Aқын, филология ғылымдарының кандидаты Оңайгүл Тұржан аралас балабақша, аралас мектеп деген ұғымнан арылу қажет екенін тағы еске салды. Бұл туралы ол Қызылорда облысында өткен қоғамдық кеңес отырысында айтты, деп хабарлайды QAZBILIM aқпараттық агенттігі.
«Елімізде жоспарланған 400 мектеп салынатын бағдарлама аясында «аралас мектеп» дегенді доғару керек. Мектептердің ішінде менталитеттік қақтығыс болып жатыр, мұның артында үлкен мәселе жатыр», — деп дабыл қақты Оңайгүл Тұржан.
