Атырауда өткен гуманитарлық ғылымдар бойынша республикалық олимпиада дипломанттарында грант конкурсына қатысқанда білім грантына ие болуда алуда артықшылықтары бар, деп мәлімдеді ҚазАқпарат тілшісіне қазылар алқасының төрайымы — «Дарын» республикалық ғылыми-тәжірибелік орталықтың директоры Шолпан Қирабаева.
«Мұндай артықшылықтарға республикалық олимпиада қорытындысы бойынша ҚР Білім және ғылым министрлігінің 1, 2 және 3 дәрежелі дипломдарына қол жеткізгендер ие бола алады. Сонымен қатар, бірқатар университет бұл дипломға ие болу үшін аздаған ұпай жетпей қалған оқушыларды да өз студенттерінің қатарына қабылдауға дайын. Атырауға арнайы келген бірқатар университет өкілдері бұл туралы олимпиаданың жабылу салтанатында мәлім етті», — деді Ш.Қирабаева.
Еске сала кетейік, сенбі күні Атырауда, М.Өтемісов атындағы облыстық драма театрында гуманитарлық ғылымдар бойынша республикалық пәндер олимпиадасының жабылу салтанаты өткен. Оған 531 оқушы қатысты.
