Бөбектің ғимараты республикалық Абай мектебіне берілетін болды. Бұл туралы экс-министр Асхат Аймағамбетов әлеуметік желідегі парақшасында жазды.
Алматы қаласындағы Абай атындағы республикалық мектепке бардым. Бұл еліміздегі қаситетті қара шаңырақ білім ордаларының бірі. Жаңа директордың бастамаларымен, мектепте болып жатқан өзгерістермен таныстым. Былтыр осы мектепті жаңа, заман талабына сай ғимаратқа көшіру туралы шешім қабылдағанбыз. Бөбек орталығына тиесілі екі ғимарат бар. Соның біреуін Абай атындағы мектепке беру – өте орынды шешім болды деген ойдамын. Бұл жұмыс аяғына дейін жеткізіледі деп үміттенемін.
Бұған қоса, партияның бағдарламасында республикалық желілес мектептер құру мақсатында әр облыстағы осындай мектептерден Абай атындағы гуманитарлық мектептер, Сәтбаев атындағы инженерлік мектептер, Жәутіков атындағы IT мектептер желісін дамыту көзделген. Елімізде көбінесе жаратылыстану бағытында білім беретін мектептер желісі бар (НЗМ, БИЛ, РФМШ).
Сондықтан, партияның бағдарламасында қамтылған гуманитарлық, инженерлік, IT бағытындағы білім ошақтарын ашу және оларға қолдау көрсету – маңызды қадам болатыны анық. Бұл мектептер еліміздің ертеңі үшін жаңа сұранысқа ие білікті мамандар шығуы үшін алғашқы баспалдақ болары анық!
Асхат Аймағамбетовтің Facebook парақшасынан
