17 C
Нур-Султан
26.09.2022

Мектепке 6 жастан бару міндетті емес

Мектепке балаларды алты жастан беру міндетті емес. Үкімет үйінде өткен баспасөз конференциясында Білім және ғылым министрі Асхат Аймағамбетов осылай деді.

Қазір Білім және ғылым министрлігі жергілікті атқарушы органдармен бірлесіп, жаңа оқу жылына дайындық жұмыстарын жүргізуде. Биыл республика бойынша мектепке баратын балалардың саны 3 млн-нан асады. Оның ішінде 1-сыныпқа 405 мыңнан астам бала барады деп күтілуде. Бұл көрсеткіш өткен жылмен салыстырғанда 20 мың балаға артық. Білім және ғылым министрі Асхат Аймағамбетовтің айтуынша, мектепке балаларды 6 жастан беру міндетті емес. Қай жаста береміз десе де, таңдау ата-ананың өз еркінде болмақ.

− Балалары 6 жасқа толған көптеген ата-ана мектепке да­йын­дығымыз жоқ, санау білмейміз, оқи алмаймыз деп шағым айтып жатады. Ешқандай мектепте 1-сыныпқа барған бала міндетті түрде оқып, жазып, санай білуі ке­рек деген талап жоқ. Мектеп табалдырығын аттаған баланы оқытып, үйрететін арнайы бағ­дарлама бар. Сондықтан бірінші сыныпта олар әріптерді, санау­ды, жазуды, оқуды үйренеді, − деді министр. Оның айтуынша, баласы 6 жастан мектепке бар­мағаны үшін ата-ана мемлекетке айыппұл төлемейді, бұл – әркімнің өз таңдауы. Ата-ана баласының қа­білетін білгендіктен, оны қанша жастан мек­тепке беру керектігін өзі шеше­ді.

Сонымен қатар А.Айма­ғам­бетов қазақстандық мектептерде ерекше білім алу қажеттіліктері бар балалар 8 жасында да мектепке қабылданатынын еске салды. БАҚ өкілдерімен кездесу барысында министр оқушылардың электронды оқулықтарды қол­дана алатынын, кітаптарды QR кодтар бойынша жүктей алатынын және мектепке планшетпен, электронды кітаппен немесе ноут­букпен бара алатынын айтты. Соған сай аталған ведомство өңірлерге арнайы нұсқау хат дайындаған.

− Менен электронды оқу­лық­тарды пайдалануға мұғалімдер рұқсат бере ме деп сұрайды. Біз оқу жылының басына арналған нұсқаулық-әдістемелік хатта осы жағдайды оқушының жеке таң­дауы екенін түсіндірдік. Электронды оқулықтың қара­па­йым оқулықтан еш айыр­ма­шы­лығы жоқ. Мектепке балалар планшетпен, электронды кітап­пен, ноутбукпен бара алады, басқа да құрылғыларды қолдануға болады. Бұл процеске қатаң талаптар қойылмаған, – деп түсіндірді А.Аймағамбетов. Ми­нистр электронды оқулық  мек­теп оқушыларының сөм­кесін жеңілдетуге арналған мүм­кін­діктердің бірі екенін айтты.

 

 

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Мектепте оқушылардың ұялы телефон қолдануына тыйым салуға бола ма – министр жауабы

Мектепте оқушылардың ұялы телефонды қолдану немесе оған тыйым салу шешімін білім ордасының қамқоршылық кеңесі шешеді. Орталық коммуникациялар қызметінде өткен брифингіде оқушылардың сабақ кезінде гаджеттерді ұстауына...

10-11 сынып оқушылары үшін ағылшын тілі пәнінің сағаты көбейеді

10-11 сынып оқушылары үшін ағылшын тілі пәнінің сағатын көбейту жоспарланып отыр. Орталық коммуникациялар қызметінде өткен брифингіде Оқу-ағарту министрі Асхат Аймағамбетов осылай мәлімдеді. «Математика, физика, химия,...

Министрлік «Өзін-өзі тану» пәнін ресми түрде алып тастауды ұсынды

Оқу-ағарту министрлігі «Өзін-өзі тану адамгершілік-рухани білім беру бағдарламасының күшін жою туралы» бұйрықты ашық талқыға шығарды. «Өзін-өзі тану адамгершілік-рухани білім беру бағдарламасын бекіту туралы туралы» ҚР...

Шымкентте АИТВ жұқтырған балалардың жоғары білім алуына көмектесеміз – Ғылым министрі

ҚР Ғылым және жоғары білім министрі Саясат Нұрбек 2006 жылы Шымкентте абайсызда Адамның иммун тапшылығы вирусын (АИТВ) жұқтырған балаларды кездесуге шақырды. «2006 жылы Шымкентте 80-ге...

«Үздік педагог» байқауына өтінім қабылдау 25 қыркүйекке дейін ұзарды

«Үздік педагог-2022» байқауының бірінші кезеңіне қатысу үшін құжаттарды қабылдау тағы 3 күнге ұзартылды. Яғни қазақстандық мұғалімдер 2022 жылғы 25 қыркүйекке дейін құжат тапсыра алады....