Мұғалім мәртебесін көтеретін нағыз мұғалімдер екеніне тағы бір көзіміз жетіп отыр. Еліміздің болашағы осындай ұстаздардың қолында», – дейді ҚР Білім және ғылым вице-министрі Шолпан Каримова.
Ол ҚР Білім және ғылым министрлігі атынан бұл конференция бүгінгі күні білім беру жүйесінің өзекті мәселелерін талқылайтын бірден-бір инновациялық алаң болып отырғанын айтты.
« Қай заманда болса да, білім, мәдениет және құндылықтарды ұрпақтан ұрпаққа жеткізетін тек қана мұғалім екені түсінікті. Бүгінгі күні білім саласындағы басты стратегиялық бағыттардың бірі – Назарбаев зияткерлік мектептерінің тәжірибесін Қазақстандағы жалпы білім беретін мектептерге тарату. Осы істі атқарып отырған барлық әріптеске алғыс айтқымыз келеді», – дейді ол.
Күн тәртібіне бүгінгі таңда әлемдегі барлық педагогтарды толғандыратын «мұғалім – оқушы» серіктестігі, жаһандық құзіреттілік, мұғалімдердің үздіксіз білім алуы, білім мазмұны мен бағалау, қолайлы білім беру ортасын құру сияқты өзекті мәселелер енгізілген.
Еске сала кетсек, бұған дейін елордада «Мектеп әлемін өзгертетін – ұстаздар» атты ХІ халықаралық конференция өтіп жатқанын жазған болатынбыз.
