Назарбаев университетіне қалай түсуге болады?

3 2 0

EditНазарбаев университеті

Назарбаев университеті бүгінде Қазақстандағы әлемдік стандартта білім беретін, Қазақстандық жоғары оқу орындары рейтингісіндегі №1 университет. Оның мүмкіндіктері мен онда оқыған студенттердің болашағы туралы үлкен үміт күтуге болады.

Қазақстан Республикасының Тұңғыш Президенті — Елбасы Нұрсұлтан Әбішұлы Назарбаевтың бастамасымен 2010 жылы Назарбаев Университетінің (НУ) негізі қаланған болатын. Назарбаев университетінің негізгі қағидаты — білімді, ғылым мен инновацияларды интеграциялау болып табылатын халықаралық танылған зерттеу университеті болуға ұмтылады. НУ — ғылым, технологиялар, кәсіпкерлік, медицина, мемлекеттік басқару, білім беру саласындағы ел көшбасшыларының жаңа буынын оқытуға, сол арқылы еліміздің ілгері дамуына қолдау көрсетуге бағытталған.

НУ — дың негізгі ерекшеліктері болып табылатындар:

— заң түрінде бекітілген академиялық еркіндік және институционалдық дербестік;

-халықаралық оқытушы-профессорлар құрамы;

-оқыту мен ғылыми зерттеулерді жүргізудің негізгі тілі ағылшын тілі;

-оқуға түсу және оқу кезінде қойылатын қатаң академиялық талаптар;

— сондай-ақ бакалавриат бағдарламасынан бастап білім мен ғылымды интеграциялау.

ПАЙЫМДАУ

Қазақстанды және әлемді дамытуға және өркендетуге қажетті ғалымдарды, мамандарды, жетекшілер мен кәсіпкерлерді даярлау.

МИССИЯСЫ

Қазақстанның жоғары білім мен ғылым жүйесінде реформаларды жүргізу моделі болу және Астананың инновациялар мен білімнің халықаралық орталығы болып қалыптасуына үлес қосу.

СТРАТЕГИЯЛЫҚ МАҚСАТТАРЫ:

І — мақсат. Қазақстанның білім беру жүйесін реформалаудағы көшбасшылық
Назарбаев Университеті тәжірибесін Қазақстанның жоғары оқу орындары мен зерттеу орталықтарына таратуды қамтамасыз ету.

ІІ  — мақсат. Академиялық көшбасшылық

Академиялық көшбасшылықты дамыту және қолдау көрсету арқылы Назарбаев Университетінің миссиясына қол жеткізу.

ІІІ  — мақсат. Ғылыми көшбасшылық

Әлемнің озық ғылыми және зерттеу орталықтарымен әріптестікте ғылыми зерттеулер жүйесін қалыптастыру.

ІV — мақсат. Интеграцияланған академиялық денсаулық сақтау жүйесінің моделін құру

Қазақстанның денсаулық сақтау жүйесінде қызмет көрсету моделі ретінде Назарбаев Университетінің денсаулық сақтау жүйесін құру.

V мақсат. Инновациялар және ғылымды өндіріске енгізу

Қазақстандағы инновациялардың негізгі қозғаушы күші болу және инновациялардың өңірлік орталығы ретінде Астананың қалыптасуына үлес қосу.

Назарбаев университеті  FOUNDATION (дайындық) бағдарламасына қалай түсуге болады?

NUFYP (Nazarbayev University Foundation Year Program) – Назарбаев Университеті Дайындық мектебінің интенсивті 1 жылдық бағдарламасы. Бұл курс шеңберінде тыңдаушылар бакалавриат бағдарламасына академиялық, ғылыми және тілдік дайындықтан өткізіледі. Оқыту Назарбаев Университетінің Дайындық мектебінде өткізіледі. Білім алу ҚР мемлекеттік қаражаты есебінен іске асыралатын “Назарбаев Университеті” гранты шеңберінде және ақылы түрде болуы мүмкін. Университет алдындағы Дайындық бағдарламасын аяқтау нәтижесінде Назарбаев Университетінің мектептері студенттерді бакалавриат бағдарламаларына одан әрі білім алуға қабылдайды.

ТІРКЕУ КЕЗЕҢДЕРІ

Іріктеу конкурсына қатысуға тіркелу үшін, талапкерлер келесі іс-шаралар реттілігін сақтауы қажет:

Егер тіркеу кезінде қандай да бір мәселелер орын алса, foundation_admissions@nu.edu.kz электрондық поштасына сауалыңызды жіберуіңізге болады. Сауал жіберген кезде, (ҚР  азаматтары үшін) ЖСН мен әрбір талапкерге берілетін жеке кабинеттегі Applicant ID  нөмірін жазуды ұмытпаңыз.

ҚАБЫЛДАУ ЕМТИХАНДАРЫ ЖӘНЕ ТАЛАПТАР

Іріктеуге келесі санаттарға жататын талапкерлер қатыса алады:

— Орта білім беру ұйымдарының соңғы сынып оқушылары;

— Техникалық және кәсіби, орта білімнен кейінгі және жоғарғы оқу орындарының білім алушылары;

— Орта, орта білімнен кейінгі және жоғары білімі бар адамдар.

Талапкерлерді іріктеу конкурсы мына кезеңдерден тұрады:

Бірінші кезең  – APTIS тестілеу;

Екінші кезең – NUFYP Entrance Test тестілеу;

Үшінші кезең – IELTS тестілеу;

Төртінші кезең – құжаттарды қарау.

Егер талапкер қандай да бір кезеңдегі емтиханнан ең төмен өту бағасын алмаса, ол келесі кезеңге өте алмайды.

APTIS – ағылшын тілі деңгейін анықтайтын тест:

Оқу, грамматика және сөздік қорын тексеру;

Сұрақтар саны — 75;

Емтихан ұзақтығы — 55 минут;

Тест нысаны – бірнеше жауап нұсқалары бар сұрақтар;

Ең төмен өту балы  — 37.5;

Емтихан нәтижесі 7 күннен кейін дайын болады.

Белгіленген мерзімге дейін жалпы ұпайы 6.0-ден жоғары IELTS (немесе осы ұпайға сәйкес TOEFL)  сертификаттарын жіберген талапкерлер APTIS емтиханын тапсырудан босатылады.

NUFYP Entrance Test – Назарбаев Университетінде білім алу үшін бейіндік  пәндер бойынша талапкердің академиялық дайындығы деңгейін анықтайтын тест.

НУ-дың таңдалған мектебіне сәйкес пәндер бойынша білімі бағаланады:

«Математика» және «Физика» — Инженерия мектебі, Тау-кен ісі және жер туралы ғылымдар мектебі.

«Математика» және «Физика» немесе «Математика» және «Химия/Биология» — Ғылым және технологиялар мектебі.

«Математика» және «Ойлау дағдылары» — Гуманитарлық және әлеуметтік ғылымдар мектебі.

Сұрақтар саны — 60;

Тестінің  ұзақтығы — 120 минут;

Тест нысаны — бірнеше жауап нұсқалары бар сұрақтар;

Ең төмен өту балы  – 120, бұл ретте  әрбір пәннен ең төменгі балл — 50. Осылайша  50 балл  + 70  балл = 120  – балл жалпы өту балын алу үшін пәндер бойынша балдардың ең төменгі қосындысы.

Емтихан нәтижесі 3 аптаның ішінде дайын болады.

IELTS – халықаралық стандартталған академиялық ағылшын тілі деңгейін анықтайтын тест:

Жазу, оқу, түсіну және сөйлеу қабілетін бағалайды;

Тестің ұзақтығы — 2 сағат 54 минут;

Тестің нысаны – жазбаша және ауызша бөлімдерден тұрады.

Ең төмен өту бағасы НУ-дың таңдалған мектебіне байланысты болады:

Инженерия мектебі, Тау-кен ісі және жер туралы ғылымдар мектебі, Ғылым және технологиялар мектебі – жалпы балл 6.0, оның ішінде әр секцияда 5.0 – ден аз болмауы тиіс;

Гуманитарлық және әлеуметтік ғылымдар мектебі – жалпы балл 6.0, оның ішінде әр секцияда 6.0 – ден аз болмауы тиіс;

Нәтижелер 14 күннен кейін дайын болады.

IELTS емтиханын  НУ үшінші қабылдау емтиханы ретінде ұйымдастырады.

Тест тапсырмалары, олардың ережелері мен ұзақтығын тестіні ұйымдастырушылар өзгертуі  мүмкін.

Емтиханға кіру рұқсаты туралы ақпарат талапкердің жеке кабинетінде орналастырылады.

Тест алдында бір апта қалғанда талапкердің электрондық поштасына емтиханның өтетін орны, уақыты, қажетті құжаттар мен емтихан ережелері туралы ақпарат жіберіледі.

Емтихан нәтижесі талапкердің жеке кабинетінде сақталады және қосымша жеке электрондық поштасына жіберіледі.

Тест нәтижелері бойынша апелляция көзделмеген.

Назарбаев Университетінің Дайындық бағдарламасына қабылдау емтихандары талапкерлер үшін тегін.

Құжат қабылдау уақыты.

Біз өткен жылды мысалға алдық, әр жылы осы мезгіл шамасында жүргізіледі. Әр жылы қыркүйек айының басында маңызды күндер кестесі шығарылады.

Онлайн тіркелу: 2018 жылғы 29 қыркүйек — 2018 жылғы 1 желтоқсан.

ЕМТИХАН КЕСТЕСІ 

APTIS емтиханынан босату үшін IELTS немесе TOEFL (IBT) сертификаттарының көшірмесін тапсырудың соңғы мерзімі: 2018 ж. 31 желтоқсан, ielts_2019@nu.edu.kz эл.поштасына жіберуге болады.

Бірінші оқуға қабылдау: 2019 жылғы 6 мамырдан бастап .

Құжаттарды тапсыру: сұраныс бойынша .

Бірінші оқуға қабылдауға IELTS/TOEFL сертификаттарын тапсырудың соңғы мерзімі: 2019 жылғы 1 мамыр.

Келесі қабылдауларға IELTS/TOEFL сертификаттарын тапсырудың соңғы мерзімі: 2019 жылғы 16 маусым.

Талапкерлерге Қабылдау Комиссиясының шешімімдерін электрондық поштамен жіберу: кейінірек жарияланады.

Оқуға қабылдау: кейінірек жарияланады.

Ақылы оқуға түсу емтихандарын тапсырудың соңғы мерзімдері

*Көрсетілген мерзімдерден кейін тапсырылған тест сертификаттары қабылданбайды.

Емтихан нәтижелері Назарбаев Университеті кодын (Institutional Code) пайдалана отырып, тест әкімшісі арқылы Университеттің атына жіберуі қажет:

• 6762 – TOEFL үшін
• 7915 – SAT тесті үшін
• 5521 – ACT with Writing Part үшін
• Nazarbayev University – IELTS үшін

*Ақылы оқуға түсу үшін онлайн тіркелу: 2019 жылғы 1 наурыз — 16 маусым.

ІРІКТЕУ КОНКУРСЫ

Қабылдау емтихандарының қорытындылары бойынша қабылдауға ұсынылатын талапкерлердің тізімі қалыптастыралады.

Іріктеу конкурсын ұйымдастыру кезінде талапкерлерді қабылдау мына басымдықтағы көрсеткіштер бойынша жүзеге асырылады:

1. NUFYP Entrance Test нәтижесі.
2. IELTS нәтижесі. Егер жалпы ұпай бойынша нәтижелері бірдей талапкерлер болса, артықшылық әр секциядағы мына басымдықтағы ең жоғары ұпай жинаған талапкерге беріледі – жазу, аудару, оқу және сөйлеу.

Қабылдануға ұсынылған талапкерлерге: электрондық Хабарлама-хат арқылы мерзімдер мен талаптарды көрсететін Қабылдауға шақыру, Құжаттарды тапсыру нұсқаулығы мен қосымшалар жіберіледі.

Талапкерлер Университеттің басқа департаменттеріне де қосымша құжаттарды тапсыру тиіс. Сол себепті, талаптарды уақытылы орындау үшін, Хабарлама-хатты мұқият оқыңыз. Барлық құжаттар Университетке қағазды түрде белгіленген мерзімде тапсырылады.

Шет тілдерінде ұсынылатын құжаттардың қазақ немесе орыс тіліндегі нотариуспен расталған аудармалары тапсырылады.

Құжаттар топтамасын уақытында тапсырмаған талапкерлер конкурсқа қатысу мүмкіндігінен айырылады.

Конкурсқа қатысу үшін талапкер Қабылдау департаментіне тапсыратын құжаттар топтамасы:

1)           фотосуреті бар толтырылған және қол қойылған аппликациялық нысаны;

2)           жеке куәлігінің немесе паспортының не болмаса тууы туралы куәлігінің нотариалдық куәландырылған көшірмесін немесе 16 жасқа толмаған талапкерлер үшін оқу орнынан фотосуреті бар анықтаманың түпнұсқасы;

3)           жалпы орта, техникалық және кәсіптік немесе орта білімнен кейінгі білімі немесе жоғары білімі туралы мемлекеттік үлгідегі құжатының не қосымшасы бар халықаралық бакалавриат дипломының немесе бакалавр не маман дипломы (құжаттарды ұсынған сәтте болған жағдайда) мен қосымшасы;

4)           егер талапкер тестілеуден өз бетінше өткен жағдайда, Academic IELTS немесе TOEFL күші бар сертификатының түпнұсқасы;

5)           оқуға қабылдауға қол қойылған келісім нысанының түпнұсқасы;

6)           кепілдік жарнаны төлеуге қол қойылған келісім нысанының түпнұсқасы;

7)           дербес деректерді өңдеуге қол қойылған келісімнің түпнұсқасы.

Шетелдік талапкерлер және азаматтығы жоқ талапкерлер барлық оқу кезеңіне жарамды медициналық сақтандыру полисінің көшірмесін қосымша тапсырады.

ТАЛАПКЕРЛЕРДІ ОҚУҒА ҚАБЫЛДАУ

Іріктеу конкурсы мен талапкерлердің құжаттары қаралғаннан кейін, Қабылдау Комиссиясы талапкерлерді Назарбаев Университетінің Дайындық мектебіне қабылдауға ұсынады.

Іріктеудің барлық кезеңдерін сәтті өту Назарбаев Университетінің Дайындық мектебіне қабылдануға кепілдік бермейді.

“Назарбаев Университеті” білім гранты (мемлекеттік грант) шеңберінде қабылдауға ұсынылған талапкерлер қатарына кірмеген, алайда қабылдау талаптарына сәйкес келетін талапкерлер резервтік тізімге енгізіледі. Егер қабылдауға ұсынылған талапкерлер тізімінде бос орын пайда болса, резервтік тізімдегі талапкерлердің қабылдауға ұсынылуға мүмкіншілігі бар.

Сондай-ақ, резервтік тізімдегі талапкерлер ақылы түрде оқуға қабылдануы мүмкін.

Қабылдануға ұсынылған талапкерлер 30 000 теңге көлеміндегі Кепілдік жарнасын төлеу және Хабарлама-хаттағы белгіленген мерзімде құжаттарды тапсыру тиіс. Кепілдік жарна талапкерге оқу басталғаннан кейін қайтарылады.

Оқуға қабылдау НУ Провостының  шешімімен рәсімделеді.

АҚЫЛЫ ОҚУҒА ТҮСУ

Ақылы оқуға түсу конкурсына келесі талапкерлер қатыса алады:

— ағымдағы жылдың мемлекеттік гранты шеңберінде оқуға түсу конкурсына қатысқан, NUFYP ET және IELTS (TOEFL) емтихандарының нәтижелері ең төменгі талаптарға сай келетін, алайда грантқа түсе алмаған, сонымен бірге резервтік тізімге енгізілген талапкерлер;

— admissions.nu.edu.kz порталында онлайн тіркеуден өткен және IELTS және TOEFL, SAT немесе AСT емтихандарын дербес тапсырып, төменде көрсетілген кестедегі ең төменгі талаптарға сай нәтижелері бар талапкерлер:

*TOEFL PBT тек қана ресми IELTS және TOEFL iBT емтихандары жүргізілмейтін елдерден келген шетелдік талапкерлерден ғана қабылданады.

Іріктеу конкурсы аяқталған соң, қабылдануға ұсынылған талапкерлерге электрондық Хабарлама-хат арқылы мерзімдер мен талаптарды көрсететін Қабылдауға шақыру, Құжаттарды тапсыру нұсқаулығы мен қосымшалар жіберіледі.

Талапкерлер Университеттің басқа департаменттеріне де қосымша құжаттарды тапсыруы тиіс. Сол себептен, талаптарды уақытылы орындау үшін, Хабарлама-хатты мұқият оқыңыз. Барлық құжаттар Университетке қағазды және түрде белгіленген мерзімде жеке басымен тапсырылады.

Қабылдануға шақыруды қабылдаған жағдайда талапкерлер 30 000 теңге көлеміндегі Кепілдік жарнасын төлеуі қажет және Хабарлама-хаттағы белгіленген мерзімде құжаттарды тапсыру тиіс. Кепілдік жарна талапкерге оқу басталғаннан кейін қайтарылады.

Шет тілдерде ұсынылатын құжаттардың қазақ немесе орыс тіліндегі нотариуспен расталған аудармалары тапсырылады. Құжаттар топтамасын уақытында тапсырмаған талапкерлер конкурсқа қатысу мүмкіндігінен айырылады.

Ақылы түрде оқуға конкурсқа қатысу үшін талапкер Қабылдау департаментіне тапсыруы тиіс құжаттар топтамасы: 

1)           фотосуреті бар толтырылған және қол қойылған аппликациялық нысаны;

2)           жеке куәлігінің немесе паспортының не болмаса тууы туралы куәлігінің нотариалдық куәландырылған көшірмесін немесе 16 жасқа толмаған талапкерлер үшін оқу орнынан фотосуреті бар анықтаманың түпнұсқасы;

3)           жалпы орта, техникалық және кәсіптік немесе орта білімнен кейінгі білімі немесе жоғары білімі туралы мемлекеттік үлгідегі құжатының не қосымшасы бар халықаралық бакалавриат дипломының немесе бакалавр не маман дипломы (құжаттарды ұсынған сәтте болған жағдайда) мен қосымшасы;

4)           егер талапкер тестілеуден өз бетінше өткен жағдайда, Academic IELTS немесе TOEFL күші бар сертификатының түпнұсқасы;

5)           оқуға қабылдауға қол қойылған келісім нысанының түпнұсқасы;

6)           кепілдік жарнаны төлеуге қол қойылған келісім нысанының түпнұсқасы;

7)           дербес деректерді өңдеуге қол қойылған келісімнің түпнұсқасы.

SAT немесе AСT емтихандарының нәтижелері жоғарыда көрсетілген  кестеге сәйкес ең төменгі талаптарға сай талапкерлер мына құжаттарды  тапсырулары тиіс:

8) SAT Reasoning Test немесе ACT сертификаттарының қолданыстағы түпнұсқаларын немесе Қабылдау Комиссиясы белгілеген мерзім ішінде кейіннен сертификаттардың тұпнұсқасын қағаз тасығышта ұсына отырып, олардың қағаз бетінде басылған электронды нұсқасын;
9)    Кестеде көрсетілген пәндер бойынша SAT Subject Test сертификатының қолданыстағы түпнұсқасын немесе Қабылдау Комиссиясы белгілеген мерзім ішінде кейіннен сертификаттың тұпнұсқасын қағаз тасығышта ұсына отырып, оның қағаз бетінде басылған электронды нұсқасын ұсынады.

Шетелдік талапкерлер және азаматтығы жоқ талапкерлер барлық оқу кезеңіне жарамды медициналық сақтандыру полисінің көшірмесін қосымша тапсырады.

ПАЙДАЛЫ РЕСУРСТАР

Назарбаев университеті әр жылы талапкерлер үшін бағыттық тест үлгілерін шығарып, нұсқау береді. Төменде, 2018 жылғы тест үлгілерінің сілтемесін көрсеттік:

APTIS емтиханының құрылымымен толығымен танысу үшін осыны басыңыз.

NUFYP Entrance Test тест тақырыптарының тізбесі:

Математика

Физика

Биология

Химия

Ойлау қабілеті

NUFYP Entrance Test емтиханындағы мінез-құлық қағидалары

NUFYP Entrance Test сынақ тестілер:

Математика

Физика

Биология/Химия

Ойлау қабілеті

NUFYP Entrance Test сынақ тестілерінің  жауаптары

NUFYPET емтиханын тапсырушылардың ата-аналарына арналған нұсқаулық

https://www.youtube.com/watch?v=9t4xLa2nDsE&t

IELTS  тестісінің  құрылымымен толық танысу үшін осыны басыңыз.

IELTS емтиханындағы мінез-құлық қағидалары.

«Назарбаев Университеті» дербес білім беру ұйымының Дайындық бағдарламасына қабылдау қағидаларымен осы арада танысуға болады.

Назарбаев Университетінде Білім беру қызметтерін көрсету талаптарымен танысу үшін осы сілтемені басыңыз.

Жиі қойылатын сұрақтар – FAQ

Skype арқылы жеке консультация алу үшін  skypeconsultation@nu.edu.kz электронды мекенжайына өтінім беріңіз.

Назарбаев университеті БАКАЛАВРИАТ бағдарламасына қалай түсуге болады?

Бакалавриат бағдарламасын Назарбаев Университетінің төрт Мектебі ұсынады:

-Әлеуметтік және гуманитарлық ғылымдар мектебі,

-Ғылым және технологиялар мектебі,

-Инженерия мектебі,

-Тау-кен ісі және Жер туралы ғылымдар мектебі.

ТІРКЕУ КЕЗЕҢДЕРІ

Назарбаев Университеті мектептерінің біріне бакалавриат бағдарламасына конкурсқа қатысу үшін онлайн сауалнаманы толтырып, қажетті құжаттарды тапсыру керек.

Оқуға түсу үшін келесі қадамдарды іске асыру қажет:

Егер тіркеу кезінде қандай да бір мәселер орын алса, undergraduate_admissions@nu.edu.kz электрондық поштасына сауалыңызды жіберуіңізге болады.

Сауал жіберген кезде, (ҚР  азаматтары үшін) ЖСН мен әрбір талапкерге берілетін жеке кабинеттегі Applicant ID  нөмірін жазуды ұмытпаңыз.

ОРТА МЕКТЕПТЕР, UK FOUNDATION БАҒДАРЛАМАСЫ, КОЛЛЕДЖ ТҮЛЕКТЕРІ МЕН ОҚУШЫЛАРЫ, СОНДАЙ-АҚ, A-LEVEL БАҒДАРЛАМАСЫНЫҢ ТҮЛЕКТЕРІ

Орта мектептердің, UK Foundation бағдарламасының, колледж түлектері мен оқушылары, сондай-ақ, A-level бағдарламасының түлектері үшін қойылатын ең төменгі талаптар:

— TOEFL PBT ресми IELTS жәнеTOEFL iBT жүргізілмейтін елдерден келген шетелдік үміткерлерден ғана қабылданады.

— Медицина мектебінің үміткерлері Қабылдау комиссиясы мүшелерімен сұхбат өтуге шақырылады.

Назарбаев Университеті SAT және ACT тест нәтижелері бойынша Superscoring әдісін қолданады.

НЗМ (NIS) ТҮЛЕКТЕРІ МЕН ОҚУШЫЛАРЫ

NIS Grade 12  Certificate*  иегерлері — түлектері үшін  ең төменгі талаптар:

*NIS Grade 12  Certificate иегерлері – түлектері IELTS және SAT нәтижелерімен орта мектеп түлектері ретінде конкурсқа қатыса алады (аталған категорияға қойылатын талаптарды сайттан қараңыз).

** TOEFL PBT ресми IELTS жәнеTOEFL iBT жүргізілмейтін елдерден келген шетелдік үміткерлерден ғана қабылданады.

*** Медицина мектебінің үміткерлері Қабылдау комиссиясының мүшелерімен өтетін сұхбатқа шақырылады.

IВ DIPLOMA БАҒДАРЛАМАСЫНЫҢ ТҮЛЕКТЕРІ МЕН ОҚУШЫЛАРЫ

IВ Diploma бағдарламасының түлектері мен оқушылары үшін ең төменгі талаптар:

*IB DP иегерлері – түлектері IELTS және SAT нәтижелерімен орта мектеп түлектері ретінде конкурсқа қатыса алады (аталған категорияға қойылатын талаптарды сайттан қараңыз).

** TOEFL PBT ресми IELTS жәнеTOEFL iBT жүргізілмейтін елдерден келген шетелдік үміткерлерден ғана қабылданады.

*** Медицина мектебінің үміткерлері Қабылдау комиссиясының мүшелерімен өтетін сұхбатқа шақырылады.

ХАЛЫҚАРАЛЫҚ ЖӘНЕ/НЕМЕСЕ РЕСПУБЛИКАЛЫҚ ОЛИМПИАДА ЖҮЛДЕГЕРЛЕРІ

Халықаралық және/немесе республикалық олимпиада жүлдегерлері үшін ең төменгі талаптар :

Cоңғы үш жылда халықаралық пән олимпиадаларының алтын, күміс немесе қола медальдарын, немесе Қазақстан Республикасының ағымдағы жылғы республикалық пән олимпиадаларының алтын, күміс немесе қола медальдарының иегері ретінде өтініш тапсыру үшін келесі талаптар қойылады:

Халықаралық пән олимпиадаларының тізбесі :

1. Математика бойынша халықаралық олимпиада (IMO);
2. Физика бойынша халықаралық олимпиада (IPhO);
3. Химия бойынша халықаралық олимпиада (IChO);
4. Биология бойынша халықаралық олимпиада (IBO);
5. Информатика бойынша халықаралық олимпиада (IOI);
6. Арнайы мамандандырылған мектептердің математика, физика мен информатика бойынша Халықаралық Жәутіков олимпиадасы;
7. Мектеп оқушыларының химия бойынша Халықаралық Менделеев олимпиадасы.

Қазақстан Республикасының республикалық пән олимпиадаларының тізбесі:

1. Математика бойынша республикалық олимпиада;
2. Физика бойынша республикалық олимпиада;
3. Химия бойынша республикалық олимпиада;
4. Биология бойынша республикалық олимпиада;
5. Информатика бойынша республикалық олимпиада;

ЖОҒАРЫ ОҚУ ОРНЫНЫҢ СТУДЕНТТЕРІ

Жоғары оқу орнының бакалавриат бағдарламасының студенттері үшін ең төменгі талаптар:

*Құжатты ұсыну сәтінде Times Higher Education World University немесе QS World University rankings университеттердің әлемдік академиялық рейтингтерінің ең үздік 200 ЖОО-лар қатарына кіретін, ағылшын тілінде білім беретін шетелдік жоғары оқу орындарында бакалавриат бағдарламасы бойынша оқудың кемінде бір жылын табысты аяқтаған үміткерлер үшін SAT/ACT және IELTS/TOEFL нәтижелері міндетті емес.

** TOEFL PBT ресми IELTS және TOEFL IBT жүргізілмейтін елдерден келген шетелдік үміткерлерден ғана қабылданады.

*** Медицина мектебінің үміткерлері Қабылдау комиссиясының мүшелерімен өтетін сұхбатқа шақырылады.

Назарбаев Университеті SAT және ACT тест нәтижелері бойынша Superscoring әдісін қолданады.

ҮМІТКЕРЛЕРГЕ АРНАЛҒАН ҚҰЖАТТАР ТІЗБЕСІ

 Назарбаев Университеті мектептерінің бакалавриат бағдарламасына конкурсқа қатысу үшін 2019 жылғы 15 сәуірге дейін онлайн сауалнаманы толтырып, Жеке кабинетте қажетті құжаттарды тапсыру қажет.

1. Аппликациялық нысан (сауалнама);
2. Паспортының немесе жеке куәлігінің немесе 16 жасқа толмаған үміткерлердің туу туралы куәлігінің нотариалдық куәландырылған көшірмесі;
3. Жалпы білім беру мектебін бітіргені туралы қосымшасы бар аттестаттың немесе оның шетелдік баламасының нотариалды расталған көшірмесі;

Орта мектепте соңғы жыл оқитын оқушылар оқу орнынан оқуды аяқтау мерзімі көрсетілген анықтаманы ұсынуы қажет.

IB DP және NIS Grade 12 certificate санаты бойынша құжаттарды тапсырған соңғы жылда оқитын үміткерлер мектеп растаған бағалары бар болжамды нәтижелерін ұсынуы қажет.

4. Онлайн құжаттарды тапсыру кезінде жарамды IELTS немесе TOEFL сертификаттың электронды нұсқасы. Қағаз түпнұсқасы кейіннен ұсынылады*;
5. Ағылшын тілінде жазылған эссе;
6. Үміткердің дербес деректерін өңдеуге келісімнің қол қойылған нысаны;
7. Жазбаша бөлімнің нәтижелерімен SAT Reasoning Test немесе жазбаша бөлімнің нәтижелерімен ACT қолданыстағы (құжаттарды онлайн түрде тапсыру кезінде 2 жылдан аспайтын) ресми сертификатының электронды нұсқасы. SAT Reasoning Test* сертификатының түпнұсқасы www.collegeboard.orgжәне ACT*www.act.orgсайттары арқылы келесі мекен-жайға тапсырыс берілуі қажет: 010000, Астана қ., Қабанбай батыр даңғылы, 53, Назарбаев Университет, Қабылдау департаменті;
8. SAT Subject Test қолданыстағы (құжаттарды онлайн түрде тапсыру кезінде 2 жылдан аспайтын) ресми сертификатының электронды нұсқасы (тек Ғылым және технологиялар, Инженерия мектебі және Тау-кен ісі және Жер туралы ғылымдар мектебі үміткерлері үшін ғана);

SAT Subject Test* сертификатының түпнұсқасы www.collegeboard.org сайты арқылы келесі мекен-жайға тапсырыс берілуі қажет: 010000, Астана қ., Қабанбай батыр даңғылы, 53, Назарбаев Университет, Қабылдау департаменті.

9. Медициналық анықтама (086-У нысаны*) флюорография кескінімен* және егу картасының көшірмесі (063-У нысаны*);
10. Оқу кезіндегі 3 жылдан аспаған сертификаттар, мадақтамалар мен марапаттар, сонымен қатар жеке жетістіктерді растайтын басқа да құжаттар (бар болған жағдайда);
11. Фотосурет 3х4* – 1 дана.

* Оқуға түскен жағдайда ұсынылады.

НАЗАР АУДАРЫҢЫЗ!

Маңызды қосымша құжаттар:

12. Халықаралық және/немесе республикалық олимпиада жүлдегерлері олимпиада дипломының/сертификаттың нотариалды расталған көшірмесін ұсынуы қажет;
13. Шетел азаматтары және азаматтағы жоқ тұлғалар мерзімі тұтастай білім алу кезеңіне жарамды медициналық сақтандыру бойынша сақтандыру полисінің көшірмесін тапсырулары қажет;
14. Жоғары оқу орнында бакалавриат бағдарламасы бойынша кем дегенде бір жылдық оқуды аяқтаған студенттер келесі құжаттарды ұсынулары қажет;
15. a)      Университеттен білім берудің түпнұсқа тіліндегі және ағылшын тіліндегі ресми транскрипт;
16. b)      Оқытылған курстардың (пәндердің) екі тілдегі сипаттамасы: түпнұсқа тілінде және ағылшын тілінде;
17. c)       Ағылшын тіліндегі екі ұсыным хат.

Ескеріңіз:

• Құжаттардың түпнұсқасы тек Қабылдау департаментінің сұрауы бойынша ғана тапсырылады.
• Үміткердің жеке құжаттары пластикалық тезтікпеде (скоросшиватель) ұсынылуы қажет.
• Аппликациялық нысанның (сауалнаманың) әр бетінде төменгі оң жақта үміткердің қолы қойылуы қажет.
• 3×4 фотосурет аппликациялық нысанның (сауалнаманың) бірінші бетінде жоғарғы оң жағында желіммен жабыстырылуы қажет.
• Құжаттар тізбедегі көрсетілген ретпен орналасуы қажет.
• НУ-ға тапсырылған құжаттар қайтарылмайды.
• Егер үміткер өзі құжаттарды тапсыра алмаса, үміткердің атынан құжаттарды ұсынатын басқа тұлғаға сенімхат рәсімдеу қажет. Ол тұлға сенімхатпен бірге жеке куәлігінің көшірмесін ұсынуы тиіс. Әйтпесе, құжаттар қарастырылмайды.

Назарбаев Университетіне барлық құжаттарды үміткердің өзі не сенімхат арқылы немесе пошта арқылы келесі мекен-жайға ұсына алады:

Назарбаев Университетінің Қабылдау департаменті

Нұр-Сұлтан қаласы. 010000

Қабанбай батыр даңғылы, 53

Телефон: +7 (7172) 706555

Алматы, Шымкент қаласының және Алматы, Туркістан, Жамбыл, Қызылорда облысының тұрғындары Назарбаев Университетінің Алматы қаласындағы өкілдігіне тапсыра алады:

Қабанбай батыр көшесі, 140/140а үй (Амангелді көшесінің қиылысы), 2-қабат

Телефон: +7 (727) 2725558/ 2725591

МАҢЫЗДЫ КҮНДЕР:

2019-2020 бағдарламасы бойынша оқыту конкурсына қатысатын үміткерлер үшін маңызды күндерді мысалға алдық, әр жылы осы мезгіл шамасында болады. Маңызды күндер кестесі әр жылы қыркүйек айының басында университет сайтында жарияланады.

Онлайн тіркелу: 2018 жылғы 22 қазан — 2019 жылғы 15 сәуір (23.59 Астана уақыты бойынша)

Тест сертификаттарын қоса алғанда кағаз тасығыштағы талап етілетін құжаттарды тапсыру*: 2019 жылғы маусымның аяғы.

Қабылдау комиссиясы мүшелерінің үміткерлердің құжаттарын қарауы және бағалауы: 2019 жылғы мамыр — маусым .

Шақыру хаттарды жіберу: 2019 жылдың маусым — шілде.

Жатақханаға орналасу: 2 тамыз, 2019

Бағдарлау күні: 5 тамыз, 2019

Оқудың басталуы: 12 тамыз, 2019

**Көрсетілген мерзімдерден кейін тапсырылған тест сертификаттары қабылданбайды.
*Тек қана оқуға қабылданғандар үшін, және Қабылдау департаментінің сұранысы бойынша ғана

Тестілер Назарбаев Университеті кодын (Institutional Code) пайдалана отырып, тест әкімшісі арқылы Университеттің атына жіберіледі:

• 6762 – TOEFL үшін;
• 7915 – SAT тесті үшін;
• 5521 — ACT with Writing Part үшін.

ТАЛАПКЕРЛЕРДІ ІРІКТЕУ ЖӘНЕ ОҚУҒА ҚАБЫЛДАУ

Назарбаев Университеті ең төменгі талаптарға сәйкес келетін үміткерлерді қарастырады, алайда оқуға қабылдануына кепілдік бермейді.

Конкурсқа қатысуға арналған өтінім оны онлайн толтырғаннан кейін аяқталды деп саналады. Қағаз тасығыштағы барлық қажетті құжаттар  Қабылдау департаментіне белгіленген мерзімдерде жеткізілуі тиіс.

Үміткерлер қажетті құжаттарды Қабылдау департаментіне жеткізуді қамтамасыз ету үшін толық жауапты болады. Қабылдау департаментінің қарауына ұсынылған үміткердің құжаттары қайтарылуға жатпайды.

Назарбаев Университеті Мектептерінің Қабылдау комиссиялары аппликациялық өтінімдерді, қажетті құжаттарды, сондай-ақ тестілердің нәтижелерін жан-жақты бағалаудың негізінде оқуға шақыру туралы шешім қабылдайды.

Конкурстың нәтижесі бойынша және шешімдердің негізінде Қабылдау комиссиясы бекіткен рейтингке сәйкес Мектептердің Қабылдау комиссиялары үміткерлерді оқуға қабылдауға  ұсынады. Осы үміткерлерге электронды мекенжайына Қабылдау комиссиясының қабылдаған шешімі туралы ресми хабарлама-хат жолданады. Үміткерлер де өз статусын «Жеке кабинетінен» көре алады.

Қабылдау комиссиясы оқуға қабылдауға ұсынған, шақыру-хаттар алған үміткерлер Университетке қабылдауға келісудің тиісті нысанын жіберіп, ол қабылданған соң университетпен білім беру саласындағы қызметтерді көрсету туралы шартқа қол қойылғаннан кейін ғана қайтарылатын кепілдік жарнаны алдын ала төлеп, Университетте білім алуға шақыруды қабылдағаны немесе бас тартқаны туралы хабарлайды.

Мақалада қолданған кейбір терминдерді СӨЗДІК арқылы түсіндіруді жөн көрдік:

Үміткер – осы Қағидаларда көзделген талаптарға сай келетін және конкурсқа қатысушы Қазақстан Республикасының азаматы, шетел азаматы немесе азаматтығы жоқ тұлға;

 Аппликациялық нысан – жеке кабинетте орналастырылған бакалавриат бағдарламасына түсуге арналған өтінім-сауалнама;

Қабылдау комиссиясы – бакалавриат бағдарламалары бойынша қабылдау іс-шараларын іске асыру мақсатында құрылған Университет жанындағы консультациялық-кеңесші орган;

А-level (The Advanced Level General Certificate of Education – Орта білім туралы сертификат) – Англия, Солтүстік Ирландия, Уэльс, Шотландия елдеріндегі оқу орындары ұсынатын және Еуропада, АҚШ-та, сондай-ақ әлемнің басқа да көптеген бөліктерінде кеңінен танылатын, стандартты оқуды аяқтау біліктілігі. А-level екі жыл ішінде оқытылады және үміткерлердің Англия, Уэльс және Солтүстік Ирландия университеттерінің академиялық талаптарына сәйкестігін бағалауға арналған стандартты оқуға түсу біліктілігі болып табылады;

ACT (АСТ – American College Testing) – АҚШ-тың университеттері  оқуға түсу емтиханы ретінде танитын, орта мектеп оқушыларының үлгерімін бағалайтын стандартталған тест. Тестіде жазбаша дағдыларды бағалайтын, ұзақтығы 30 минут қосымша бөлім көзделген (ACT жазбаша дағдыларды бағалау қорытындыларымен).

AP (Advanced Placement) – Америка колледжінің деңгейінде оқу бағдарламаларын және Америка орта мектебінің оқушыларына арналған емтихандар ұсынатын Жоғары оқу орындары кеңесі (The College Board) әзірлеген АҚШ пен Канаданың академиялық бағдарламасы;

Колледж – Қазақстанда жалпы орта және техникалық және кәсіптік білім беретін немесе орта білімнен кейін білім беру бағдарламаларын іске асыратын оқу орны;

Direct/Transfer admission – “Университет алдындағы дайындық бағдарламасына түспей-ақ, «Назарбаев Университеті» дербес білім беру ұйымының бакалавриат бағдарламасына  оқуға қабылдау;

ECTS (Еуропалық кредиттерді ауыстыру және жинақтау жүйесі) – Еуропалық одақтың және осы жүйені пайдаланатын басқа да еуропалық елдердің аумағындағы жоғары оқу орындарында студенттердің академиялық үлгерімін салыстырудың стандартталған жүйесі;

Кепілдік жарна – бакалавриат бағдарламасы бойынша үміткерге білім алуға арналған орынға кепілдік беретін міндетті төлем;

Freshman жылы — бакалавриат бағдарламасының алғашқы жылы;

IB Diploma Programme – (International Baccalaureate Diploma Programme — Халықаралық Бакалавриаттың дипломдық бағдарламасы)– студенттерге жоғары оқу орындарының бакалавриат бағдарламаларына түсуге мүмкіндік беретін жеделдетілген екі жылдық халықаралық білім беру бағдарламасы.

Оқуға қабылдауға келісім нысаны – оқуға қабылдау үшін негіз болып табылатын немесе оқуға қабылдаушылар қатарынан шығаруға негіз болып табылатын үміткерлер Университеттің бакалавриат бағдарламасына қабылданғаны туралы хабар алғаннан кейін толтыратын және қолдарын қоятын нысан;

IELTS(International English Language Testing System – Ағылшын тілі бойынша халықаралық тестілеу жүйесі) – Британдық Кеңес, Кэмбридж Университеті ESOL және IDP Education Pty Ltd әкімшілік ететін, ағылшын тілін меңгеру деңгейін анықтауға арналған стандартталған тест;

«NIS Grade 12 Certifiate» —  12-сыныпты аяқтағаннан кейін сыртқы жиынтық бағалау емтихандарын тапсырған оқушыларға арналған, Cambridge International Examinations бірлесіп шығарылатын «Назарбаев Зияткерлік мектептері» дербес білім беру ұйымының сертификаты;

Жеке кабинет – Университет вебсайтында тіркелгеннен кейін жеке деректерді сақтайтын онлайн сервис;

QS World University ranking – Quacquarelli Symonds (QS)—та жарияланатын және жалпы рейтингті, сондай-ақ жекелеген пәндер бойынша рейтингті қарайтын университеттердің жыл сайынғы әлемдік рейтингі;

SAT Reasoning Test (Академиялық қабілеттілікті анықтауға арналған емтихан) –АҚШ-тың жоғары оқу орындарына қабылдауға арналған стандартталған тест. Тест студенттердің жоғары оқу орнына түсуге дайындығын бағалауға арналған. SAT Reasoning Test үш бөлімнен тұрады: математика, мәтінді талдау және жазу;

SAT Subject Test(Пәндік тест) – студенттердің АҚШ-тың жоғары оқу орындарының бакалавриат бағдарламасына түсуге белгілі бір пәндерді меңгеру қабілеттілігін бағалауға арналған стандартталған тест. Бес пәндік бағыт: ағылшын тілі, тарих, тілдер, математика және жаратылыстану ғылымдары бойынша 20 пәндік тест бар;

Мектеп – Университеттің бакаклавриат бағдарламасы бойынша академиялық бағдарлама ұсынатын мектебі (факультеті) ;

Times Higher Education World University Rankings – Британияның  Times Higher Education журналында жарияланатын және жалпы рейтинг пен пәндер бойынша рейтингті қарайтын университеттердің жыл сайынғы әлемдік рейтингі;

TOEFL (Test of English as a Foreign Language – шет тілі ретіндегі ағылшын тілі бойынша халықаралық тест жүйесі) – TOEFL iBT (Internet-based Test) және TOEFL PBT (Paper- based Test) нысандар болып табылатын Educational Testing Service (ETS) (Принстон, Нью-Джерси, АҚШ) әзірлеген ағылшын тілін меңгеру деңгейін анықтауға арналған стандартталған тест;

Ауысатын студент –Университеттің бакалавриат бағдарламасына түскісі келетін, Қазақстанда немесе шетелде орта білім алған және жоғары оқу орнында кемінде бір жыл оқуды аяқтаған студент;

Бакалавриат бағдарламасы – бакалавр академиялық дәрежесін беретін дипломмен расталатын жоғары білім беру бағдарламасы;

Университет алдындағы дайындық бағдарламасы – студенттерге жоғары оқу орындарына/университеттерге бакалавриат бағдарламаларына түсуге мүмкіндік беретін университет алдындағы дайындықтың бір-екі жылдық бағдарламасы.

ПАЙДАЛЫ АҚПАРАТ ЖӘНЕ ТЕЗ СІЛТЕМЕЛЕР

SATжәне ACT тестілері туралы толығырақ ақпарат алу үшін келесі сілтемелермен өтіңіз:

https://collegereadiness.collegeboard.org/sat/

http://www.act.org

SAT емтиханына дайындық туралы толығырақ ақпарат алу үшін келесі сілтемелермен өтіңіз:

https://www.khanacademy.org/sat

https://www.prepscholar.com

IELTS туралы толығырақ ақпарат алу үшін келесі сілтемемен өтіңіз: (https://www.britishcouncil.kz/ru/exam/ielts)

TOEFL туралы толығырақ ақпарат алу үшін келесі сілтемемен өтіңіз:(https://www.ets.org/toefl)

Назарбаев Университетіндегі тілдік және дайындық курстары

Үздіксіз білім беру департаменті

Университет алдындағы дайындық бағдарламасына түспей-ақ, «Назарбаев Университеті» дербес білім беру ұйымының бакалавриат бағдарламасына оқуға қабылдау қағидаларымен осы сілтеме арқылы танысуға болады.

Назарбаев Университетінде білім беру қызметтерін көрсету талаптарымен осы сілтеме арқылы танысуға болады.

Тестілер Назарбаев Университеті кодын (Institutional Code) пайдалана отырып, тест әкімшісі арқылы Университеттің атына жіберіледі:

• 6762 – TOEFL үшін
• 7915 – SAT тесті үшін
• 5521 — ACT with Writing Part үшін.

Сізге көмек:

Назарбаев университетінің барлық емтиханы жоғарыдағы үлгіде көрсетілгендегідей ағылшын тілінде өтеді. Себебі, ондағы сабақтар тек ағылшын тілінде  жүргізіледі. Сондықтан Назарбаев университетіне түсуді армандайтын әр оқушы дайындықты барынша ерте тіпті 9-10 сыныпта бастаған дұрыс. Жүйелі, сапалы дайындық қана ертеңгі жеңістің себепкері бола алады.

Республикалық «QAZBILIM» орталығы 4 жылдан бері Нұр-Сұлтан және Алматы қалаларында Назарбаев университетіне түсу NUFYPET және SAT емтихандарына, ағылшын тінінен ILTS, TOEFL және APTIS емтихандарына жүйелі, сапалы дайындық жүргізіп келеді. Сіз осындай үздік мектептен көрінгіңіз келсе бізге хабарласыңыз. Біз дайындық және тұрақты кеңестер беріп, сіздің осындай Қазақстандағы №1 университеттің грантын жеңіп алуыңыз үшін сізбен жұмыс жасаймыз. Біз туралы толық ақпаратты qazbilim.kz сайтынан немесе әлеуметтік желілердегі парақшаларымыздан көре аласыз.

Қазақтың әр баласы дарынды, дұрыс бағыт беру бізге парыз!

Дайындаған. Республикалық «QAZBILIM» орталығы баспасөз қызметі.