-18 C
Нур-Султан
09.02.2023

Елбасы қорында Қазақстанның үздік оқушылары марапатталды

Бүгін Назарбаев орталығында ҚР Тұңғыш Президенті — Елбасы қорының «Ел үміті» жобасының белсенді қатысушылары — республикалық және халықаралық олимпиадалардың жеңімпаздарына құрмет көрсетілді.
«Ел үміті» — Қазақстанның Тұңғыш Президенті Нұрсұлтан Назарбаевтың бастамасымен қолға алынған қордың жаңа жобасы. Жоба еліміздің дарынды балалары мен жастарын іздеп-тауып, оларды қолдап, ғылыми және шығармашылық белсенділігін ынталандыруға бағытталған.

«Ел мақтанышы» сыйлығы аталған кешенді жобаны жүзеге асырудағы ауқымды жұмыстың бірі болып табылады. Еліміздің әр өңірінен математика, физика, информатика, биология, лингвистика, химия пәндері бойынша жоғары нәтижеге қол жеткізген жас дарындар және олардың тәлімгерлері мен ұстаздары бүгін аталған сыйлықтың лауреаты атанды», делінген хабарламада.

Халықаралық дәрежедегі олимпиадалардан алтын, күміс және қола медаль алған оқушыларға Елбасы қорының атынан дипломдар мен ақшалай сертификаттар табысталды.

«Кеше Қазақстанның Тұңғыш Президенті Нұрсұлтан Назарбаевтың қолынан алтын медаль иегері — Республикалық физика-математика мектебінің түлегі (Алматы қ.), халықаралық ақпараттық технологиялар университетінің студенті Батыр Сардарбеков пен оның тәлімгері — Қазақстандық ұлттық информатика командасының жаттықтырушысы Темірлан Сатылханов 2 миллион теңге көлеміндегі сертификат алды», делінген хабарламада.

Күміс сыйлыққа әрқайсысы 1 миллион теңгеден, қола медаль үшін 500 мың теңгеден сертификаттар берілді.

Бұл медальдардың иегерлеріне сертификаттарды Қазақстан Республикасы Тұңғыш Президенті — Елбасы қорының атқарушы директоры Әсет Исекешев табыстады.

«Қазір терең білім алып, халықаралық жарыстарға қатысуға тамаша мүмкіндіктер өте көп. Мұндай мүмкіндіктерді пайдалану қажет. Осы ретте Елбасы қоры «Ел Үміті» бастамасы аясында жас таланттарды қолдайды, жастарды ынталандырады және жаңа биіктерді бағындыруға көмектеседі», — деді Әсет Исекешев.

 

Қордың атқарушы директоры жас таланттарды мұнымен тоқтап қалмауға, білімге ұмтылып, жаңа жетістіктерге жетуге шақырды. Ол студенттердің бүгінгі жетістігі — Қазақстанның табысты болашағының кепілі екенін атап өтті.

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

7 мыңға жуық мектеп пен колледжге буллингтің алдын алу бойынша түсіндіру жұмысы жүргізіледі

ҚР Оқу-ағарту министрлігінің Балалардың құқықтарын қорғау комитеті хабарлағандай, еліміздің бірнеше өңірінде балаларды жәбірлеудің (буллинг) алдын алу және білім беру ұйымдарындағы психологиялық қызметтердің жұмыс принциптері...

«Өліммен бетпе-бет келдік»: қазақстандық студент Түркиядағы жағдай туралы айтып берді

Нұрболат Кәрібай – қазір Түркияның Кайсері қаласында білім алып жүрген студенттің бірі. Анадолы жерінде отбасымен тұрып жатыр. Ол қаладағы жағдайды түсіндіріп өтті. «Түркияның Кайсері қаласында...

Атырау университетінде онлайн курс және вебинарлар жазу студиясы ашылды

Х.Досмұхамедов атындағы Атырау университетінде Жаппай ашық онлайн курсы (MOOC) оқыту әдістемесі аясында онлайн курстар мен вебинарларды жазу бейнестудиясы мен IT сыныптары ашылды. «Бұл кабинет, біріншіден,...

«Сауатым жоқ»: 42 жастағы әріп танымайтын келіншек «Әліппені» оқып жүр

Алматы облысында пәтер жалдар тұратын Талғат Кәстекбаев пен Жаңакүл Көшербаеваның үш баласы бар. Олар күн салқында киетін аяқ киім таба алмай, мектепке бара алмай...

Қазақстандық ЖОО-лар Түркиядағы студенттерді қабылдауға дайын – министрлік

Қазақстандық жоғары оқу орындары Түркияда оқып жатқан ел азаматтарын және қандастарды қабылдауға дайын. Бұл туралы Ғылым және жоғары білім министрлігінің баспасөз қызметі хабарлады. «ҚР Түркиядағы елшілігінің...