-22 C
Нур-Султан
29.11.2022

Ұрпақты ұлттық негізде тәрбиелесе…

Балаға білім беріп, біліктілігін арттыруда түрлі тәсіл ұстануға болатынын ұстаздар қауымы жан-жақты дәлелдеп келеді. Әр алуан әдіснаманы пайдалана отырып, оқушылардың зейінін ашып, зеректігін оятуда. Шетелдік шеберлердің озат ойлары мен жоғары жобаларын мемлекетіміздің мектептеріне енгізіп, сапалы сабақтарын бастап кеткелі де көп болды.

Жақында Ұлттық академия­лық кітапханада «Педагогтардың кәсіби креативті құзыреттілігін жетілдіруде ұлттық ойындардың рөлі» тақырыбында  қалалық  семи­нар өтті. Түрлі ойлар мен ой­ындардан, тәлімді тренинг, баянды баяндамалар мен сү­белі сұхбат түрінде өрбіген жи­ында №48 «Ақ көгершін» бала­бақшасының эксперименттік  ала­ңының ғылыми жетекшісі, педагогика ғылымдарының кан­дидаты Ақжарқын Бәдел «Мек­тепке дейінгі ұйымдарда оқы­тудың  креативті технологияларын пайдалану» тақырыбында баяндама жасап, педагогтармен «Креативті шеңбер» ойынын ұйымдастырды.

«Бүгінде «креативті педа­гог», «креативті маман» термині жиі қоланылуда. Педагогтың шығармашылық және креа­тивтілік қабілетін дамыту өзекті мәселеге айналды. Креативтілік сөзін ағылшын тілінен аудар­ғанда «create» – тудыру, жасау, шы­ғару дегенді білдіреді. Креа­тивтілік – тұлғаның айрықша идеяларды шығару, ойлаудың дәстүрлі сызбаларынан кете алу, проблемалық жағдаяттарды шеше алу қабілеті. Креативтілік интеллектуалдық қабілеттердің ішінде ерекше тип ретінде бө­лініп шықты. Отандық ғалым Ш.Таубаева: «Креативтілік деге­німіз – жеке шығармашылық әре­кеттің жемісі» деген. Әр пе­дагог өзінің ішкі мәдениетін сөй­леу мен өз ойын жетілдіру ше­­берлігін арттырып отыру керек. Ол үшін кітаптар оқу, өзге­рістер мен жаңалықтардан хабардар болу, өз білімін жетілдіру, жаңаша идеялар мен жаңаша оқыту технологияларын тиімді пайдалану, креативтік технология бойынша ұлттық білім беру моделін жасау, оқытудың стандарт шеңберімен шектелмей, балама бағдарламалар пайдалану, баланың біліміне, қабілетіне, дарындылығына, сұранысына, өнеріне сәйкес деңгейлеп, саралап оқыту, ұлттық тіл, салт-дәстүр, дүниетаным, атакәсіп, ұлттық бай тәжірибе негізінде тәрбиелеу, оқытуды ізгілендіру керек. Мысалы, Сәкен Қасық­байұлы деген азамат «Қазақы жеті ойыншық» жобасын жаса­ған. Ол ойыншықтардың ішінде мыналарды ерекше атап өтуге болады. Біріншісі – «Бөбек домбыра». Бұл кішкентай балалар құрастырып, жинай алатын домбыра. «Керемет үй». Кә­дімгі киіз үй. Оны да бала­лар құрастырып, өздері ойнайды, бөлшектерін айтады. «Ой­ландырар оюлар». Оюлардың түр-түсі құрастырылатын ой­ын. «Әсем үй». Едендегі ою­ла­­ры да құралады, үй де құ­ра­лады. «Саз аспаптары». Ба­ла­лар ұлттық аспаптарды құрас­ты­рады, танысады. «Әуенді бесік». Балалар бесікпен, бесік жырымен танысады. «Астана-Бәй­терек». Елордамен таныстыру, ба­лалардың туған елге, жерге деген сүйіспеншіліктерін арттыру. Бұл да оқытудың  креативті технологияларын пайдалану болып табылады», дейді Ақжарқын Бәдел.

Шара барысында аталған ба­лабақша меңгерушісі Ұл­жан Әбенқызы семинарға қа­тысушыларды құттықтап, бағ­дарламамен таныстырды. Мә­дениет қайраткері Сара Оразова жетекшілік ететін балабақша балдырғандарынан құрылған хор семинардың шымылдығын ашты. Семинарға Нұр-Сұлтан қаласы  Білім беруді  жаңғырту орталығының бөлім басшысы Ақмоншақ Нұртазақызы «Жаң­­ғыртылған білім беру жағ­дайында ойын түрлерін қолдану ерекшеліктері» тақырыбында баяндама жасады. Балабақша әдіскері Бану Түкенқызы бала денсаулығын нығайтуда ынталандыру технологиясын асықпен кіріктіре қолдану әдістемесін түсіндіріп, балабақша педагогтарына балабақша деңгейінде ұлттық ойындарды ойнатудың жаңа бағыты бойынша шеберлік сынып өткізді.

 

Рауан Қайдар

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Магистратураға түсуге арналған кешенді тестілеу басталды

4 мыңнан астам адам магистратураға түсуге арналған кешенді тестілеуден өтіп жатыр. Бұл туралы Ұлттық тестілеу орталығы хабарлады. Кешенді тестілеуді тапсыруға өтініш қабылдау 1-18 қараша аралығында...

Ғылым және жоғары білім министрлігі жанынан Қоғамдық кеңес құрылды

Ғылым және жоғары білім министрлігі жанынан Қоғамдық кеңес құрылды. Оның құрамына Парламент депутаттары, мемлекет және қоғам қайраткерлері, ғалымдар, оқытушылар, азаматтық қоғам және БАҚ өкілдері...

Қызылордалық 4 педагог «Үздік ұстаз» атанып, 3 млн теңгенің сертификатын алды

Қызылордалық педагогтар республикалық білім сынында аймақ абыройын тағы бір асқақтатты. «Үздік педагог-2022» республикалық байқауына қатысқан 123 мұғалімнің арасынан сырбойылық 4 ұстаз жеңімпаз атанып, төсбелгі...

Ғылым министрлігі студенттер арасында тілдік кемсітуге байланысты түсінік берді

Оқу-ағарту министрлігі мектеп оқушылары арасында этносаралық қатынастарды нығайтатын жұмыстарды жүргізеді. Ғылым және жоғары білім министрлігі азаматтарды тілдік қағидат бойынша кемсітуге жол бермеу бойынша түсіндіру жұмыстарын...

«Назарбаев Зияткерлік мектептері» ДББҰ конкурстық іріктеуге қатысу үшін құжаттарды қабылдау басталады

«Назарбаев Зияткерлік мектептері» дербес білім беру ұйымы 2023-2024 оқу жылында Назарбаев Зияткерлік мектептерінің 7-сыныптарында білім алу ушін үміткерлерге Қазақстан Республикасы Тұңғыш Президенті – Елбасының...