Әлемдік деңгейдегі ойшыл, ұлт руханияты Абай Құнанбайұлының туған күні қарсаңында өткен XXIV Республикалық Абай оқулары өз мәресіне жетті.
Сайыс қорытындысы бойынша Оқу-ағарту министрлігінің дипломдарымен 56 оқушы марапатталды. Оның ішінде бірінші дәрежелі дипломмен 13 қатысушы марапатталса, екінші дәрежелі дипломды 19 қатысушы иеленді. Үшінші дәрежелі дипломды 24 қатысушы еншіледі.
Сонымен қатар, қазылар алқасы үздік командаларды анықтады. Бас жүлдені Шығыс Қазақстан облысы жеңіп алса, бірінші орынды Абай облысының, екінші орынды Қарағанды облысының командалары өзара бөлісті. Үшінші орын Ақмола, Ақтөбе, Жамбыл, Павлодар облыстарынан келген командалар иеленді.
Естеріңізге салсақ, ХХIV республикалық Абай оқулары Оқу-ағарту министрлігінің қолдауымен Абай облысының «Абай және Шәкәрім» мемориалдық кешенінде өтті. Байқауға республика бойынша 23 команда, 130-дан астам жас абайтанушылар қатысты. Абай оқуларына қатысқан жас таланттар 6 номинация бойынша өз бақтарын сынады.
