Ағымдағы жылдың 3 — 7 сәуір аралығында жалпы білім беретін пәндер бойынша республикалық ғылыми жобалар конкурсы өткізіледі, деп хабарлайды «Дарын» РҒПО.
Еліміздегі эпидемиологиялық ахуалдың нашарлануына байланысты Конкурстың қорытынды кезеңі онлайн форматында Google Meet платформасында өтеді.
Конкурстың қорытынды республикалық кезеңіне 19 секция бойынша – 718 жобамен 905 оқушы (оның 187 топтық жобамен 374 оқушы), оның ішінде ауылдық елді мекендерден 87 оқушы қатысады.
Конкурстың әрбір секциясы жобаларды алдын ала жоспарланған кесте бойынша белгілі бір уақытта, қоғамдық-гуманитарлық бағыттағы пәндер бойынша — 4 сәуір күні, жаратылыстану – математикалық бағыттағы пәндер бойынша 5 — 6 сәуір күндері қорғайды.
Қатысушылардың жобаларын қорғау орны — жергілікті Білім беру ұйымдары.
Толығырақ https://www.instagram.com/p/Cqc5mNZJs2r/?utm_source=ig_web_copy_link
