2024 жылы мектеп пәндері 100 пайыз электрондық форматқа көшіріледі. Бұл туралы Үкімет отырысында Оқу-ағарту министрі Ғани Бейсембаев айтты.
«Сонымен қатар виртуалды зертханалар мен геймификация элементтері цифрлық контентке енгізілуде. Электрондық оқулықтар әзірлеу жұмысына еліміздегі 11-ден аса отандық баспалар атсалысты. Пәндерді электрондық оқулықтармен 100 пайыз қамту 2024 жылға жоспарланған. Педагогтер үшін электрондық оқулықтарды тиімді пайдалану әдістемелері әзірленіп, оқыту жұмыстары басталды», — деді ол.
Министр электрондық оқулықтармен қатар мектептерде қосымша оқу материалы ретінде мультимедиалық контенті бар цифрлық білім беру ресурстары белсенді қолданылатындығын айтты.
«Қазіргі күні 50 мыңнан аса цифрлық білім беру ресурсы жасалды. 2023 жылдың басынан бастап Цифрлық білім беру ресурстарына 6,7 мың мектеп қосылды. Бұл ресурстарды бүгінде күн сайын 3 миллионға дейін оқушы мен мұғалім қолданып келеді. Цифрлық білім ресурстарында барлық сыныптарды қамтитын 50 мыңнан аса бейнесабақ жарияланған», — деді министр.
Жалпы физка курсынан онлайн оқулық жасалды. Бұл оқулықта әрбір бөлімнің тақырыптарына арнап теориялық материалдар, есептер шығару жолдары, видео материалдар, 3D форматтағы демонстрациялар, зертханалық жұмыстар, тесттік материалдар дайындалған. Кез келген қолданушы zbp.kz сайтына тіркеліп жұмыс жасай алады.
Оқулықта 100 ден астам демонстрациялық, 40 шақты зертханалық жұмыс бар. Мұғалім сабақ үстінде көрнекі құрал ретінде қолдана алады. Ал оқушы ҰБТға толық дайындала алады.
https://zbp.kz