкілі Бағдат Қожахметов. Оның айтуынша, коронавирус жұқтырған балалармен

Пікір қалдырыңыз

Еmail почтаңыз сыртқа жарияланбайды. * белігісі тұрған бағанды міндетті түрде толтырасыз

Аты-жөні *

Email *

Телефоны

Сайт алаңында білім саласы мен ұрпақ тәрбиесіне байланысты өзекті деп санаған ойларыңызға орын береміз.

E-mail: kazbilim@gmail.com

ZERO.KZ HotLog