13 C
Нур-Султан
06.10.2022

БАЛАНЫ КІТАП ОҚУҒА ҚЫЗЫҚТЫРУ

Бала өскен сайын ата-аналар əртүрлі суретті кітаптардан бастап, қызықты оқиғалы ертегілерге көшеді. Бірақ, оны өздері оқып береді. Есейе келе, 4-5 жастан бастап бала əріп танып, оқи бастайды. Бала үшін ол екі жұмыс болып табылады: бірінші, əріптерді танып, оқу; екінші, оқығанның мағынасын түсіну. Осындай кездері баланың қызығушылығын жоғалтып алмаудың жəне титтей де қызығушылығы жоқ баланы оқуға тартатын бірнеше əдістер бар.

Кассиля əдісі
Өте қызықты бір кітапты бастаңыздар. Ең қызықты жеріне келгенде, бір шаруаңызды сылтауратып баланың өзіне қалдырып кетіңіз. Көрерсіз, балаңыз əрі қарай өзі оқып бітіреді.

Рөлдік əдіс
Кітапты автор мен кейіпкерге бөліп алып, кезегімен оқыңыздар.

Бас кейіпкерлер əдісі
Сіз балаңыздың сүйікті кейіпкері кейпінде боласыз. Өзара хат жазысасыздар немесе ол сұрақ қояды. Баланы жалықтырып алмайтындай, жағымды хаттар жолдап тұрасыз.

Көмектесу əдісі
Үй шаруасын жасау барысында балаңыздан өзі оқуын сұрап көріңіз. Əсіресе, жаңалықтарды, тамақ рецепттерін оқып беруін өтінсеңіз, қуана жасайды.

БАЛАЛАРДА КІТАП ОҚУДЫ ҚАЛЫПТАСТЫРУ

Баланы кітап оқуға үйретуге арналған қарапайым және нәтижелі әдістер:

— Әріп-магниттер сатып алыңыз да, тоңазытқышта балаңызға хабарлама ретінде әртүрлі сөздер мен сөйлемдер құрастырыңыз. Әр жаңа хабарлама сайын баланың оқуға қызығушылығы артады.

— Балаңызға үстел ойындарын үйретіңіз. Бірақ заңдылық қалыптастырыңыз: ойынның ережелерін балаңыздың өзі оқысын

— Қазына іздеу ойынын ойнаңыздар. Бір қазынаны тығып қойып, үйдің әр жеріне сілтемелер, көмектесетін сөздерді жазып қойыңыз.

— Компьютерде отырғанды жақсы көрсе, әдемі безендірілген ертегілер мен оқиғаларды жүктеп, орнатып қойыңыз.

— Егер балаңызбен бірге дүкенге баратын болсаңыз, неше түрлі жарнамаларды, тақтайшадағы жазуларды бірге оқыңыздар.

— Мүмкіндігінше, өзіңіз де көп оқыңыз. Балаға кітап оқудың керек және пайдалы екенін көрсету үшін.

— Балаңызға шағын кітапхана жасап беріңіз. Оқуға ынтасы болған кезде таңдауы шектелмеуі үшін.

— Баланың әр оқығаны үшін мақтап отырыңыз, кітап оқитындығы туралы барлығына айтып жүріңіз, мотивация болады.

— Балаңыз мектепке баратын болса, демалыс уақыттарында кітап оқуға 1 сағаттарыңызды бөлуге тырысыңыздар.

— Ең бастысы, баланы кітапты үздіксіз көп оқуға мәжбүрлемеңіз. Кішкенеден, үзіліспен оқуға және бір кітаптан екінші кітапқа ауысуына мүмкіндік беріңіз.

Ботакөз Қамзанова

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Ресейден келгендер мектепте мұғалім болып жұмыс істей алма ма?

Ресейде ішінара мобилизация жарияланған соң Қазақстанға бас сауғалап келгендердің саны көбейді. Оқу-ағарту министрі Асхат Аймағамбетов ресейлік мұғалімдердің Қазақстанда мектепке жұмысқа орналаса алмайтынын айтты. Zakon.kz-тің жазуынша,...

Алматының Алатау ауданында екі мемлекеттік колледж салынады

Алматы қаласының Алатау ауданында екі мемлекеттік колледж салынады. Бұл туралы қала әкімі Ерболат Досаев аудан тұрғындарымен кездесуде айтты. «Келесі жылдан бастап Алатау ауданында екі мемлекеттік...

Қазақстанда білім беру 13,8% қымбаттады

Қазақстанда білім беру ақысы 13,8% қымбаттады. Бұл туралы ҚР Стратегиялық жоспарлау және реформалар агенттігі Ұлттық статистика бюросынан мәлім етті. «Қыркүйек айында білім беру қызметтерінің бағасы...

Павлодар облысында алдағы 3 жылда 10 мектеп салынады

Жолдауда ұсынылған «Жайлы мектеп» ұлттық жобасы аясында Павлодар облысында алдағы 3 жылда 10 мектеп салынады. Бұл туралы Мемлекет басшысы Қасым-Жомарт Тоқаев Павлодар облысы жұртшылығымен...

Жаңа Әділетті Қазақстанға елімізде білім культі біржола орныққан кезде ғана жетеміз – Тоқаев

Мемлекет басшысы Қасым-Жомарт Тоқаев Павлодар облысының жұртшылығымен кездесуі барысында Мәшһүр Жүсіптің осы өңірдің перзенттерінің арасында алар орнына ерекше тоқталып өтті, деп хабарлайды KAZBILIM БОРТ№1 Telegram...