17 C
Нур-Султан
26.09.2022

Тәуелсіздік мерекесі құтты болсын!!!

Ассалаумағаликум Алаш жұрты, құрметті оқырмандар:

Алладан бар қазаққа сый болған, Алашым басқадан азат болған, бабамның арманы орындалған, баласы қызығына бойлаған, бәз біреулер қызығада, қызғанада қарайтын қасиетті де ұлы мереке Қазақ еліінің тәуелсіздік күні құтты болсын!
Алаштың мәңгі аспаны ашық, ұрпағы ұлан асыр бейбітшілігін ғана тойлайтын маңдай бағы бес елі берекелі күндері баянды болсын!!!
Тәуелсіздікке тәуе етіп тату тәтті ғұмыр кешер күндеріміз мәңгілік болғай!
Алдағы жылда шеттегі арманын Қазақ елімен байланыстыратын барша қазақ ата жұрт ауасымен сусындап, Қазақ хандығының 550 жылдық мерей тойын мереймен тойлап, кешесі мақтанышты тарих, бүгіні маңгілікке тұғыр, ертеңі даңықты белес болар Қазақ елінің беделі мен берекесін арттырар қуанышты күндер көп болсын!!!
Айтыскер ақын, Рүстем Қайыртайдың тәуелсіздік күніндегі айтыста :
Алтын торға қамалған ақ тотыдан,
Қу бұтақта сайраған құс бақытты, — деп жырлағаны бар еді. Бұл азат елде азапты ғұмыр кешіп жүрсе де Аллаға шүкір айтатын әр азаматтың жүрек сөзі еді. Тәуелсіздік күні құтты болсын!!! Еліміз аман, жұртымыз тыныш болсын!

ТӘУЕЛСІЗДІК ҰЛЫ ҰҒЫМ

Бойымда бір ыстық қан,
Жадымда ұлы жаңғырық.
Көзімде жасым қыстыққан,
Өз жерімде өзге боп,
Өз үйімде қаңғырып.

Айырып ұлы ұлттықтан,
Бабамды еткен әңгүдік.
Өз үйінде құл тұтқан,
Етектен алып есер кеп,
Есімнен кетті тандырып.

Тек өздерін дүр тұтқан,
Қарашығын қан қылып.
Жамандық іздеп жыртықтан,
Қоқысты келіп түртпектеп,
Қорқаулар жатты таңға ұлып.

Кімде бар деп ұлттық қан,
Қанішерлер қан жілік.
Тойып ішіп торсықтан,
Рухымды жаншып, ұсақтап,
Айдайтындай аң қылып.

Бір Алланы пір тұтқан,
Бабамда бар ед қандылық.
Ұрпағын демеп қолтықтан,
Сыбырлап келіп тіл қатты,
Бодан болма мәңгілік!

Қабағын түйіп қарт өтті,
Бодандық есін жимастан.
Найзағайдай жарқ етті,
Сәуле шашты тарихқа,
Алаш болып түнгі аспан.

Талай рет қанды етті,
Жүзін жуып алды аспан.
Толарсақтан қан кешті,
Жасын ғұмыр жарқ етіп,
Желтоқсан болып үн қатқан.

Тәуелсіз бүгін таң жетті,
Қорқаулармен қоштасқан.
Рухын тіктеп жанды етті,
Жетпіс жылға жекіріп,
Үш ғасырын шаң басқан.

Тәуелсіздік ұлы ұғым,
Тамыры терең қазаққа.
Баянды болсын ұлы күн,
Шуағын шашып ұлтыма,
Нәлет айтсын азапқа.

Аятжан Ахметжан

-ЖАРНАМА-

Пікір қалдырыңыз

Please enter your comment!
Please enter your name here

- ЖАРНАМА -

СОҢҒЫ ЖАЗБА

Мектепте оқушылардың ұялы телефон қолдануына тыйым салуға бола ма – министр жауабы

Мектепте оқушылардың ұялы телефонды қолдану немесе оған тыйым салу шешімін білім ордасының қамқоршылық кеңесі шешеді. Орталық коммуникациялар қызметінде өткен брифингіде оқушылардың сабақ кезінде гаджеттерді ұстауына...

10-11 сынып оқушылары үшін ағылшын тілі пәнінің сағаты көбейеді

10-11 сынып оқушылары үшін ағылшын тілі пәнінің сағатын көбейту жоспарланып отыр. Орталық коммуникациялар қызметінде өткен брифингіде Оқу-ағарту министрі Асхат Аймағамбетов осылай мәлімдеді. «Математика, физика, химия,...

Министрлік «Өзін-өзі тану» пәнін ресми түрде алып тастауды ұсынды

Оқу-ағарту министрлігі «Өзін-өзі тану адамгершілік-рухани білім беру бағдарламасының күшін жою туралы» бұйрықты ашық талқыға шығарды. «Өзін-өзі тану адамгершілік-рухани білім беру бағдарламасын бекіту туралы туралы» ҚР...

Шымкентте АИТВ жұқтырған балалардың жоғары білім алуына көмектесеміз – Ғылым министрі

ҚР Ғылым және жоғары білім министрі Саясат Нұрбек 2006 жылы Шымкентте абайсызда Адамның иммун тапшылығы вирусын (АИТВ) жұқтырған балаларды кездесуге шақырды. «2006 жылы Шымкентте 80-ге...

«Үздік педагог» байқауына өтінім қабылдау 25 қыркүйекке дейін ұзарды

«Үздік педагог-2022» байқауының бірінші кезеңіне қатысу үшін құжаттарды қабылдау тағы 3 күнге ұзартылды. Яғни қазақстандық мұғалімдер 2022 жылғы 25 қыркүйекке дейін құжат тапсыра алады....