Ақмола облысының оқушысы шетелдік 6 университеттерінің грант иегері атанып, 4 университетке шақырту алды, деп хабарлайды QAZBILIM aқпараттық агенттігі.
Ақмола облысы білім басқармасының мәліметінше, «Білім-инновация» лицей-интернатының 11-сынып оқушысы Хайрушев Жарас АҚШ –тың 6 университетінің ( Widener university — 148000$; Michigan state university — 72000$; Arizona state university — 52000$,Loyola university Chicago — 84000$, Adelphi university — 100000$, George Mason university — 48000$ ) грант иегері атанып отыр.
Сондай-ақ АҚШ-тың және Канаданың 4 университетінен (Pennsylvania state university, University of Illinois Chicago, University of Toronto , University of Ottawa) арнайы шақырту алған.
Жарастың бала күнгі арманы криминалист болу еді. Криминалистика туралы түрлі фильмдер мен көркем әдебиеттер оқып, болашақ мамандығы туралы ізденуді 7-сыныптан бастаған. 2023 жылы лицейдің 11-сыныбында оқып жүріп, «Coursera» сайтындағы Сингапур университетінің «Криминалистика және криминальная психология» курсының тыңдаушысы атанды.
Қазіргі қоғамда қылмыстың өршіп тұрғандығы және оның алдын алу жолдары қандай деген сауал Жарасты бей-жай қалдырмады. Ол осы мәселе төңірегінде үнемі ізденіп, түрлі әдебиеттер оқып, 2022-2023 оқу жылы “How do people get on the path murder and violence” деген тақырыпта адамдардың қылмысқа бару себебі жөнінде ғылыми зерттеу жоба жұмысын жазады. 2021-2022, 2022-2023 оқу жылы Жарас ағылшын тіліндегі республикалық дебат турнирлеріне қатысып, 1-орын иегері атанды. Сондай-ақ ағылышын тіліндегі “World scholars cup” халықаралық олимпиадасына қатысып, 5 алтын, 1 күміс медаль иеленді.
«Үздіксіз дайындық пен табандылығының нәтижесінде Жарас IELTS сынағын 7 балға, SAT емтиханын 1200 балға тапсырып, өзі арман еткен криминалист мамандығы бойынша шетелдің белді оқу орындарында заманауи білім алу мүмкіндігіне ие болды», — делінген Ақмола облысының білім басқармасының хабарламасында.
