Қазақта көп қой зиялы
Тәуелсіздікті аңсаған.
Неліктен жанын қияды?
Бостандық үшін сонша адам?
Қазақ деген –азат жан,
Көкбөріден таралған.
Тарихы бар сан алуан,
Сақ, ғұндардан нәр алған.
Қандай қырғын болса да,
Қарсы тұрып келеміз.
Жерімізді бермейміз,
Жанымызды береміз.
Қытай, жоңғар, кәпірдің,
Қыспағынан құтылдық.
Толқынына тарихтың,
Талай мәрте жұтылдық.
Батыр мен хан бірігіп,
Ел-жер үшін күресті.
Оларда бар ірілік,
Ұрпағына үлесті.
Зиялы жан көп бізде,
Ұлты үшін ұрандар.
Әлихан, Ахмет дем беріп,
Алашорда құралған.
Абылайдан қалған іс,
Бар қазаққа аманат.
Өткен өмір–көрген түс,
Болмас оны жамандап.
«Алаш» деді ұраным,
Оқыған мен зиялы.
Осы ұранның талайға,
Тиіп кетті зияны.
Жер аудардық, қудалап,
Атақтысын аттық кеп.
Ұлтшылдықты құрттық қудалап,
Құдайсыздан пана таптық деп.
Мыңдап құрттық жақсыны,
Жылпостарды көсем қып.
Мақтай бердік, бас иіп,
«Жасасынды» шешен қып.
Қанды соғыс бес жылдық,
Жас түлекті жалмады.
Әрең-әрең ес жидық,
Қарттарда қауқар қалмады.
Сонда дағы талмастан,
Тың көтердік жабыла.
Бабадан бізге жалғасқан,
Қарсы жүзу ағынға.
Ұлттық құрам кеміді,
Саясатпен, аштықпен.
Құлша жаншып елімді,
Қасап қылды қастықпен.
Азаптан да өтті елім,
Тозақтан да өтті елім.
Қара киген қасірет,
Қанша үйге септі өлім.
Қажығанмен қазағым,
Тағы да бір қарманды.
Желтоқсанда жаңғыртып,
Дүр сілкінтті жалғанды.
Димекең боп ойландық,
Бауыржанша қомдандық.
Қазағымның тұтқасын,
Ақыры біз қолға алдық.
Тәуелсіздікке қол жетті,
Тар жол, тайғақ кешумен.
Елім деп туған есіл ер,
Елінің кетпес есінен.
Нұрсұлтандай Елбасы,
Тарих көшін бастап тұр.
Мұхтар, Бекболат, Олжасы,
Бастаған ісін қостап тұр.
Қазақта көп қой азамат,
Елі үшін жанын қиятын.
Сыймаса да кең жерге,
Жүрекке ғана сиятын.
Тарих оқушы көзімен,
Бағаланар өзгеше.
Тарихты жазған ғалымдар,
Ұлттың қамын көздесе.
Абылай ханды әдебиет,
Үш жүздің ханы деп білер.
Ал тарихта басқаша,
Күдік ойды түрткілер.
Ұлы қазақ хандығы,
550 жылдығын.
Үміт отын жандырып,
Асырып елдің мерейін,
Тойлау керек ағайын!
Жанболатұлы Айдос
«Арыстан» мамандандырылған лицейінің 9 –сынып лицеисі.
Жетекшісі: ф.ғ.к., Ж.Т.Өміржанова