8 C
Нур-Султан
07.10.2022

Ақтөбелік ұстаздар «Педагог мәртебесі туралы» заң жобасына өз ұсыныс-пікірлерін білдірді

«Алты алаштың баласы бас қосса, төрдегі орын мұғалімдікі». Мағжан Жұмабаев ұстаздың беделін осылай биіктетіп, өсиет еткен. Ал қазір педагогтың мәртебесі төмендеп кетті. Мұны өздері де мойындайды. Ақтөбелік ұстаздар «Педагог мәртебесі туралы» заң жобасына өз ұсыныс-пікірлерін білдірді.

Былтыр мемлекет басшысы Нұрсұлтан Назарбаевтың өз жолдауындағы «Педагог мәртебесі туралы» заң қабылдау жайындағы ұсынысы ұстаздар қауымын қуантқаны анық. Ақтөбедегі ұстаздар да заң қабылданса, «мәртебеміз артып, беделіміз көтеріледі» деп үмітті. Педагогтардың сөзінше, қазір жастар мұғалім болудан қашады. Себебі, қағазбастылық, оқушының бассыздығы, басшының қатаң талабы, ата-ананың килігуі шошындырады. Өңірдегі Теректі мектеп-балабақшасының директоры Әлия Атшыбаеваның 35 жыл педагогикалық өтілі бар. Айтуынша, қазір ұстаздың беделі өте төмен. Мұғалім мәртебесін арттыру үшін көптеген жұмыстары жасалуы қажет.

«Мұғалімнің беделі қоғам алдында төмендеп кетті. Ұстаздың қадірі аз. Иығымен қағып өту, түрлі бейне жазбаға түсіру, қорқытып-үркіту, тілдеу. Қазір барлығы мүмкін. Мұғалімді қорғайтын заң жоқ. Осыны көргеннен кейін жастар мұғалім болудан қашады. Жалақы төмен, жастар келмейді. Алдымен, әлеуметтік жағдайлары дұрысталуы керек. Білікті маман ғана балаға білім, тәрбие беру шарт. Мұғалім өз білімін жетілдіріп отыруы қажет. Қазір ғаламтор дамыған заманда кей оқушының білімі мұғалімнен артып тұратындары да кездеседі. Дәрігерлер адамның денсаулығына жауап беруі үшін 5 жыл сайын білімдерін жетілдіреді ғой, ұстаз болашақ ұрпақтың, қоғамның тәрбиесіне жауапты. Кәсіби біліктіліктерін 5 жыл сайын жетілдіріп отырса, оған жағдай жасалса деген тілек бар»,-деді Әлия Атшыбаева.

Ал, Ақтөбе қаласындағы №13 орта мектептің директоры Асқар Күштаев «бала, ата-ана мен мұғалім арасындағы үш бірліктің жұмыс нәтижесі жоғары болады» дейді.

«Ата-ана, оқушы, ұстаз бірігіп, жұмыс жасаса, нәтиже жоғары болды. Заң жобасында осы мәселе қаралса деймін. Мүмкін осы үш жақты міндеттейтін талаптар енгізілер. Себебі, балаға алдымен тәрбие, кейін білім беріледі. Саналы ұрпақ тәрбиелеу үшін күш біріктіруіміз қажет. Жастарды да осы мамандыққа қызықтыра білуіміз керек. Мұғалімнің мәртебесі аса төмендеп кетті деп ойламаймын. Дегенмен, «Педагог мәртебесі туралы» заң қабылданса, кереемет болар еді»,-деді №13 орта мектептің директоры Асқар Күштаев.

«Педагог мәртебесі туралы» заң жобасына мұғалімдердің зейнет жасын әскери қызметкерлер секілді азайту туралы бөлім енгізілгенін қалайды. Жылына бір рет келетін еңбек демалысында «шипажай немесе емдеу мекемелеріне жолдама берілсе» деген тілектерін де білдірді.

Әсел АБАТ
BAQ.KZ

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Ресейден келгендер мектепте мұғалім болып жұмыс істей алма ма?

Ресейде ішінара мобилизация жарияланған соң Қазақстанға бас сауғалап келгендердің саны көбейді. Оқу-ағарту министрі Асхат Аймағамбетов ресейлік мұғалімдердің Қазақстанда мектепке жұмысқа орналаса алмайтынын айтты. Zakon.kz-тің жазуынша,...

Алматының Алатау ауданында екі мемлекеттік колледж салынады

Алматы қаласының Алатау ауданында екі мемлекеттік колледж салынады. Бұл туралы қала әкімі Ерболат Досаев аудан тұрғындарымен кездесуде айтты. «Келесі жылдан бастап Алатау ауданында екі мемлекеттік...

Қазақстанда білім беру 13,8% қымбаттады

Қазақстанда білім беру ақысы 13,8% қымбаттады. Бұл туралы ҚР Стратегиялық жоспарлау және реформалар агенттігі Ұлттық статистика бюросынан мәлім етті. «Қыркүйек айында білім беру қызметтерінің бағасы...

Павлодар облысында алдағы 3 жылда 10 мектеп салынады

Жолдауда ұсынылған «Жайлы мектеп» ұлттық жобасы аясында Павлодар облысында алдағы 3 жылда 10 мектеп салынады. Бұл туралы Мемлекет басшысы Қасым-Жомарт Тоқаев Павлодар облысы жұртшылығымен...

Жаңа Әділетті Қазақстанға елімізде білім культі біржола орныққан кезде ғана жетеміз – Тоқаев

Мемлекет басшысы Қасым-Жомарт Тоқаев Павлодар облысының жұртшылығымен кездесуі барысында Мәшһүр Жүсіптің осы өңірдің перзенттерінің арасында алар орнына ерекше тоқталып өтті, деп хабарлайды KAZBILIM БОРТ№1 Telegram...